JOEL 2:17 - AMÜSÜH HÜM CL Bible (BSI)

¹⁷ Mükü tüsho kingaün sadam dükeak ching Atungpuh tankihrü, amükeamrübonü tripshang. Arünü thashang, “ Nü mihtsürübo aninga lashang, O Atungpuh , tüsho nü yamrüplurüp ha trükshih bolung keangrümüne, münedung dükamshih. Tümüde mihtsürü bolung ha thashihpü, ‘ Arü Thrünpuh küching la?’”

JOEL 2:17 Iomraidhean Croise

1 KIULONG THSÜRÜ 6:3

Thüyam müngüh ayüzahpung khiungshak ju ashanglim khahnap 20 tüsho atolim ju apunglim lakshakde khahnap 10 lakheah.

1 KIULONG THSÜRÜ 9:7

judüki inü Israel ju arü jihkhi lo chingnü adükheakshihbah; tüsho inü I mung thsungkheak müsühkhitkhi yam ju inü abahyukbah; tüsho Israel ju mihtsürü alala bolung müchitmudu tüsho münedung kambah.

2 KIUTHSÜYUKHEAN 7:20

jushu a inü nü kilim jihkhi lomi chingnü nü rukkhita bahbah; I mung thsungkheaknü inü amüsühkhitkhi ha yam I mikinü inü abahyukbah, tüsho ha mihtsürü alala bolung müchitmudu tüsho münedung khülang kamshihbah.

2 KIUTHSÜYUKHEAN 8:12

Judüki Solomonnü apinü arüngyam müngüh thsükhi A TUN GPU H kingaün sadam kheak taka kingaünkhi jih,

NEHEMIA 9:36

Kheahang, nünü isa jipürü kilim sangsolungso tüsho tsühyungpübo atsü tsühde asühshihpü jihkhi lo ching khihni isa azhorü lah.

MUNGSHIKHÜN 115:2

Tümüde trükshihbonü athashihpü, “ Kheakü arü Thrünpuh küching la?”

MUNGSHIKHÜN 42:10

Arünü mükhemükimkhinü I züthünaka lah, arünü I ki nimung amuyung keochoh, “Nü Thrünpuh kükheak la?”

MUNGSHIKHÜN 42:11

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

MUNGSHIKHÜN 42:3

I chikebo ju animung tüsho are I jim lakheah, I riribonü mutukzhakde I ki tha, “Nü Thrünpuh kükheak la?”

MUNGSHIKHÜN 42:4

Küyimki inü harü lümkhitbanü, I me thurukhitchoh. Tümüde inü asühkhi düsheak thsüde, tüsho makshe jihde boto lung Thrünpuh yam lim yü.

MUNGSHIKHÜN 74:10

O Thrünpuh, külokhüh nü azhihrünü nü münejihba? Thiririnü lünnü nü mung mükhemükimba de?

MUNGSHIKHÜN 79:10

“Arü Thrünpuh küching la” de tümü thsüpü trükshihbonü athashihpü? Nü yamlarübo thiyih bukkhi royimkhi isa mikinü trükshih bolung mükheahshang.

MUNGSHIKHÜN 79:4

Isa mühi trükshihbonü isa mükhemükimchoh; arünü isa ki münejihchoh tüsho keangrümünechoh.

MUNGSHIKHÜN 89:41

Limro tsahhorü alalanü api kukruk ahühchoh; anihbuh yamhingrübo ki api a münedung kamdo.

MUNGSHIKHÜN 89:51

Nü riribonü nünü mujude-mokhitkhi kiulongthsüpuh mükhemükimchoh, O Atungpuh ; arünü api yüpung alala ching mükhemükimdo.

ABEKHIT 34:9

Apinü tha, “O Atungpuh , I nü miki mihmüthsüm ngüa lasho, isa anihnih mihtsürü thsüa lalashe Atungpuh isa lung yüang de inü tamkhüntamnüchoh; isanü alakmihkhi tüsho isa neak bahjang tüsho nü yamrüplurüp nangde isa luang.”

ISAIA 22:12

Ju nimung ching Wuto Atungpuh Thrünpuhnü atrippü tüsho atüzhopü, ku hütpü tüsho shungliukhim phuyupü jikheah;

ISAIA 37:20

Jumonü kheakü, O Atungpuh isa Thrünpuh, api khah chingnü isa khümkhitang, junangde alomi kiulongthsübo alalanü nü lang Thrünpuh ah de amükheahbah.”

