JOEL 1:10 - AMÜSÜH HÜM CL Bible (BSI)

¹⁰ Thulubo thsümünima lah, alonü tüzhochoh; tümüde hi thsümünima lah, yukhu kunga lah, müdangke müla.

JOEL 1:10 Iomraidhean Croise

THRÜNTAN 4:12

Küyimki nünü alo wochakbanü junü nü kilim tümü makhiukshih, nü a lomi ching lapung mülade tsotsahrümtsahrü thsübah.”

ISAIA 15:6

Nimrim kebo zhikrangkhündo lah; rim mukuh-a lah, wokephüyak müla tüsho rimrhang tümü müla.

ISAIA 24:11

Yukhu mülakhinü kiudunglimrobo ching azhikhi lah; asühachih alala zhuhmanglangdo kamdo; alomi asühakokhi tsoabahdo.

ISAIA 24:7

Yukhu kungabahchoh, kurungaso yiuhabahchoh, mulong asühkhi alala phüthsaksümchoh.

JEREMIA 12:11

Arünü ju abahkhi lo kamshih; azhikmonü, I mitripchoh. Alomi alala loshelo kamdo tüshe shenü müküm.

JEREMIA 12:4

Külokhüh alonü tüzhoba tüsho thulu sangrungbo mukuhba? Ju ching larü mihbukmuyuk lakhinü shiwüh tüsho wuhnubo shekhamdo, tümütüsho mihtsürübonü tha, “ Isanü arhimokhi Thrünpuhnü müngü.”

JEREMIA 48:33

Asühara tüsho asühachihkhi Moab amüdang lomi chingnü lude tsodo; inü yukhu nitpung chingnü yukhu tuklodo; shenü jurübo asühachihde münit; azhikhi ju asühachihde azhikhi yung.

HOSEA 4:3

Jumonü lomi tüzhochoh, tüsho ju ching larü alala thsünülah; mütüm shiwühbo tüsho apung wuhnubo lung rukhüh, keto ching thüngühbo she dükheakchoh.

HOSEA 9:2

Hinitpung tüsho yukhu nitpungnü arü mükipduh, tüsho yukhu aso mülade akambah.

JOEL 1:12

Kurungaso kungabahdo, khubasodung yiuhabahdo. Tsarümkiu, ashisang, tüsho mukhiuk– thulu sangdung alala yiuhabahchoh; tsükjide, mihtsürü bolung asühpü kungabahchoh.

JOEL 1:5

Asürang, nüsa amüshangrübo, tüsho tripang; tüsho nüsa yukhu yungrü alala amühdo yukhu dünkheak tüzhoang, tümüde ju nüsa mün kheaknü mülade kamdo.

JOEL 2:19

Api mihtsürü ki alojihde Atungpuhnü tha: Inü nüsa kilim hi, yukhu tüsho müdangke arüshihchoh, tüsho nüsa reangkeambah; tüsho kheaküa inü nüsa trükshih bolung mükhemükim mükamshih.

LEVI 26:20

Nüsa sühmüh akeangkeang ching bahbah, tümütüsho nüsa lonü hi makhiukshih tüsho sangdungbonü aso masojih.

HABAKKUK 3:17

Khubasodung mupungpung she, tüsho kurungasodungbo kheak aso mükihkih she; olivnü masoso she tüsho thulubonü jim makhiukkhiuk she; mihnu yam chingnü mihnu boto mülade kamkam she, tüsho moshi yam chingnü moshi boto mülade kamkam she,

HAGGAI 1:11

Tüsho lomi le müzüngbo kheak, hi kheak, yukhu aso, müdangke, alonü mukhuhshihkhi kheak, mihtsürü tüsho shiwühbo kheak, tüsho nüsa khah rhimo alala kheak kungshihpü inü ji.

MALAKI 2:3

Inü nüsa tsührübo thürühbah, tüsho nüsa mirobo kheak nüsanü kingaünkhibo khih hiukihjihbah, tüsho nüsa ju inü I mikinü yankhita bahbah.