JOEL 1:12 - AMÜSÜH HÜM CL Bible (BSI)

¹² Kurungaso kungabahdo, khubasodung yiuhabahdo. Tsarümkiu, ashisang, tüsho mukhiuk– thulu sangdung alala yiuhabahchoh; tsükjide, mihtsürü bolung asühpü kungabahchoh.

JOEL 1:12 Iomraidhean Croise

MUNGSHIKHÜN 4:7

Nünü I mulong ching asühpü jihkhi ju arü hi tüsho yukhu suhde alachoki kheaknü alübe ah.

MUNGSHIKHÜN 92:12

Thiyuro-lungkirü ju ashidung nangde bükbük atobah, api a Lebanon ching cedar nangde azokihbah.

KHÜNBOLUNGKHÜN 2:3

Mukhiukdung khülang sangdung bolung nangde, athrününgtsüng bolung I tsübuh lah. Khide asühde inü api alamme khüp bindo, tüsho api sangaso kede tsüh.

KHÜNBOLUNGKHÜN 4:13

Nü sangdungbo ju tsarümkiu, ju lung amokhitkhi sangasobo, mürümmüri-sang lung molisang,

ISAIA 16:10

Asühachihkhi tüsho asüharabe aso-asokhi lu chingnü hande tsodo; tüsho kurungasolu ching khünbo müthsü, azhikhi düsheak müla; anitpung ching anitrünü yukhu münit; asühachihde azhikhi akheam thsüdo.

ISAIA 24:11

Yukhu mülakhinü kiudunglimrobo ching azhikhi lah; asühachih alala zhuhmanglangdo kamdo; alomi asühakokhi tsoabahdo.

ISAIA 24:7

Yukhu kungabahchoh, kurungaso yiuhabahchoh, mulong asühkhi alala phüthsaksümchoh.

ISAIA 9:3

Nünü trükshih wüh bushih, nünü asühpü alü kamshih; yimluchoki asühkhi nangde arünü nü miki asühachihchoh, mihtsürübonü ayankhikhi kukruk chamchoki asühkhi nangde lah.

JEREMIA 48:3

Aniang! Horonaim ching zhikhi khülang, azhikkhi tüsho thsümünimkhi ato!

JEREMIA 48:33

Asühara tüsho asühachihkhi Moab amüdang lomi chingnü lude tsodo; inü yukhu nitpung chingnü yukhu tuklodo; shenü jurübo asühachihde münit; azhikhi ju asühachihde azhikhi yung.

JOEL 1:10

Thulubo thsümünima lah, alonü tüzhochoh; tümüde hi thsümünima lah, yukhu kunga lah, müdangke müla.

JOEL 1:16

Isa mük kinü tsühyungpü, asühachih tüsho asühpü isa Thrünpuh yam chingnü mutuklo de?

JONA 4:7

Tüshe küyimki ashidopü yapsu kamkhea, Thrünpuhnü ari arüshihbah sangrung müjakabahshih, junangde ju yiuhabah.

HAGGAI 2:19

Jakam ching müjih khürü aninga la shi? Kurungaso, khubasodung, tsarümkiu tüsho oliv-dungnü kheaküshe tümü maso de? Khihninü ründe inü nüsa müngühjihbah.

MALAKI 3:11

Inü nüsa thsungkheak tangkhobo thürühbah, junangde nüsa lo chingnü amukhuhkhi müthsümünim; tüsho nüsa lu ching kurungaso aniungyüh müla, Wuto Atungpuhnü thachoh.

WÜHKHE 13:23

Arübo Eshkol dükhün ching arü tüsho arünü ju ching kurungaso düchi lipkhibahle amülangmonü mihtsürü mahne dükeak sang riyukbahle han, arünü tsarümkiu tüsho khubasobo she hanbah arü.