JIHUSUA 8:35 - AMÜSÜH HÜM CL Bible (BSI)

³⁵ Jihusuanü Mosa yukhüm ju amukhungrü, aliberü le azürü tüsho arü bolung lakhi khiungkerübo alala kilim phümütsande khea huh.

JIHUSUA 8:35 Iomraidhean Croise

EZRA 10:1

Ezranü tripde arüngyam miki khukningbahle tamkhüntamnüde harü neak alokhichoki, Israel boto athrürü, aliberü, tüsho azürübo api mükamde arübah tüzhode trip.

NEHEMIA 8:2

Jumonü Ezranü khinu thüne atan nipü amukhungrü miki hande arü– athrürübo, aliberübo, tüsho azürü alalanü tsüde anikhit.

NEHEMIA 8:3

Wungdo limro chipiripit ki apinü arü ki yakzan ju yapsunü animuro khiungde khe, tüsho arü alalanü keamramde ani.

ABEKHIT 12:38

Püpürü mihtsürü boto ato tüsho namfimihnu le mihnubo tüsho moshibo arü lung yü.

JEREMIA 26:2

Atungpuhnü ha thachoh: Atungpuh yam mahkhappung ching zhipang, tüsho Atungpuh yam ching kingaünpü arükhi Juda kiutobo alala ki asukang; inü nü ki thiyukhüm jihkhi yubo alala arü ki asukang; thiyubüm khülang she düwuhlo.

JOEL 2:16

mihtsürübo bemukhungang, amukhungrü müsühkhitang; ashinbuhrübo bemukhungang; azürübo bemukhungang, niuh yungrü khungarübo she. Niuberü lubuhnü nihbuh khiungshak bahkhishang, tüsho arhangberünü nihbe khiungshak bahkhishang.

ZEKARIA 8:23

Wuto Atungpuhnü ha thachoh: Judüki nimungbo ching trükshih yutha aban chingnü mihtsürü 10nü Jihudarü 1 kheak ramlobah, api khimmih kheak zamlobah athabah, “ Isa nü lung yüanü, tümüde Thrünpuh nü lung lah de isanü sodo.”

MARK 10:14

Tüshe küyimki Jisunü ju ngükhea, api khide masühde kam tüsho arü ki tha, “Azürü aninibo I kilim arüshang, tüsho arü düyanlo; tümütüsho Thrünpuh kiulongthsü harü yo ah.

YUNIRÜBO RHIMO 20:27

tümüde inü nüsa ki Thrünpuh lümkhi alala zhiyukpü müdukiuhlo.

YUNIRÜBO RHIMO 21:5

Küyimki ju ching isa nimungbo bankheanü isanü chamachihbah yü; arü niuberü tüsho tsührübo alalanü kiuto aleanglim khiungde bea dükhe. Isanü kemungyean kheak khukningbah tamkhüntamnü tüsho chode thaachih.

YUZÜNGTHALO 29:10

“Khihni nüsa alalanü A TUN GPU H nüsa Thrünpuh miki zhipang: nüsa limberübo, nüsa azothsürübo, nüsa torübo tüsho Israel mihtsürü alala,

YUZÜNGTHALO 29:11

nüsa tsührü aninibo tüsho nüsa niuberübo–kheaküshe nüsa khimyam ching lakhi khiungkerübo, nüsa sangyihrü chingnü kekhiprü khiungde–

YUZÜNGTHALO 29:9

jumonü ha tangzüngkhi yubo zoang tüsho rhimoang, junangde nüsanü arhimokhi alala ching alü thsübah.

YUZÜNGTHALO 31:12

Mihtsürübo bemukhungang, athrürü tüsho aliberü, azürü anini tüsho nüsa chipimurung khüp lakhi khiungkerü, junangde arünü sobahle Atungpuh nüsa Thrünpuh wüntrepü mükheahbah tüsho ha yakzan kümkangde anibah,

YUZÜNGTHALO 4:2

Inü thiyukhüm jihkhi yu kheak nüsanü alü düyuk, yungsho yihkhita dübah, junangde nüsanü inü thiyukhüm jihkhi, Atungpuh nüsa Thrünpuh yukhüm zobah.