JOEL 2:1 - AMÜSÜH HÜM CL Bible (BSI)

¹ Zion ching hulipungpung mütang; I amüsüh müzüng kheak alanang! Lomi mihtsürü alala ajanshang, tümüde Atungpuh nimung arüchoh, ha thüninde lah–

JOEL 2:1 Iomraidhean Croise

1 KIUTHSÜYUKHEAN 15:28

jumonü Israel alalanü Atungpuh tangzüng sangdan ju zhide, shihjuh, hulipungpungbo, larüpbo, tüsho bingshangbo le bingkhungbo khungde shuhbah atu.

MUNGSHIKHÜN 119:120

Nü trekhinü I shih ajanchoh, tüsho inü nü mahkhapkhibo trelah.

MUNGSHIKHÜN 87:1

Api khimtan amüsüh müzüngbo kheak lah.

ABEKHIT 10:14

Tangkhobo Ijip lomi alala ching arü. Arübo abo thsübah alakheah; adüso arü müngüh ha ruk tangkho mülaakheah, yungsho arü dunglim mülalo.

ISAIA 13:6

Tüzhode tripang, tümüde Atungpuh nimung thüninde lah; ju Wuto kilimnü athsümünimpü nangde arübah!

ISAIA 13:9

Kheahang, A TU N GPU H nimung, bukmükede tüsho müshakde bukakhiukde, alomi zhikabahshihpü, tüsho ju chingnü aneakrübo dükheakshihpü arüchoh.

ISAIA 2:12

Tümüde kükheangküyangrü tüsho changde-alümrü, ashuhkihkhi tüsho achangkhi alala azhihde Wuto Atungpuh nimung khülang lah;

ISAIA 66:2

Harü alala I khahnü thrün, jumonü ha alala I yo, Atungpuhnü thachoh. Tüshe azhihayih tüsho mulong rholokhi, tüsho I yu sobah ajanrü kheak inü akheahbah.

ISAIA 66:5

Atungpuh yu aniang, nüsa sherü api yu sobah ajancho: Nüsa thraneanrü nüsa mihtsürü tüsho I mung chingnü nüsa bahyukrünü tha, “Atungpuh müretahshang, junangde isanü nüsa asühkhi ngüanü”; tüshe arübo achih ngübah.

JEREMIA 16:10

Tüsho küyimki nünü harü yubo ha mihtsürü ki thabanü, tüsho arünü nü ki thasho, “Tümüde Atungpuhnü ha amütsü ato isa azhihde athakhea? Isa mülimkhi tümü a? Atungpuh isa Thrünpuh azhihde isanü ayihbeakkhi neak tümü a?”

JEREMIA 16:7

Ashekhi mitriprü shukheamde ajihpü shenü yikhap müyihnak; yungsho shenü arü buhrü yungsho berü thsungkheak shukheamkhi pung muduh.

JEREMIA 4:5

Juda ching thakhiang, tüsho Jirusalem ching zhiyukang tüsho thaang. Lomi alala ching hulipungpung mütang; achangnü ahoang tüsho thaang, “ Rukhüh mukhungang, tüsho isanü chipi ayünkhi kiutobo ching yüzahanü!”

JEREMIA 5:22

Nüsanü I mütre de? Atungpuhnü thachoh; nüsanü I miki majancho de? Inü keto aredung thsungkheak loyi zojihlah, lünnü muhokhukbe rhü khülang; kenü abükbük she müzünhokhuk, arungrung she muhokhuk.

EZEKIEL 12:23

Arü ki thaang, “ Wuto Atungpuhnü ha thachoh: Ha müchitkhi inü akheam thsüshihbah, tüsho arünü kheaküa Israel ching ha müchityu mütha.” Arü ki thaang, Michih aban dünjipü nimungbo thüninde lah.

EZEKIEL 21:12

Zhiang tüsho tüzhoang, mihtsürü tsührü; tümüde ha I mihtsürü azhihkhi lah; ha Israel limberü alala azhihkhi lah. Arübo I mihtsürü lungnü alaksahpü lah. Jumonü nü khüh yümang.

