JOEL 1:7 - AMÜSÜH HÜM CL Bible (BSI)

⁷ Hanü I yo kurungaso thsümünimdo, tüsho I yo khubasodungbo müjakdo; akhahbo müyedo mükamyi khiungde aküp khuka bahdo.

JOEL 1:7 Iomraidhean Croise

MUNGSHIKHÜN 105:33

Apinü arü kurungasoliubo le khubasodungbo tüsho arü lomi ching sangdungbo alala keamshih.

ABEKHIT 10:14

Tangkhobo Ijip lomi alala ching arü. Arübo abo thsübah alakheah; adüso arü müngüh ha ruk tangkho mülaakheah, yungsho arü dunglim mülalo.

ABEKHIT 10:15

Tümütüsho arünü alomi abümnü mitingdo akampü thsüde lüpdoabah; tüsho arünü arulungnü aningshihkhi sangrung tüsho sangasobo tsühabah. Jumonü Ijip lomi alala ching sangdungbo yungsho sangrungbo kheak aphüyak mülakheah.

ISAIA 24:7

Yukhu kungabahchoh, kurungaso yiuhabahchoh, mulong asühkhi alala phüthsaksümchoh.

ISAIA 32:12

Thulu atsübo, aso-asokhi kurungaso thsungkheak nüsa khüh yümang,

ISAIA 5:6

Inü ju akeangkeang kamshihbah; ju mümupung yungsho müphünnak, tüsho khingphu le ayangrungnü achindobah; inü amo ki she ju kheak tsüng marüpü thiyukhüm jihbah.

JEREMIA 8:13

Atungpuhnü thachoh, inü arü bemukhungpü lümchoki, kurungasoliu kheak kurungaso müla, yungsho khubasodung kheak khubaso müla; ayübo she yiuh-a lah, tüsho inü tümü arü ki jihkheanü arü kheaknü luakhindo.

HOSEA 2:12

Inü anihbe kurungasobo tüsho khubasodungbo thsümünimjihbah, küpü dünkheak alibenü tha, “ I kilim jihkhi I mihkhahmo ah.” Inü jurü murung kamshihbah tüsho mütüm shiwühbonü atsühbah.

JOEL 1:12

Kurungaso kungabahdo, khubasodung yiuhabahdo. Tsarümkiu, ashisang, tüsho mukhiuk– thulu sangdung alala yiuhabahchoh; tsükjide, mihtsürü bolung asühpü kungabahchoh.

AMOS 4:9

Inü sangrung-tukthsü tüsho mokrinü nüsa shik; inü nüsa wündo tüsho kurungasolubo thsümünimjih; tangkhonü nüsa khubasodung tüsho oliv sangdungbo tsühabah; tütüshe nüsanü I kilim murholo, Atungpuhnü thachoh.

HABAKKUK 3:17

Khubasodung mupungpung she, tüsho kurungasodungbo kheak aso mükihkih she; olivnü masoso she tüsho thulubonü jim makhiukkhiuk she; mihnu yam chingnü mihnu boto mülade kamkam she, tüsho moshi yam chingnü moshi boto mülade kamkam she,

MALAKI 3:11

Inü nüsa thsungkheak tangkhobo thürühbah, junangde nüsa lo chingnü amukhuhkhi müthsümünim; tüsho nüsa lu ching kurungaso aniungyüh müla, Wuto Atungpuhnü thachoh.