JOEL 2:13 - AMÜSÜH HÜM CL Bible (BSI)

¹³ Nüsa khimmih yungde nüsa mulong yihthünakang. Atungpuh , nüsa Thrünpuh kilim rholoang, tümüde api ju mihmuzho tüsho mihmüthsüm, arünnü bukakhiukchoh, tüsho düküngde amuzhopü suhdahde lah tüsho thsümüchi chingnü lümalochoh.

JOEL 2:13 Iomraidhean Croise

THRÜNTAN 37:29

Judüki Reubennü shingkung lim alode yü, tüshe Josep ju shingkung ching mülade alakheah; tüsho apinü akhimmihbo thorüp.

THRÜNTAN 37:34

Judüki Jakobnü api khimmihbo thorüpbah achim kheak shungliukhim yihkih, tüsho api tsührü thsungkheak nimung ahihdo tüzho.

2 SAMUEL 1:11

Judüki Davidnü akhim kheak tholobah rukrüp; tüsho api lung larü mihtsürü alalanü ju ruk thsü.

1 KIULONG THSÜRÜ 21:27

Küyimki Ahabnü thiyu jurü sokhea, apinü akhim thorüp tüsho apang keangkeang kheak shungliukhim yuk; apinü khümkeak thsüde shungliukhim ching yap, tüsho mulong rozhakde mükamde tsah.

2 KIULONG THSÜRÜ 22:11

Küyimki kiulongthsüpuhnü yakzan hüm yubo sokhea, apinü khimbo thorüp.

2 KIULONG THSÜRÜ 22:19

tümütüsho arübo zhikrangkhündo akampü tüsho muthrumüneanpü ha dangpung tüsho mihtsürübo azhihde inü athachoki nünü sobah nü mulong azhihayihde nünü Thrünpuh miki mushu, tüsho nünü nü khimmih thorüp, tüsho I miki trip, inü she nü ki sojihdo, Atungpuhnü thachoh.

2 KIULONG THSÜRÜ 5:7

Küyimki Israel kiulongthsüpuhnü kihüm khekhea, apinü anihbuh khim thorüp tüsho tha, “Asheshihpü yungsho rhangdung lashihpü thsüde I Thrünpuh ah de, ha buh mihtsürünü api mihtsürü apham thsüngushihpü I kilim thiyu arüshihcho de? Kheakü künangde apinü I kheak rukachihpü thsüchonü kheahang.”

2 KIULONG THSÜRÜ 6:30

Küyimki kiulongthsüpuhnü alibe yu sokhea, apinü akhim thorüp, tüsho api kiuto chipi kheak tsahde alachoki api pang alunglim shungliukhim lah de mihtsürübonü ngü.

2 KIUTHSÜYUKHEAN 6:27

nünü yinmi chingnü sojang, nünü arü ki arünü atsahpung limro atsü thsangyuchoki nü yamlarübo, nü mihtsürü Israel neak bahjang, tüsho nünü nü mihtsürübo ki yamrüplurüp jihkhi lo ching tsüng akishang.

NEHEMIA 9:17

Arünü mihyuanipü reanglo; arünü nünü arhimokhi mihdo; arünü nünü amükheahmihbe huhkhi mihdo. Arü kükheangkhi chingnü limberü mokhitbah Ijip azhorü kuhi ching belobah ayüshihpü kamshih. Tüshe nü a neak bahjihrü Thrünpuh ah; nü a mihmüthsümrü tüsho amuzhorü, arünnü bukakhiukchoh. Nü mihmüthsüm ato; jumonü nünü arü mübahyuk.

JOB HU H T ANYU 1:20

Judüki Jobnü asürü, api yo shulünkhim thorüp, api ku hüt, tüsho alo kheak khukningbah kingaün.

MUNGSHIKHÜN 103:8

Atungpuh , ju mihmüthsüm, amuzho, arünnü bukakhiukchoh, tüsho amüthsüm ching suhdahlah.

MUNGSHIKHÜN 106:45

tüsho arü dünkheaknü apinü api tangzüng lümkhit, tüsho mükhebinkhi api amüthsümbo yande lümalo.

MUNGSHIKHÜN 34:18

Atungpuh ju mulong tukthsürü thüninde lah, tüsho me thsümünima larü khümkhitchoh.

MUNGSHIKHÜN 51:17

Thrünpuh kilim shuhmülanga jihpü ju azhihayih me lah; azhihayih tüsho arholokhi mulong, O Thrünpuh, nünü ju mübahyuk.

