JIHUSUA 9:11 - AMÜSÜH HÜM CL Bible (BSI)

¹¹ Jumonü isa limberübo tüsho isa lomi ching larü alalanü hantsah ching tsühyungpü tsanglunga hanbah nüsa shoruang de isa ki thakheah. Isabo nü yamlarü thsüde alapü nüsanü isa kheak binthrüm thsüang de athakheah.

JIHUSUA 9:11 Iomraidhean Croise

THRÜNTAN 43:12

Nüsa khah ching sho ju mahne kinü alü luang, tüsho nüsa shungliu-qiuqiu münbo ching jihlokhi sho nüsanü lulode yüang; khükia ju lakmih-a lapü kuklah.

2 KIULONG THSÜRÜ 10:5

Jumonü kiulongthsürü yam ching akhualobuh, tüsho kiuto ching kovünor, azothsürü tüsho akümrübonü Jehu kilim thiyu yüshih: “Isa nü yamlarübo ah; nünü tümü thabanü isanü arhimobah. Isanü she kiulongthsürü mükamshih; nünü tümüpürü dükdü ah de lümchonü rhimoang.”

ESTER 8:17

Kiuto tüsho lomi aban ching kiulongthsüpuh yusheak küyimki khekhea, Jihudarübonü mude asühkhi thünio niode mung. Tüsho lomi ching püpürü mihtsürübo she ahihkhüh Jihudarü kam, tümüde kheaküa arübonü Jihudarübo treabah.

LUKNÜ ATHRÜTKHI THIYUSHEAK-ATSÜ HUHTANYU 9:3

Tüsho apinü arü ki tha, “Hantsah thsungkheak tsobo yungsho qiuqiu yungsho yikhap yungsho sho tümü dühan; pangkhümpü she alü dühan.

JIHUSUA 1:11

‘ Tsühyungpü tsanglungang, tümüde nimung mahsam ninü Jordan keto hode yübah Atungpuh nüsa Thrünpuhnü ajihkhi lo lubah.’ ”

JIHUSUA 9:10

tüsho apinü Jordan aniakhiuklim thrip Amor kiulongthsüpuh mahne, Heshbon kiulongthsüpuh Sihon tüsho Ashtaroth ching lakhi Bashan kiulongthsüpuh Og kheak rhimokhi.

JIHUSUA 9:12

Isa yo yikhap ju kheahang; nüsa shorupü thüyam chingnü hantsahmusuchokia lalamde alakheah. Tüshe kheahang! Kheaküa muka kungabah-a lah.

JIHUSUA 9:8

Arünü Jihusua ki tha, “Isa nü yamlarübo ah.” Jihusuanü arü ki keokhi, “Nüsa sherü a? Nüsa küchingnü arükhea?”