JIHUSUA 9:9 - AMÜSÜH HÜM CL Bible (BSI)

⁹ Jumonü arünü api ki ha yukhean tha, “ Atobuh, isa khide limshu lomi chingnü Atungpuh mungthukhi sobah arükheah, tümüde isanü Atungpuh nüsa Thrünpuhnü Ijip ching tümü rhimokheanü alala sodo,

JIHUSUA 9:9 Iomraidhean Croise

1 KIULONG THSÜRÜ 8:41

“Küyimki, nü mihtsürü Israel yungde khiungkerü khülang nü mung hode limshu lomi chingnü arübanü–

NEHEMIA 9:5

Tüshe Levirü, Jeshua, Kadmiel, Bani, Hashabneia, Sherebia, Hodia, Shebania tüsho Pethahia pürünü tha, “Zhipang tüsho Atungpuh nüsa Thrünpuh shiang, api akheam mülakhi lünnü lün shiang! Müngühmühi tüsho mungshikhi alala kurungkheak shuhkihkhi nü mung müretahkhi müngühmühi thsang!”

MUNGSHIKHÜN 148:13

Arünü Atungpuh mung shishang, api müretah ju alomi tüsho thüning kumung lah.

MUNGSHIKHÜN 72:19

Api müretahkhi mung lünnü shiang, tüsho alomi athrünkhi api müretahnü mishang. Amen tüsho Amen.

MUNGSHIKHÜN 78:12

Apinü Ijip lomi Zoan mükeak ching arü jipürü miki amüyinsahbebo rhimo.

MUNGSHIKHÜN 83:18

junangde arünü nü mung ju lang Atungpuh ah de, nü alomi alala kurungkheak Khide Achang mükheahbah.

ABEKHIT 15:14

Mihtsürübonü sodo, arünü ajan; Filistia ching larü trede kam.

ABEKHIT 9:16

Tüshe ha thsungkheaknü inü nü asürüshihkheah, junangde I wu nü kheak huhbah tüsho alomi alala ching I mung khipkhitbah.

ISAIA 55:5

Kheahang, nünü mümükheahkhi trükshihbo nünü ajibah, tüsho nü mümükheahkhi trükshihbonü, Atungpuh , nü Thrünpuh, Israel Amüsüh Thrünpuh dünkheaknü nü kilim arübah; tümüde apinü nü müretahshih.

ISAIA 66:19

tüsho inü arü bolung amütsan khülang zobah. Arü bolungnü inü trükshihbo ching arhang larü yüshihbah, Tarshish lim, Put, tüsho Lud–sanglüh kiprü– Tubal tüsho Javan lim, I mungthu tüsho I müretah müngükhi limshu keyean lomibo ching; tüsho arünü trükshih bolung I müretahkhi khipkhitbah.

WÜHKHE 14:15

Kheakü nünü harü mihtsürü khülangkinü laksahsho, nü dünkheak sorü trükshihbonü athabah,

WÜHKHE 20:14

Kheakü Mosanü yunithsürübo Kadesh chingnü Edom kiulongthsüpuh kilim yüshih, “Ha nü keoniorü Israelrünü thachoh: Isa kheak küpkhuk lakhi alala nünü mükheahlah,

YUNIRÜBO RHIMO 8:7

Tümüde amünean me yüzah-a lakhibo düsheak achangnü zhide ahihkhüh chingnü akhiuk; tüsho thripshe thsürü yungsho kikzükikdorü ahihkhüh thsüngu.

YUZÜNGTHALO 20:11

Tüsho nüsanü mungtsü thakhi leangkhide arünü nüsa ki chipi ripitbo khimshuhsho ju ching lakhi mihtsürü alala nüsa ki ruk kipde tüsho nüsa tankihde alabah.

YUZÜNGTHALO 20:15

Hanangde nüsa phünide alakhi trükbo yungde, nüsa kheaknü khide limshude alakhi kiuto kheak rhimoang.

JIHUSUA 9:10

tüsho apinü Jordan aniakhiuklim thrip Amor kiulongthsüpuh mahne, Heshbon kiulongthsüpuh Sihon tüsho Ashtaroth ching lakhi Bashan kiulongthsüpuh Og kheak rhimokhi.

JIHUSUA 9:16

Ha thiyuchihchimkhi nimung mahsam dunglim, harü mihtsürübo ju aphüni larü ah de Israelrübonü mükheah.

JIHUSUA 9:17

Jumonü Israelrübonü tsahmusubahle nimung mahsam dunglim arü lapung kiutobo harü khiung: Gibeon, Kephira, Beeroth, tüsho Kiriath-jearim.

JIHUSUA 9:24

Arünü alo, “ Atobuh, isanü ha rhimokheah, tümütüsho Atungpuh nü Thrünpuhnü ayamlarü Mosa kilim lomi athrünkhi tüsho ju ching larü mihtsürü nüsa yü yande alaksahshihpü thiyukhüm jihkhi dükdü ah de isanü mükheah. Nüsa tremonü ha rhimokheah; isa rhangdung thsungkheaknü trede alakheah.