MUNGSHIKHÜN 86:15

Tüshe O Atungpuh , nü a muzhomüyi tüsho amüthsüm ah, arünnü bukakhiukchoh, amuzho tüsho thiyuro ching muzhomopungde lah.

MUNGSHIKHÜN 86:5

Tümüde Atungpuh , nü tsülah tüsho neak bahjihpü thsakhamlah, tüsho nü ki jirü alala kilim mihmüthsüm ching suhdahlah.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 58:5

Inü mokhitkhi khümkeak ha, nihbuh azhihayihpü nimung yung de? Sangrung nangde aku koyupü, tüsho shungliukhim le awah ching yapbea de? Nünü ha Atungpuhnü leangkhikhukbe nimung, khümkeak ah de ajiba de?

ISAIA 66:2

Harü alala I khahnü thrün, jumonü ha alala I yo, Atungpuhnü thachoh. Tüshe azhihayih tüsho mulong rholokhi, tüsho I yu sobah ajanrü kheak inü akheahbah.

JEREMIA 36:7

Khükia arünü mushukhi Atungpuh miki arübah, tüsho arü alala arü amütsü limrobo chingnü rholobah, tümüde ato ju Atungpuhnü ha mihtsürü azhihde athakhi bukakhiukkhi tüsho mulong zhipzhip lah.”

JEREMIA 41:5

Shekem le Shilo tüsho Samaria chingnü mihtsürü 80 arü mükhühnam hüt tüsho khimmihbo rukrüp, tüsho arü pangbo tsüthünakbah, hi kingaün tüsho rhümthüneabe Atungpuh arüngyam ching jihpü lubah arü.

JEREMIA 42:10

Nüsanü lang ha lomi ching lasho, inü nüsa bemusubah tüsho nüsa muthokheam; inü nüsa khimbah, tüsho nüsa murukkhit; tümüde inü nüsa kheak thsümütsü handarükhi dünkheak I mulong ashilah.

EZEKIEL 9:4

tüsho api ki tha, “Jirusalem hode yüang tüsho arünü athsükhi athraneanbe alala kurungkheak lungrirü tüsho tüzhorü kingkangbo kheak amütsan yihkihang.”

HOSEA 14:1

O Israel, Atungpuh nü Thrünpuh kilim rholoang, tümütüsho nü mülimkhinü nü angakdo.

JONA 3:9

Shenü mükheahla? Thrünpuhnü lümalobah tüsho api lüm müthribah; api buk müshakde akhiukkhi chingnü apinü atuklobah, junangde isa müdükheak.”

JONA 4:2

Apinü Atungpuh ki tamkhüntamnü tüsho tha, “ O Atungpuh ! Ha inü I lomi ching lachoki thakhi yung de? Hamonü inü atankih ching Tarshish lim tsokheah; tümüde nü a amuzho tüsho mihmüthsüm Thrünpuh, arünnü bukakhiukchoh, amuzhodakkhi ching suhdahlah, tüsho thsümüchipü chingnü lümalopü thsakhamlah de inü mükheahlah.

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

NAHUM 1:3

Atungpuhnü arünnü bukakhiukchoh tüshe wu ching ato, tüsho Atungpuhnü küdüdüshe amülimrü müthsümüchidüa mülachoh. Api limro ju chinthrüm tüsho tsüngpungtsüngpung ching lah, tüsho amobo ju api jing yo asungthulung ah.

WÜHKHE 14:18

‘Atungpuhnü bukakhiukpü müniokheamchoh tüsho mihmüthsüm ching suhdahlah, neak tüsho azhihde-wusukhi bahjihchoh; tüshe apinü arü bebuhrü neak dünkheaknü tsührübo tüsho tsührü-tsührübo kheak lün mahsam tüsho lün phüyi khiungde mülakphahde athsümüchihbah.’

ROMRÜ KILIM PAULNÜ ATHRÜTKHI KIHÜM HUHTANYU 2:4

Yungsho Thrünpuh tsükhinü nü mulong müthripü lim bechoh de mümükheahde api tsükhi, arümkheam tüsho arorikhi mükhemükimcho de?

EFISIA 2:4

Tüshe Thrünpuh, shepü mihmüthsüm ching alarü la, apinü isa lümrhihkhi amuzho atonü,

1 TIMOTHI 4:8

pangnü mürangkhi ju alü khürü lah, tüshe akinnü mürangkhi ju limro alala ching lah, tümütüsho junü kheakü lakhi rhangdung tüsho arüpü lakhi rhangdung alokhikhibo ramlochoh.