JIHUSUA 8:33 - AMÜSÜH HÜM CL Bible (BSI)

³³ Israelrü tüsho arü limberübo, atorübo, mahkhaprübo tüsho arü bolung khiungkerübo she bebah Levirü amükeamrübonü hanbah atsahkhi tangzüng sangdan thrip mahne lim abinbah zhip. Chamkhüh Gerizim Awung müngüh tüsho püpü chamkhüh Ebal Wung müngüh zhip, junangde atankih Atungpuh yamlarü Mosanü thiyukhüm jihkhi nangde arünü Israel müngühjihbeah de thaa huh.

JIHUSUA 8:33 Iomraidhean Croise

ABEKHIT 12:49

Lomi ching asürükhi tüsho nüsa lung lakhi khiungkerü thsungkheak yakzan khülang labah.”

LEVI 24:22

Khiungkerü tüsho mihkhung thsungkheaknü yakzan khülang lang alabah: tümüde I Atungpuh nüsa Thrünpuh.

WÜHKHE 15:15

Nüsa le nüsa lung larü khiungkerübo thsungkheaknü lün thsungkheak yakzan khülang labah; nüsa künangde la, junangde khiungkerü she Atungpuh miki rukhüh labah.

WÜHKHE 15:16

Yakzan khülang tüsho thiyuzüng khülang nüsa le nüsa lung larü khiungkerü thsungkheak rukhüh labah.

WÜHKHE 15:29

Nihbuh lo ching Israel mihtsürü lung zübekhi thsüala tüsho arü bolung lakhi khiungkerü thsüala, müreanglimnü ayihbeakkhi neak dünkheak yakzan khülang lang alabah.

JOHAN 4:20

Isa jipürübonü ha müzüng kheak kingaünkheah, tüsho Jirusalem ching nüsanü kingaünpü dangpung lah de nüsa Jihudarünü thachoh.”

YUZÜNGTHALO 11:29

Tüsho ha ruk labah, küyimki Atungpuh nüsa Thrünpuhnü nüsanü amükühpü lakhi lo ching bedarübanü, Gerizim müzüng kheaknü müngühmühi zhiyukang tüsho Ebal müzüng kheaknü muthrumünean zhiyukang.

YUZÜNGTHALO 31:12

Mihtsürübo bemukhungang, athrürü tüsho aliberü, azürü anini tüsho nüsa chipimurung khüp lakhi khiungkerü, junangde arünü sobahle Atungpuh nüsa Thrünpuh wüntrepü mükheahbah tüsho ha yakzan kümkangde anibah,

YUZÜNGTHALO 31:25

Mosanü Atungpuh tangzüng sangdan hanrü Levirü ki thiyukhüm jihde tha:

YUZÜNGTHALO 31:9

Jumonü Mosanü ha yakzan thrütbahle Levi tsührü amükeamrü, Atungpuh tangzüng sangdan shuhrü tüsho Israelrü azothsürübo kilim jih.

JIHUSUA 23:2

apinü Israelrü alala, limberübo tüsho akuthsürübo, mahkhaprü tüsho atorübo athrünkhi jibahle tha, “ Kheaküa I ashinbuhrü kamdo;

JIHUSUA 24:1

Jihusuanü Israel trük alala Shekem ching bemukhung, tüsho apinü azothsürübo, mahkhaprübo tüsho Israel atorübo ji tüsho arübo Atungpuh miki arü.

JIHUSUA 3:14

Jumonü küyimki mihtsürübo Jordan hopü mihtsürü müngüh amükeamrübo tangzüng sangdan hanshihbah, arü khimyam chingnü atsahmusukhea,

JIHUSUA 3:3

tüsho mihtsürübo ki tha, “ Küyimki nüsanü amükeamrübo Atungpuh nüsa Thrünpuh tangzüng sangdan hanbah angübanü, khimyam lukang tüsho arü yanang,

JIHUSUA 3:6

Tüsho apinü amükeamrübo tangzüng sangdan hanbah mihtsürübo müngüh thiyia yüshih. Apinü athakhi nangde arünü rhimo.

JIHUSUA 4:10

Thrünpuhnü Jihusua ki thiyukhüm jihkhi alala mihtsürübonü mürhimokhamchoki khiungde sangdan shuhrü amükeamrübonü Jordan phulung ching zhipde aleang. Haju ha Mosanü thiyukhüm jihkhi yande rhimo, tüsho mihtsürübonü niokheamde ayung ju ho.

JIHUSUA 4:18

Küyimki Atungpuh tangzüng sangdan hanrü amükeamrübo Jordan phulungnü akhiuk tüsho amükeamrübo jingnü alo akung qiukhea, Jordan ke ju abukpung alodarü tüsho püpüki nangde ayung mide buk.

JIHUSUA 6:6

Jihusuanü amükeamrübo jibahle tha, “Atungpuh tangzüng sangdan hanang, tüsho nüsa thüne hulipungpung shuhbah ju müngüh yüang.”