EZEKIEL 30:3

Tümüde nimung thüninde lah, Atungpuh nimung thüninde lah; ha amo-khüpkhi nimung labah, trükshih thsungkheak kim lah.

EZEKIEL 33:3

tüsho aheangbuhnü lomi kheak thirithsü arükhi ngübah hulipungpung mütsho tüsho mihtsürübo ki kurhangyu thasho;

EZEKIEL 33:6

Tüshe aheangrünü thiriri arükhi ngübah hulipungpung mümütsho, junangde mihtsürübo mukurhangsho, tüsho thiriri arübah arü khürü lude tsosho, arü mülimkhi ching arübo lude tsodo, tüshe arü thiyih ju inü aheangbuh khah chingnü akheangbah.

EZEKIEL 7:10

Israel thsungkheak thsümütsü nimung arüchoh. Laksahachihkhi alü kamchoh, kükheangküyang kumung lim lah.

EZEKIEL 7:12

Kim arüdo, nimung khiungdo. Athulorü dasühachihshih yungsho ayinrü dülungrishih, tümüde mulong zhipzhip ju alomi athrünkhi kheak lah.

DANIEL 6:26

I kiulongthsü ching mihtsürü alalanü Daniel Thrünpuh miki ajanbeah tüsho atrebeah de inü thiyuzüng khülang thsüchoh: Tümüde api arhang Thrünpuh ah, lünnü lah. Api kiulongthsü küyimkishe müthsümünim, tüsho api yakzan shuhkhi akheam müla.

DANIEL 9:16

O Atungpuh , nü thiyuro-lungki rhimobo yande, nü bukakhiukkhi tüsho mulong zhipzhip, nü kiuto Jirusalem, nü amüsüh wung chingnü tsoang; isa neakbo tüsho isa jipürü mülimkhibo hode, Jirusalem tüsho nü mihtsürübo isa mühirü alala ki münedung khülang kamdo.

DANIEL 9:20

Inü I Thrünpuh amüsüh wung thsungkheak Atungpuh I Thrünpuh ki I neak tüsho I mihtsürü Israel neak alokhide asuk tüsho tamkhüntamnü thsü.

HOSEA 5:8

Gibea ching shihjuh mütang, Rama ching hulipungpung mütang. Beth-aven ching arhunganim düsheak thsang; nü dunglim mürüngang, Benjamin!

HOSEA 8:1

Nü münküp kheak hulipungpung dünkihang! Müleang nangde Atungpuh yam kumung khülang lah, tümütüsho arünü I tangzüng thsümünimdo, tüsho I yakzan lakmihdo.

JOEL 1:15

Nimung thsungkheak aha! Tümüde Atungpuh nimung thüninde lah, tüsho athsümünimpü Wuto kilimnü arüchoh.

JOEL 2:11

Atungpuhnü api bonungrü kumung adüsheak thsüchoh; api bonungrü küdükhüh she hihla! api yukhüm anirü mükhebinkhi lah. Tsükjide Atungpuh nimung ato ah; atsütsü atrebe–shenü ju arümkhukba?

JOEL 2:15

Zion ching hulipungpung mütang; khümkeak thsüpü zhiyukang; amüsüh amukhung lapü jiang;

JOEL 2:31

Atungpuh nimung ato tüsho atrebe müngüh ani ju mitingdo akambah, tüsho khinu ju thiyih kambah.

JOEL 3:14

Mahkhappü jindükhün ching mihhihlah, mihhihlah! Tümüde mahkhappü jindükhün ching Atungpuh nimung thüninde lah.

JOEL 3:17

Junangde I Atungpuh nüsa Thrünpuh, I yo müzüng amüsüh, Zion ching lah de nüsanü mükheahbah. Tüsho Jirusalem amüsüh labah, tüsho hanrünü küyimkishe hanü mütsahholo.

AMOS 3:6

Kiuto ching hulipungpung mütbah mihtsürübonü mütrecho de? Atungpuhnü mürhimode kiuto ching thsümütsü dünjicho de?

