JOEL 1:4 - AMÜSÜH HÜM CL Bible (BSI)

⁴ Tümü anguhshakbe tangkhonü aningshih-a la, tangkho botonü tsühdo. Tümü tangkho botonü aningshih-a la, ajukbe tangkhonü tsühdo, tüsho tümü ajukbe tangkhonü aningshih-a la, athsümünimbe tangkhonü tsühdo.

JOEL 1:4 Iomraidhean Croise

1 KIULONG THSÜRÜ 8:37

“Lomi ching khümzung, arüm, apung-tukthsü, mokri, tangkho, yungsho lungbün lasho; arü ririnü arü kiuto khürü ching lang she yansho; ju ching tümüpürü arüm yungsho tukthsü lanü;

2 KIUTHSÜYUKHEAN 6:28

“Mürangkhüh lomi ching khümzung, arüm, khipzükhipdo, mokri, tangkho, yungsho lungbün lasho; arü lapung lo khürü ching arü ririnü yansho; küdürü thsünü, küdürü tukthsüdukram labanü;

2 KIUTHSÜYUKHEAN 7:13

Küyimki inü thüning rihdobah tsüng marüba, yungsho lomi tsühabahshihpü tangkhobo ki thiyukhüm jihba, yungsho I mihtsürü bolung tukthsü yüshihba,

MUNGSHIKHÜN 105:34

Apinü tha, tüsho tangkhobo, mükhebinkhi tangkho nunubo arü,

MUNGSHIKHÜN 78:46

Apinü arü hibo lungbünbo kilim, tüsho arü khisahkhi tangkhobo kilim jih.

ABEKHIT 10:4

Nünü I mihtsürübo mütsoshihsho, kheahang, inü shido nü lomi ching tangkhobo hande arübah.

ABEKHIT 10:5

Tüsho arünü alo mithülambah, junangde shenü she alo müngükhukde alabah; tüsho arünü arulungnü aningshihkhi le thulu ching mukhuhkhi sangdungbo tsühabahbah.

ISAIA 33:4

Lungbünnü hanmukhungkhi nangde ayankhikhi kukrukbo hanmukhungdo; tangkhobonü ajukkhi nangde, arünü ju kheak jukchoh.

JEREMIA 51:14

Wuto Atungpuhnü aküdah thsüde thiyuchihchim. Tsükjide inü nü tangkho boto nangde mihtsürübonü amishihbah, tüsho arünü nü kurungkheak akukkhi düsheak ahobah.

JEREMIA 51:27

Lomi ching riphin khülang shuhkihang, trükshih bolung hulipungpung mütang; anihbe azhihde thirithsüpü trükshihbo thsakhamang, anihbe azhihde kiulongthsübo, Ararat, Minni, tüsho Ashkenaz jimukhungang; anihbe azhihde limthorü mokhitang, tangkho boto nangde khorabo hande akhiukang.

JOEL 2:25

I bonungrü ato, nüsa azhihde inü arüshihkhi, tangkho boto ajukbe, athsümünimrü tüsho ayihshakrünü atsühkhi kambo ching nüsa kukshahkhi inü ajihlobah.

AMOS 4:9

Inü sangrung-tukthsü tüsho mokrinü nüsa shik; inü nüsa wündo tüsho kurungasolubo thsümünimjih; tangkhonü nüsa khubasodung tüsho oliv sangdungbo tsühabah; tütüshe nüsanü I kilim murholo, Atungpuhnü thachoh.

AMOS 7:1

Atungpuh Thrünpuhnü I ki ha huh: Kiulongthsüpuh shihcham yimlubah mahnepü hi akhiukchoki apinü tangkhobo thründe alakheah.

MALAKI 3:11

Inü nüsa thsungkheak tangkhobo thürühbah, junangde nüsa lo chingnü amukhuhkhi müthsümünim; tüsho nüsa lu ching kurungaso aniungyüh müla, Wuto Atungpuhnü thachoh.

YUZÜNGTHALO 28:38

“Nüsanü thulu ching müjih hihde ahiubah tüshe anükhüh lang ayimlubah, tümüde ju tangkhonü tsühabahbah.

YUZÜNGTHALO 28:42

Nüsa sangdungbo tüsho alo ching khahleak alala tangkhonü atsühbah.