JIHUSUA 9:4 - AMÜSÜH HÜM CL Bible (BSI)

⁴ arünü api ki limburü nangde rük thsüpü lüm, tüsho arübonü tsühyungbe yimkhiyimduhbah shungliukhim amürhüt tüsho shihküp qiuqiu awünbonü donki kheak hah thsüa mühah.

JIHUSUA 9:4 Iomraidhean Croise

THRÜNTAN 34:13

Tüshe Jakob tsührübonü Shekem le abuh Hamor ki alo, tüsho rüklimnü asuk, tümütüsho arünü arü niurü Dina thsümünim.

MUNGSHIKHÜN 119:83

I a mokhüh yüngkihkhi shihküp-keluh nangde yihnüpü müla; tütüshe inü nü yukhümbo mümih.

MATHI 10:16

“Kheahang, inü nüsa rimre bolung namfimihnubo nangde yüshihchoh. Jumonü phuruto nangde lümlung laang tüsho müthrithrümpü nangde lümlang thsang.

MATHI 9:17

Yungsho shenü she shihküp-keluh awün ching yukhu amühdo muyukchoh, jude thsüsho shihküp-keluh lahrüpbah tüsho yukhu ju müyeana bahbah, tüsho shihküp-keluh ju athsümünimbah. Tüshe arünü shihküp-keluh aso ching yukhu amühdo yukchoh, tüsho ane chido müthsümünimde lachoh.”

MARK 2:22

Yungsho shenü she shihküp-keluh awün ching yukhu amühdo muyukchoh; jude thsüsho shihküp-keluh ju atrübah tüsho yukhu bukkhitbah, tüsho shihküpkeluh ju athsümünimbah. Tüshe shihküp-keluh aso ching yukhu amühdo yukbeah.”

LUKNÜ ATHRÜTKHI THIYUSHEAK-ATSÜ HUHTANYU 16:8

Junangde aputungrünü thiyuro mülakhi khinkihthsübuh ju tsülah de tha tümütüsho apinü rük lade rhimo. Tümütüsho ha lomi tsührübo ju arü lün ching ayin tsührübo kheaknü rük labeah.

JIHUSUA 9:12

Isa yo yikhap ju kheahang; nüsa shorupü thüyam chingnü hantsahmusuchokia lalamde alakheah. Tüshe kheahang! Kheaküa muka kungabah-a lah.

JIHUSUA 9:13

Yukhu yukchokia qiuqiu aso lakheah, tüshe kheahang! Jurübo rukthünaka lah. Limshangde hantsahkhinü isa khimmih tüsho jingkhümpübo mürhüta lah.”

JIHUSUA 9:3

Tüshe küyimki Jirikho tüsho Ai ching Jihusuanü arhimokhi Gibeonrünü asokhea,

JIHUSUA 9:5

Arünü arukrüpkhi khim yih tüsho athürelokhi jingkhümpü mürhüt khüm. Tüsho arünü yikhap akungkhi le mukabahkhi han.