EZEKIEL 20:9

Tüshe I mung chingnü arü lapung trükshihbo miki mümüneanpü inü rhimo tüsho arü mikinü Israelrü Ijip chingnü bekhitde I akhiuka huh.

EZEKIEL 8:16

Jushu apinü I Atungpuh yam khikzhakpung alungbe ching bede yüzah tüsho arüngyam limro kheak mükü le kingaün sadam dükeak mihtsürü 25 lakheah. Arü düthsün Atungpuh arüngyam lim thsü tüsho arü miro aniakhiuklim abinbah ani ki khukningde alakheah.

HOSEA 14:2

Amushukhi lubahle Atungpuh kilim rholode yüang; api ki thaang, “Amülim alala lude tsoang; atsü küpüanü leangkhiang tüsho isanü alokhikhi nangde isanü nü shianü.

JOEL 1:13

Shungliukhim phuyuang tüsho tüzhoang, nüsa amükeamrübo; tüzhoang, nüsa kingaün sadam kheak tankihrübo. Arang, shungliukhim chingnü tsüngre hoshang, nüsa I Thrünpuh tankihrübo! Hi kingaün tüsho ayungbe kingaün nüsa Thrünpuh yam chingnü tukloa lah.

JOEL 1:9

Hi kingaün tüsho ayungbe kingaün Atungpuh yam chingnü tuklodo. Atungpuh tankihrü, amükeamrübonü tüzhochoh.

AMOS 7:2

Küyimki arünü alo rimbo tsühkhamkhea, inü tha, “ O A TU N GPU H T H RÜ NPU H , neak bahjang, inü nü ki mushuchoh! Küde thsah Jakob zhipkhukpü? Api khide ninilah!”

AMOS 7:5

Judüki inü tha, “ O Atungpuh T H RÜ NPU H , ju lang thsang, inü nü ki mushuchoh! Küde thsah Jakob zhipkhukpü? Api khide ninilah!”

MIKA 7:10

Judüki I ririnü angübah, tüsho achihnü anihbe lüpdobah, shepünü I ki tha, “Atungpuh nü Thrünpuh küching la?” I mükbonü anihbe lungkhi ngübah; kheakü anihbe ju kiudunglimro akhimniuhniuh nangde athrümyukbah.

MALAKI 1:9

Tüshe kheakü Thrünpuh amuzho mushuang, junangde apinü isa ki mihmuzho labah. Ha nüsa khahnü rhimoa lachoki, apinü nüsa ki muzhode aleangkhiba de? Wuto Atungpuhnü thachoh.

WÜHKHE 25:6

Tüsho kheahang, Israelrü mihtsürü boto arüngyam ripit ki tripde aleangchoki, Israelrü khülangnü Midiaberü bebah Mosa tüsho botonü ngüde anihbuh betsührü kilim arü.

MATHI 23:35

junangde thiyuro-lungkirü Abel thiyih kheaknü nüsanü arüngyam le kingaün sadam dükeak laksahkhi Berekia tsührü Zekaria thiyih khiungde, alomi ching thiyuro-lungkirü thiyih bukkhi alala nüsa kheak arübah.

MATHI 27:43

Apinü Thrünpuh kheak kindo; kheakü apinü anihbuh khümkhitshang; tümüde apinü tha, ‘I Thrünpuh tsührü ah.’ ”

YUZÜNGTHALO 28:37

Atungpuhnü nüsa hiumüzüta yüshihkhi trükshih bolung ching nüsa mihtrebe, mükhemürangkhi tüsho münedung kambah.

YUZÜNGTHALO 32:27

tüshe inü arü riri mükükheangshihkhukde bahdo, jude thsükhülaa arü riribonü aniphülapbah athabah, “Isa khahnü kukdo; Atungpuhnü harü alala mürhimo.” @SP ACE=

JIHUSUA 7:9

Kananrü tüsho lomi ching larübonü ha sobah isa zündobah, tüsho alomi chingnü isa mung dükheakshihbah. Dale nü mung ato thsungkheaknü nünü tümü rhimoba?”