JOEL 2:18 - AMÜSÜH HÜM CL Bible (BSI)

¹⁸ Judüki Atungpuhnü api lomi thsungkheak lümrhihde kam, tüsho api mihtsürü kheak amuzho la.

JOEL 2:18 Iomraidhean Croise

2 KIULONG THSÜRÜ 19:31

Tümüde Jirusalem chingnü aningkhi tüsho Zion wung chingnü arhang larü tsokhitbah. Wuto Atungpuh künkhinü ha rhimobah.

MUNGSHIKHÜN 103:13

Buhrünü tsührü muzhokhi nangde, Atungpuhnü api trerü muzhochoh.

MUNGSHIKHÜN 103:17

Tüshe Atungpuh amüthsüm ju api trerü kilim akheam mülanü akheam müla khiungde, tüsho api thiyuro-lungki ju tsührü tsührübo khiungde lah,

ISAIA 37:32

tümüde Jirusalem chingnü aningkhi wukhiukbah, tüsho Zion Müzüng chingnü atsokhitrü bokhüh labah. Wuto Atungpuh künkhinü ha thsübah.

ISAIA 42:13

Atungpuhnü bonungrü nangde mikhuhlim yüchoh, thirithsü khülang nangde api bukakhiukkhi rhumusuchoh. Apinü zhichoh, apinü achangnü ahochoh, apinü anihbuh riribo azhihde Wuto huhchoh.

ISAIA 60:10

Khiungkerübonü nü chipibo thsüjihbah, tüsho arü kiulongthsürübonü nü tankihbah; tümüde I bukakhiukkhi ching inü nü kingmülün, tüshe I mung chingnü nü kheak I amüthsüm lakheah.

ISAIA 63:15

Yinmi chingnü, nü yo amüsüh tüsho müretahkhi lapung chingnü abinkhia kheahang. Nü künkhi tüsho nü wu-sühmüh küching la? Nü amuzho tüsho nü lümrhihkhi thsü küching la? Arübo isa kheaknü tukloa lah.

ISAIA 63:9

Arü lümthsünü alala ching api she lümthsünüde kam, yunirü khülangnü yung tüshe Atungpuhnü arü khümkhit; api muzho ching tüsho api khah-ching müyüzahkhinü arü bemusu tüsho awün nimungbo alala ching buh.

JEREMIA 31:20

Ephraim a inü amuzhokhi tsührü a de? Api ju inü asühkhi tsührü a de? Alochode inü api azhihde asuksuk she, judü lang inü api lümkhitchoh. Jumonü api thsungkheak I mulong niuthünaka lah; tsükjide inü api kheak mihmüthsüm labah, Atungpuhnü thachoh.

TÜZHOKHI 3:22

Atungpuh amuzho adüküng küyimkishe mükheam, api mihmüthsüm küyimkishe mükheam;

ZEKARIA 1:14

Jumonü I ki asukachihbuh yunirünü I ki tha, Ha yusheak zhiyukang: Wuto Atungpuhnü ha thachoh: inü Jirusalem tüsho Zion thsungkheak khide mükthsülah.

ZEKARIA 8:2

Wuto Atungpuhnü ha thachoh: Inü Zion kheak mükthsülah, tüsho anihbe thsungkheak inü tode mulong zhipzhiplah.

LUKNÜ ATHRÜTKHI THIYUSHEAK-ATSÜ HUHTANYU 15:20

Tüsho apinü tsahmusubah abuh kilim arü. Tüshe api limshu ching tsahchokinü, abuhnü api ngübah muzhode lüm, tüsho alihde yübah ahung kheak kap tüsho api müthsüp.

YUZÜNGTHALO 32:16

Arünü api keomukhuh-a khiungkerü thrünpuhbo kheak abukakhiukshih; arünü athraneanbe rhimode api bukakhiukshih.

YUZÜNGTHALO 32:36

Küyimki apinü arü wu tsodo tüsho rhüka larü yungsho zuzu larü maning de mükheahbanü, atsütsü Atungpuhnü api mihtsürü bekhitbah, tüsho api yamlarübo kheak müthsümbah.

YUZÜNGTHALO 32:43

O trükbo, Atungpuh mihtsürübo shiang; tümüde api yamlarübo laksahrü alala kheak apinü royimchoh, tüsho api riri kheak royimchoh, tüsho api lo le amihtsürü neak bahjihchoh.

JAKOB 5:11

Kheahang, arümkheamrü isanü asühpü de jichoh. Jobnü arümkheamkhi nüsanü sodo, tüsho nüsanü Atungpuh lümkhi, Atungpuh amuzho tüsho mihmüthsüm ngüdo.

MAHKHAPRÜ 10:16

Jumonü arünü khiungkerü thrünpuhbo arü bolungnü yihkhita bah tüsho A TUN GPU H tankih. Tüsho Israel thsünükhi apinü küruhkhüh marümkheamde alakheah.