JOEL 1:9 - AMÜSÜH HÜM CL Bible (BSI)

⁹ Hi kingaün tüsho ayungbe kingaün Atungpuh yam chingnü tuklodo. Atungpuh tankihrü, amükeamrübonü tüzhochoh.

JOEL 1:9 Iomraidhean Croise

2 KIUTHSÜYUKHEAN 13:10

Tüshe isa thsungkheak a, Atungpuh ju isa Thrünpuh, tüsho isanü api mübahyuk. Isa a Atungpuh tankihpü Aron tsühsoniusobo amükeamrübo tüsho arü tankihpü Levirü ah.

ABEKHIT 28:1

“Kheakü nü khiung Aron tüsho api tsührübo Nadab, Abihu, Eleazar tüsho Ithamar I ki amükeamrü thsüde tankihpü Israelrü bolungnü bede arang.

ISAIA 61:6

Tüshe nüsa Atungpuh amükeamrübo de ajibah, isa Thrünpuh tankihrübo de nüsa jibah; nüsanü trükshih lakhitbo tsühbah tüsho arü lakhitbo ching nü müretahbah.

TÜZHOKHI 1:16

Harü thsungkheak inü tripchoh; I mükbo ching chike bukchoh; tümüde ashukheamrü khülang I rhangdung thsakhampü I kheaknü limshude lah; I tsührübo thsümünima lah, tümüde thiririnü kukdo.

TÜZHOKHI 1:4

Zion limrobo tüzhochoh tümüde thünio ching shenü marü; anihbe chipiripit alala zhika lah, anihbe amükeamrübo ashechoh; anünürübonü mulong rozhakchoh tüsho anihbe thsünü akhüh ching lah.

HOSEA 9:4

Arünü yukhu kingaün Atungpuh ki mubuk tüsho arünü laksah-a kingaünkhinü api masühshih. Hadürü kingaünbo ju mitriprü jimpung nangde alabah; ha tsührü alala müneanbah; tümüde arü yikhap ju arü khümkhi thsungkheak lang alabah; ha Atungpuh yam ching lude marü.

JOEL 1:13

Shungliukhim phuyuang tüsho tüzhoang, nüsa amükeamrübo; tüzhoang, nüsa kingaün sadam kheak tankihrübo. Arang, shungliukhim chingnü tsüngre hoshang, nüsa I Thrünpuh tankihrübo! Hi kingaün tüsho ayungbe kingaün nüsa Thrünpuh yam chingnü tukloa lah.

JOEL 1:16

Isa mük kinü tsühyungpü, asühachih tüsho asühpü isa Thrünpuh yam chingnü mutuklo de?

JOEL 2:14

Khükia Atungpuh nüsa Thrünpuhnü api lümkhi müthribah tüsho suhdahde nüsa ki hi müngühjihbah. Junangde nüsanü hi tüsho yukhu api ki jihbah.

JOEL 2:17

Mükü tüsho kingaün sadam dükeak ching Atungpuh tankihrü, amükeamrübonü tripshang. Arünü thashang, “ Nü mihtsürübo aninga lashang, O Atungpuh , tüsho nü yamrüplurüp ha trükshih bolung keangrümüne, münedung dükamshih. Tümüde mihtsürü bolung ha thashihpü, ‘ Arü Thrünpuh küching la?’”