JIHUSUA 9:27 - AMÜSÜH HÜM CL Bible (BSI)

²⁷ Tüshe ju nimung Jihusuanü arübo, boto tüsho Atungpuhnü amokhitkhi dangpung ching lakhi Atungpuh kingaün sadam thsungkheaknü ha nimung khiungde, sangyihrü tüsho kekhiprü kamshih.

JIHUSUA 9:27 Iomraidhean Croise

2 KIUTHSÜYUKHEAN 2:16

Lebanon ching nünü tümüpürü yihnüpü lanü isanü akiushakbah, tüsho thsünrubah nü kilim keto chingnü Joppa ching lude arübah; nünü ju Jirusalem ching lude awutubah.”

WÜHKHE 31:28

Keochih ching yürü bonungrübo kheaknü Atungpuh kilim ruk jihpü thsüde mihtsürü, moshi, donki, tüsho namfimihnubo chi phüngü aban chingnü khülang yihkhitang;

WÜHKHE 31:30

Tüsho aningkhi Israel mihtsürübo kheaknü mihtsürü, moshi, donki, namfimihnu tüsho akam-shiwühbo thünim chingnü khülang yihkhitbah Atungpuh arüngyam neakrü Levirübo kilim jihang.

WÜHKHE 31:47

Tüsho Israel mihtsürü shihcham mihtsürü le shiwühbo thünim chingnü khülang yihkhita Atungpuhnü thiyukhüm jihkhi nangde Mosanü Atungpuh arüngyam neakrü Levirü kilim jih.

YUZÜNGTHALO 12:11

judüki Atungpuh nüsa Thrünpuhnü api mung lashihpü mokhitpung ching inü nüsa ki thiyukhüm jihkhi lüpdükhi lubah arang: nüsanü taka kingaünbebo, laksah-a kingaünbe, thürü shihcham, arung kingaünbo tüsho nüsanü Atungpuh ki thiyuchihchimde mokhitkhi kingaünbo.

YUZÜNGTHALO 12:14

tüshe Atungpuhnü nüsa trük bolungnü amokhitkhi dangpung ching, nüsanü taka kingaünang, tüsho ju ching nüsanü inü thiyukhüm jihkhi alala rhimobeah.

YUZÜNGTHALO 12:5

Tüshe Atungpuh nüsa Thrünpuhnü api lapung thsungkheak api mung zopü nüsa trükbo lungnü amokhitkhi dangpung nüsanü yimang; tüsho ju ching nüsa yübah.

JIHUSUA 9:21

Limberübonü arü ki tha, “ Arübo rhangdung lashang.” Jumonü arü dünkheak limberübonü lümkhi jihkhi nangde arübo ju boto alala sangyihrü tüsho kekhiprü kam.

JIHUSUA 9:26

Hanangde Jihusuanü arü ki rhimo: apinü arü Israelrü khah chingnü khümkhit; tüsho arünü arübo mülaksah.