JOEL 1:14 - AMÜSÜH HÜM CL Bible (BSI)

¹⁴ Khümkeak khülang lapü zhiyukang, amüsüh amukhung khülang lapü jiang. Azothsürübo tüsho lomi mihtsürü alala Atungpuh nüsa Thrünpuh yam ching mukhungang tüsho Atungpuh ki zhiang.

JOEL 1:14 Iomraidhean Croise

2 KIULONG THSÜRÜ 10:20

Jehunü thiyukhüm jih, “Baal ki wüntre jihde amukhung khülang lapü jiang.” Jumonü arünü ju zhiyuk.

2 KIUTHSÜYUKHEAN 20:13

Judüki Judarü alalanü arü khungarübo, arü niuberübo, tüsho arü tsührübo bebah Atungpuh miki zhip.

NEHEMIA 8:18

Thünio atan ninü akheam khiungde nimung aban apinü Thrünpuh yakzan hüm chingnü khe. Arünü nimung thüne arüng, tüsho yakzan ching lakhi yande nimung atizheah ni akheam arüng münchi mung.

ESTER 4:16

“Yüang tüsho Susa ching Jihudarü alala bemukhungang; khümkeak thsüde I thsungkheak tamkhüntamnüang. Nimung mahsam tsüngre mahsam dütsühyung. I tüsho I yamlaberünü she ju ruk thsübah. Jushu yakzannü mümülülü she I kiulongthsüpuh miki yübah; ha dünkheak I ashepü kamkam she I ashebah.”

JEREMIA 14:2

Juda tüzhochoh tüsho anihbe chipiripitbo keamchoh; arübo masühde alo kheak yaplah, tüsho Jirusalemnü azhikhi yükihchoh.

JEREMIA 36:9

Josia tsührü Juda kiulongthsüpuh Jehoiakim kam phüngü, khinu tukupü ching Jirusalem ching mihtsürü alala tüsho Juda kiutobo ching Jirusalem ching arürü mihtsürü alalanü Atungpuh miki khümkeak thsüpü zhiyuk.

JOEL 1:2

Ha aniang, O azothsürübo, nükhün muphoang, lomi ching larü alala! Hadürü nüsa nimungbo, yungsho nüsa jipürü nimung ching dünjidü de?

LEVI 23:36

Nimung thüne nüsanü Atungpuh kilim taka kingaünbah; atizheah nipü nüsanü amüsüh amukhung labah tüsho Atungpuh kilim taka kingaünbah; ha mülangrüpdo amukhungkhi lah tüsho nüsanü rhimo achak tümü she mürhimobeah.

JONA 3:5

Tüsho Nineve mihtsürübonü Thrünpuh kin; arünü khümkeak thsüpü zhiyuk tüsho mihbüm aban ato tüsho anininü shungliukhim phuyu.

JONA 3:8

Mihtsürübo tüsho shiwühbo shungliukhim phuyubah, tüsho arünü sühmüh lade Thrünpuh ki zhibah. Alalanü arü amütsü limrobo tüsho athsümünim chingnü arholobah.

ZEPHANIA 2:1

Rukhüh mukhungang, mukhungang, O machihkhi trükshih,