JOEL 2:11 - AMÜSÜH HÜM CL Bible (BSI)

¹¹ Atungpuhnü api bonungrü kumung adüsheak thsüchoh; api bonungrü küdükhüh she hihla! api yukhüm anirü mükhebinkhi lah. Tsükjide Atungpuh nimung ato ah; atsütsü atrebe–shenü ju arümkhukba?

JOEL 2:11 Iomraidhean Croise

MUNGSHIKHÜN 18:14

Apinü api hühzobo yüshihbah thiriri hiumüzütshih; apinü chinchobe phürapa yüshih tüsho arü alihde tsoshih.

MUNGSHIKHÜN 46:6

Trükshihbo müyinnimdo, kiulongthsübo niukdo; Thrünpuhnü tsüngmukchoh, tüsho alomi niuthünakchoh.

MUNGSHIKHÜN 68:18

Aramrübo api lung bebah achangbo kheak yükihchoh; azhihrü mihtsürübo kheaknü she apinü thsambahbo leangkhichoh, Atungpuh Thrünpuh ju ching labah.

ISAIA 13:4

Aniang, awungbo kheak alankhi boto ato khülang nangde! Aniang, kiulongthsübo arhunganimkhi, trükshihbo rukhüh shomukhungkhi! Wuto Atungpuhnü keochihpü thsungkheak bonungrü kitmukhungchoh.

ISAIA 42:13

Atungpuhnü bonungrü nangde mikhuhlim yüchoh, thirithsü khülang nangde api bukakhiukkhi rhumusuchoh. Apinü zhichoh, apinü achangnü ahochoh, apinü anihbuh riribo azhihde Wuto huhchoh.

ISAIA 7:18

Ju nimung ching Ijip kenü ching lakhi somünak tüsho Asiria lomi ching lakhi mukhu thsungkheak Atungpuhnü amütbah.

JEREMIA 25:30

Jumonü nünü arü azhihde harü yubo alala müchitbah: Alomi ching larü alala azhihde Atungpuhnü achang kheaknü ahukbah, tüsho api amüsüh lapung chingnü api düsheak thsübah; apinü api lomi azhihde todakde ahukbah, tüsho kurungaso-nitrü nangde ahobah.

JEREMIA 30:7

Aha! ju nimung küde atrebe, ju ruk püpü müla; ha Jakob thsungkheak lümthsünü kim lah; tütüshe api ju chingnü abekhitbah.

JEREMIA 50:34

Arü Rhokhitbuh sühmüh lah; Wuto Atungpuh ju api mung. Apinü tsükjide arü dünkheak müküpde azhipbah, junangde apinü aningkhi lomi kilim sühakhim jihbah, tüshe Babilon ching larü kilim sühakhim mülakhi jihbah.

EZEKIEL 22:14

Inü nü keo nimung nü mulong tokhi laba de, yungsho nü khahbo sühmüh zahde alaba de? I Atungpuhnü asukdo, tüsho inü ju rhimobah.

JOEL 1:15

Nimung thsungkheak aha! Tümüde Atungpuh nimung thüninde lah, tüsho athsümünimpü Wuto kilimnü arüchoh.

JOEL 1:6

Tümüde trükshih khülang I lomi ching azahdo, sühmüh lakhi tüsho mükhebinkhi; ahü ju kekhüzü hü ah, tüsho kekhüzü dreto hülangpü nangde lah.

JOEL 2:1

Zion ching hulipungpung mütang; I amüsüh müzüng kheak alanang! Lomi mihtsürü alala ajanshang, tümüde Atungpuh nimung arüchoh, ha thüninde lah–

JOEL 2:2

amiting tüsho azhingdokhi nimung, amobo lakhi tüsho kheahde amitingkhi nimung khülang! Müzüngbo kheak amürak liukihkhi nangde ato tüsho wulakhi tangkho bonungrü arüchoh; arü nangde adüsonü mülaakheah, yungsho arü dunglim arüpü lünbo ching mülalo.

JOEL 2:25

I bonungrü ato, nüsa azhihde inü arüshihkhi, tangkho boto ajukbe, athsümünimrü tüsho ayihshakrünü atsühkhi kambo ching nüsa kukshahkhi inü ajihlobah.

JOEL 2:31

Atungpuh nimung ato tüsho atrebe müngüh ani ju mitingdo akambah, tüsho khinu ju thiyih kambah.

JOEL 3:14

Mahkhappü jindükhün ching mihhihlah, mihhihlah! Tümüde mahkhappü jindükhün ching Atungpuh nimung thüninde lah.

JOEL 3:16

Atungpuhnü Zion chingnü arungchoh, tüsho Jirusalem chingnü api düsheak thsüchoh, tüsho thüningbo le alomi niukchoh. Tüshe Atungpuh ju api mihtsürü tsoyukpung, Israel mihtsürü thsungkheak amüküp chipi lah.

AMOS 1:2

Tüsho apinü tha: Atungpuhnü Zion chingnü arungchoh, tüsho Jirusalem chingnü adüsheak tsüngmukchoh; namfimihnu neakrü rimbo yiuhabahchoh, tüsho Karmel mujuk kungabahchoh.

AMOS 5:18

Nüsa sherünü Atungpuh nimung künchonü ayokhe! Tümüde nüsanü Atungpuh nimung küncho? Ha amiting ah, ayin yung;

AMOS 5:20

Atungpuh nimung ju ayin yungde amiting, tüsho ayinatrüm mülade aliudokhi yung de?

OBADIA 1:15

Tümüde trükshih alala azhihde Atungpuh nimung thüninde lah. Nünü arhimokhi nangde, nü ki rhimobah; nü rhimobo nü ku kheak alodarübah.

NAHUM 1:6

Api bukakhiukkhi müngüh shenü azhipkhukpü? Api bukakhiukkhi atak shenü arümkhukpü? Api mulong zhipzhip ju mo nangde dungkhitchoh, tüsho api hode lungtobo adütre kamde yihnakchoh.

MALAKI 3:2

Tüshe api arükhi nimung shenü arümkhukba, tüsho api akhiukchoki shenü azhipkhukba? Api ju atsangkhitbe mo tüsho dükhüh-throbe nangde lah;

WÜHKHE 24:23

Tüsho apinü müchit: “ Aha, Thrünpuhnü ha ruk rhimochoki shepünü alakhukba?

1 TESALONIKA 4:16

Tümütüsho Atungpuh ju thiyukhüm jihkhi zhide, yunirü-atobuh düsheak thsüde, tüsho Thrünpuh yo hulipungpung mütde yinmi chingnü akibah. Tüsho Khrista ching shea larü akhuhde asürübah;

AMIKHEAKAKHIUKKHI 18:8

Jumonü anihbe arümbo, tukthsübo, tüzhopü tüsho khümzung nimungkhühnü arübah, tüsho anihbe monü aniuabahbah; tümüde anihbe mahkhapbuh ju Atungpuh Thrünpuh wuto ah.”

AMIKHEAKAKHIUKKHI 6:17

tümüde arü bukakhiukkhi nimung ato arüdo, tüsho shepünü ju müngüh zhipkhukba?”