AMOS 5:18

Nüsa sherünü Atungpuh nimung künchonü ayokhe! Tümüde nüsanü Atungpuh nimung küncho? Ha amiting ah, ayin yung;

AMOS 8:2

Apinü tha, “Amos, nünü tümü ngücho?” Tüsho inü alo, “Muzhu sangaso zahkhi muluk khülang.” Jushu Atungpuhnü I ki tha, “ I mihtsürü Israel kheak akheam arüdo; inü arü thsümüchipü I lümkhi mümüthrilo.

OBADIA 1:15

Tümüde trükshih alala azhihde Atungpuh nimung thüninde lah. Nünü arhimokhi nangde, nü ki rhimobah; nü rhimobo nü ku kheak alodarübah.

ZEPHANIA 1:14

Atungpuh nimung ato thüninde lah, thüninde tüsho niokheamde arado; Atungpuh nimung düsheak ju akhüh lah, ju ching thirithsürünü tode zhichoh.

ZEPHANIA 1:16

chipi ayünkhi kiutobo tüsho amühit aheangpungbo azhihde hulipungpung mütkhi tüsho keochihde azhikhi nimung labah.

ZEPHANIA 1:7

Atungpuh Thrünpuh miki zhikde laang! Tümüde Atungpuh nimung khah ki lah; Atungpuhnü shuhmülanga jihpü thsakhamlah; apinü api hanrübo jiyukdo.

ZEPHANIA 3:11

Ju nimung nünü I azhihde arhimokhi alala dünkheaknü nü achih müngü; tümüde inü nüsa bolungnü kükheangde asühachihrübo yihkhita bahbah, tüsho nüsanü kheaküa I yo amüsüh müzüng kheak lülüshishi müthsü.

ZEKARIA 14:1

Kheahang, nüsa kheaknü yankhia lukhi nüsa bolung chama lupü Atungpuh nimung arüchoh.

ZEKARIA 8:3

Atungpuhnü ha thachoh: I Zion lim yübah, tüsho Jirusalem phulung ching labah; Jirusalem ju thiyuro kiuto tüsho Wuto Atungpuh müzüng ju amüsüh müzüng de ajibah.

MALAKI 4:1

Kheahang, tak-phuru takkhi nangde nimung arüchoh, bukakhiukrü tüsho amütsü rhimorü alala hineang nangde alabah; ju nimung arükhinü arü takabahbah, Wuto Atungpuhnü thachoh, junangde arü ying yungsho khah tümü she maning.

WÜHKHE 10:2

“Shotoyinchi hulipungpung mahne thsüang; nünü jurü ayümnü yümde thsüang; tüsho nünü ju mihtsürübo jimukhungpü ching tüsho binkheampung lukakhinchoki ahoriang.

WÜHKHE 10:3

Küyimki ane chido mütbanü boto alala nü kilim arüngyam ripit ki mukhungde arübah,

1 KORINT 14:8

Tüsho hulipungpungnü düsheak mütsande müjihsho, shepünü thirithsüpü thsakhamba?

FILIPI 2:12

Jumonü amuzho müyamrübo, nüsanü kamruhroro mihyuanikhi nangde kheaküshe I lachoki lang yung tüshe alü thsüde I mülachoki trede tüsho ajande nüsa akhümkhit rhimokhitang;

1 TESALONIKA 5:2

Tümüde Atungpuh nimung ju azhing ching ahührü khülang nangde arübah de nüsanü mükheahlah.

JAKOB 5:8

Nüsa she arümkheamang, mulong ayihyih thsang, tümüde Atungpuh arüpü thüninde lah.

1 PETER 4:7

Alala akheam thüninde lah; jumonü nüsanü tamkhüntamnüpü kukpü thsüde lümkhi amüsüh tüsho zangrü danyukde laang.

AMIKHEAKAKHIUKKHI 6:17

tümüde arü bukakhiukkhi nimung ato arüdo, tüsho shepünü ju müngüh zhipkhukba?”