JIHUSUA 9:1 - AMÜSÜH HÜM CL Bible (BSI)

¹ Israelnü akukkhi yusheak Jordan aniyüzahlim kiulongthsürübo awungbo ching, lokeam lobo ching, tüsho Lebanon aku limpeang Mediterranean keto yeanbo lakhi ching soride yü, jurübo ju Hitrü, Amorrü, Kananrü, Perizrü, Hivrü tüsho Jebusrü kiulongthsürübo lakheah.

JIHUSUA 9:1 Iomraidhean Croise

2 SAMUEL 24:7

tüsho Tair chipi le Hivrü tüsho Kananrü kiutobo alala ching arü; tüsho arü Juda lomi Negeb thrip Beersheba ching yü.

ABEKHIT 23:23

Tümütüsho I yunirü nüsa müngüh yübah tüsho nüsa Amorrü, Hitrü, Perizrü, Kananrü, Hivrü tüsho Jebusrü lomi ching bede yüzahbah; tüsho inü arübo dükheakshihbah.

ABEKHIT 23:31

Inü nüsa aredung ju Amürüm Keto kheaknü Filistia Keto, tüsho loshelo chingnü Euphra Ayung khiungde athsüjihbah. Tümüde inü lomi ching larü nüsa khah ching jihbah, tüsho nüsa müngühnü ayankhitbah.

ABEKHIT 3:17

Inü nüsa Ijiprü azhorü kuhi chingnü bekhitbah Kananrü, Hitrü, Amorrü, Perizrü, Hivrü tüsho Jebusrü lomi niuhke tüsho mukhuke bukkhi lomi ching bebah ayüpü alokhido.

ABEKHIT 34:11

Khihni inü nüsa ki thiyukhüm jihkhi mihyuaniang. Kheahang, inü nüsa müngühnü Amorrü, Kananrü, Hitrü, Perizrü, Hivrü tüsho Jebusrü yankhita bahchoh.

WÜHKHE 13:29

Amalekrü düjing lomi ching lah, Hitrü, Jebus, tüsho Amorrübo awungbo ching lachoh; tüsho Kananrü Mediterranean keto yean le Jordan keto yean ching lah.”

WÜHKHE 34:6

Aniyüzahlim aredung ju, Ato Keto labah; ha nüsa thsungkheaknü aniyüzahlim aredung labah.

YUZÜNGTHALO 1:7

Rholoang tüsho nüsa tsahmusuang, tüsho Amorrü wungbo, adükhün ching lakhi phünirü lapungbo, awungbo tüsho lokeambo, düjinglim tüsho keto yean Kanan tüsho Lebanonrü lo ching, Euphra yung ato khiungde yüang.

YUZÜNGTHALO 3:25

Inü tamkhüntamnüchoh, I hode yüshang tüsho Jordan yean alo atsü, awung atsü tüsho Lebanon ngüshang.

YUZÜNGTHALO 4:49

tüsho Jordan aniakhiuklim adükhünbo kheaknü Pisga düpheak bukkhüp, Araba Keto khiung.

YUZÜNGTHALO 7:1

“Küyimki Atungpuh nüsa Thrünpuhnü nüsanü amükühpü lakhi lo ching bedarübanü, tüsho nüsa müngühnü trükshihbo, Hitrü, Girgashrü, Amorrü, Kananrü, Perizrü, Hivrü tüsho Jebusrü, trükshih atoto thüne nüsa kheaknü sühmüh lakhi yankhitbanü,

JIHUSUA 1:15

Atungpuhnü Jordan aniyüzahlim lo arü le nüsa kilim jihkhi mümükühyi khiungde arü rungpü yübah, küyimki apinü Israel trükbo khümkhitba, nüsanü alode arang tüsho Jordan aniakhiuklim Atungpuh yamlarü, Mosanü nüsa kilim jihkhi lo ching laang.”

JIHUSUA 1:4

Sunglo tüsho ha Lebanon kheaknü Euphra ato keto, Hitrü lo chingnü aniyüzahlim Ato Keto khiungde nüsa lomi thsübah.

JIHUSUA 10:23

Junangde arünü rhimo, tüsho Jirusalem, Hebron, Jarmuth, Lakish, tüsho Eglon, harü kiulongthsürü phüngü bekhita api kilim bebah arü.

JIHUSUA 11:17

Halak wung chingnü Seir lim wutukhi, Hermon wung khüp Lebanon jindükhün ching Baalgad khiungde apinü kiulongthsürübo alala kingde laksah.

JIHUSUA 13:5

Gebalrü lo tüsho Baalgad chingnü Hermon wung khüp Lebo-hamath limpeang Lebanon aniakhiuklim alala,

JIHUSUA 15:12

Tüsho aniyüzahlim aredung ju jinyean bebah Mediterranean keto ah. Ha Juda mihtsürü arü guk ayannü mükamde aredung thsükhi ah.

JIHUSUA 22:4

Kheakü, apinü thiyuchihchimkhi nangde, Atungpuh nüsa Thrünpuhnü nüsa keoniorü Israelrü kilim mungtsü jihdo. Jumonü Jordan thripkhüh lim Atungpuh yamlarü Mosanü ajihkhi küpü nüsa yamalo la, ju ching nihbuh yam yimde yüang.

JIHUSUA 22:7

Kheakü, Manase trük chamkhüh kilim Bashan ching yo Mosanü yamalo jih; tüshe Jihusuanü püpü chamkhüh kilim a aniyüzahlim Jordan lo ching arü keoniorü phünide jih. Tüsho küyimki Jihusuanü arübo müngühjihde thüyam lim thiyia yüshihkhea,

JIHUSUA 23:4

Kheakü aninga lakhi lobo tüsho inü ayankhikhi lobo nüsa trükbo kilim yamrüplurüp jihdo, ju Jordan yung chingnü aniyüzahlim Mediterranean Keto khiunglah.

JIHUSUA 24:11

Küyimki nüsa Jordan hobah Jirikho lim arükhea, Jirikho mihkhungbonü nüsa bede keochih tüsho Amorrü, Perizrü, Kananrü, Hitrü, Girgashrü, Hivrü, tüsho Jebusrünü bede keochih. Tüshe arü alala inü nüsa kilim jih.

JIHUSUA 3:10

Jihusuanü tha, Hade athsükhinü nüsanü rhangdung Thrünpuh nüsa lung lah de amükheahbah, apinü nüsa müngühnü Kananrü, Hitrü, Hivrü, Perizrü, Girgashrü, Amorrü tüsho Jebusrü mülakphahde ayankhitbah.

JIHUSUA 3:17

Küyimki mihtsürübo akung lo kheak tsahhode ayükhea, mihtsürü alala muhokhamchoki amükeamrübonü Atungpuh tangzüng sangdan shuhbah Jordan phünide akung lo kheak zhipde aleang.

JIHUSUA 5:1

Israelrü muhoyichoki khiungde Atungpuhnü Jordan ngahshihdo de Jordan aniyüzahlim Amor kiulongthsürü, tüsho Mediterranean keto yean Kanan kiulongthsürübo alalanü so. Israelrü dünkheaknü arübo trede mulong niuthünak tüsho arü me sühmüh mülade kam.

JIHUSUA 6:27

Junangde Atungpuh Jihusua lung lakheah, tüsho api mungshimungthu lomi athrünkhi ching soride yü.

JIHUSUA 9:7

Tüshe Israelrübonü Hivrü ki tha, “ Tümüde isanü nüsa kheak binthrüm thsüpü? Khükijua nüsa a le aphüni larü labah.”