JOEL 2:2 - AMÜSÜH HÜM CL Bible (BSI)

² amiting tüsho azhingdokhi nimung, amobo lakhi tüsho kheahde amitingkhi nimung khülang! Müzüngbo kheak amürak liukihkhi nangde ato tüsho wulakhi tangkho bonungrü arüchoh; arü nangde adüsonü mülaakheah, yungsho arü dunglim arüpü lünbo ching mülalo.

JOEL 2:2 Iomraidhean Croise

MUNGSHIKHÜN 10:6

Apinü amulong ching lümchoh, “I maphap, I küyimkishe küpkhuk müngü.”

MUNGSHIKHÜN 97:2

Amobo tüsho amitingnü api mükamdochoh; thiyuro-lungki tüsho thiyuro ju api kiulongthsü-binkiu khimtan ah.

ABEKHIT 10:14

Tangkhobo Ijip lomi alala ching arü. Arübo abo thsübah alakheah; adüso arü müngüh ha ruk tangkho mülaakheah, yungsho arü dunglim mülalo.

ABEKHIT 10:6

Tüsho arünü nü yambo le nü yamlarübo tüsho Ijiprü yam alala mibah; ha nü buh yungsho nü pü pürünü arü alomi ching arübah khihni khiungde müngüakheahkhi labah.’” Jushu apinü rholo tüsho Pharao kinü wukhiuk.

ABEKHIT 20:21

Jumonü mihtsürübonü limshude zhip, tüshe Mosa a Thrünpuh lapung amiting akheah thüninde yü.

ISAIA 5:30

Ju nimung arünü keto ahukkhi nangde ju kheak ahukbah. Tüsho khürünü lomi kheak kheahsho amiting tüsho lümthsünü lang alabah; tüsho ayin ju amonü mitingdo kamshihchoh.

ISAIA 8:22

yungsho arünü alo lim kheahbah, tüshe lümthsünü tüsho amiting thsünü lang angübah; tüsho arü ju amiting akheah ching nimyukbah.

JEREMIA 13:16

Atungpuh nüsa Thrünpuh kilim apinü amiting mühandarüyide, tüsho shuhyini ching awungbo kheak nüsa jing mümükheyide müretahshang; nüsanü ayin kheahchoki, apinü ju bünangdo kamshihchoh tüsho mükjikhünkhit thsüde mitingshihchoh.

JEREMIA 13:6

Tüsho nimung ahihdo dunglim Atungpuhnü I ki tha, “ Kheakü Euphra lim yüang, tüsho inü ju ching rampü thiyukhüm jihkhi chimrüm khim luang.”

TÜZHOKHI 1:12

Nüsa I tsahhorübo alala, nüsa ki tümü müla de? Mürüngang tüsho kheahang, mulong rozhakkhi khürü I nangde la shi, küpü I kheak hande arükhea, küpü Atungpuhnü api bukakhiuk nimung I thsümüchikhea.

EZEKIEL 32:7

Küyimki inü nü thsümünimba, inü thüningbo lüpdobah, tüsho chiningbo mitingshihbah; inü amonü ani khüpdobah, tüsho khinunü nihbuh ayin müjih.

EZEKIEL 34:12

Namfimihnu neakrünü namfimihnu hiumüzütkhi bolung arü namfimihnu boto ajukhitkhi nangde, inü I yo namfimihnu ajukhitbah. Amobo shokhi tüsho kheahde amitingkhi nimung arü hiumüzütpungbo chingnü inü arü alala khümkhitbah.

EZEKIEL 38:9

Nü mikhuh ching, tsüngpungtsüngpung khülang nangde arübah; nü ju alomi shodokhi amo khülang nangde, nü tüsho nü yo thirithsürü alala, tüsho nü lung mihtsürü ahihkhüh labah.

DANIEL 12:1

“Ju kim ching nü mihtsürü kümrü, yunirü ato Maikel asürübah. Trükshihbo lakhi kim ching küyimkishe mülakhi thsünü kim khülang labah. Tüshe ju kim ching nü mihtsürübo Thrünpuh hüm ching thrüta larü khümkhitbah.

DANIEL 9:12

Nünü isa le isa yakzanshuhrü azhihde asukkhi yubo thsümütsü ato isa kheak dünjishih. Thüning athrünkhi bukkhüp Jirusalem kheak rhimokhi nangde küyimkishe mürhimoakheahyi.

JOEL 1:6

Tümüde trükshih khülang I lomi ching azahdo, sühmüh lakhi tüsho mükhebinkhi; ahü ju kekhüzü hü ah, tüsho kekhüzü dreto hülangpü nangde lah.

JOEL 2:25

I bonungrü ato, nüsa azhihde inü arüshihkhi, tangkho boto ajukbe, athsümünimrü tüsho ayihshakrünü atsühkhi kambo ching nüsa kukshahkhi inü ajihlobah.

JOEL 2:31

Atungpuh nimung ato tüsho atrebe müngüh ani ju mitingdo akambah, tüsho khinu ju thiyih kambah.

JOEL 2:5

Khora-lolungbebonü atruktrukkhi nangde, arünü müzüng mujukbo kheak jukchoh, motrunü reapreapde sünit aniukhi nangde, wulakhi bonungrü nangde keochihpü shihkhin thsüchoh.

JOEL 3:4

O Tair tüsho Sidon, tüsho Filistia kewungbo alala, nüsa ju I ki tümü a? Tümükhüh thsungkheak nüsanü I kilim jihlocho de? Nüsanü I kilim jihlosho, inü nüsa ku kheak nüsa rhimobo nahde tüsho niokheamde ajihlobah.

AMOS 4:13

Tümütüsho, shepünü müzüngbo thrünchonü, apung thrünchoh, api lümkhi mihtsürübo ki huhchoh, yapsu ju amiting kamshihchoh tüsho alomi achangbo kheak tsahchoh– Atungpuh , Wuto Thrünpuh ju api mung lah!

ZEPHANIA 1:7

Atungpuh Thrünpuh miki zhikde laang! Tümüde Atungpuh nimung khah ki lah; Atungpuhnü shuhmülanga jihpü thsakhamlah; apinü api hanrübo jiyukdo.

ZEKARIA 14:6

Ju nimung athsak yungsho thüwün müla.

MATHI 24:21

Tümüde judüki alomiküp tankihbah ha kim khiungde mülakhi yungsho küyimkishe mülalopü lakhi thsümütsüato labah.

MARK 13:19

Tümüde jurü nimungbo ching Thrünpuhnü athrünkhi atankih chingnü ha kim khiungde, yungsho küyimkishe mülabe thsümütsü labah.

YUZÜNGTHALO 32:7

Awün nimungbo lümkhitang, lün ashang hokhibo lümkhitang; nü buh ki keokhiang, tüsho apinü nü ki huhbah; azothsürübo ki keokhiang, tüsho arünü nü ki thabah.

IBRI 12:18

Nüsanü aqiupü thsüde mo trukhi, amiting, akhüpdokhi, tüsho chinthrüm ching marü,

JUDNÜ ATHRÜTKHI KIHÜM HUHTANYU 1:13

keto müküpde abükkhi, arü nihbuh achihbe arhukrhukke thurukihchoh; arü khilim lün thsungkheak amiting akheah akhua zokhi tsahde alakhi chiningbo ah.

AMIKHEAKAKHIUKKHI 9:2

apinü alokhünbit ju khimshuh, tüsho alokhünbit chingnü morimoto mokhüh nangde akhiukbah ani le thüning mitingde kamshih.