JIHUSUA 8:31 - AMÜSÜH HÜM CL Bible (BSI)

³¹ Atungpuh yamlarü Mosanü Israelrü kilim thsangdankhi, Mosa yakzan hüm ching lakhi yande apinü rhimo: “Yinbeannü mükheankhukkhi lungnü kingaün sadam thsü.” Arünü ju kheak Atungpuh kilim taka kingaün tüsho mungtsü kingaün jih.

JIHUSUA 8:31 Iomraidhean Croise

2 KIULONG THSÜRÜ 14:6

Tüshe apinü Mosa yakzan hüm thrüta lakhi yande mihkhukrü tsührübo a mülaksah, küpü ching Atungpuhnü thiyukhüm jihde tha, “Tsührü dünkheaknü bebuhrü müsheshih, yungsho bebuhrü dünkheaknü tsührü müsheshih; tüshe mihtsürü khülang ju nihbuh neak dünkheak sheshihbah.”

2 KIULONG THSÜRÜ 22:8

Hilkia achangbe amükeambuhnü athrütbuh Shaphan ki tha, “Inü yakzan hüm Atungpuh yam ching ngüdo.” Küyimki Hilkianü hüm Shaphan kilim jihkhea, apinü ju khe.

2 KIUTHSÜYUKHEAN 25:4

Tüshe apinü arü tsührübo, Mosa hüm, yakzan ching thrüta lakhi, “Tsührübo dünkheaknü berübuhrü müsheshih, yungsho berübuhrü dünkheaknü tsührübo müsheshih; tüshe alala arü nihbuh neakbo dünkheak sheshihbah,” de Atungpuhnü thiyukhüm jihkhi yande müsheshih.

2 KIUTHSÜYUKHEAN 35:12

Arünü taka kingaünbebo shuhmuwuh-a zo, junangde Mosa hüm ching thrütkhi nangde arünü jipürü gukbo mihtsürübo khunung yande arü kilim jihpü lakheah. Tüsho arünü ju ruk moshibo she kheakrak.

EZRA 6:18

Mosa hüm ching lakhi yande, amükeamrü tüsho Levirübo buh rhimomo Thrünpuh khin shuhpü Jirusalem ching zojih.

NEHEMIA 13:1

Küyimki Mosa yakzan mihtsürübo ki achangnü akhekhea, Amonrü yungsho Moabrü ju küyimkishe Thrünpuh mihtsürü kheak munungkhuk de thrüta ngü.

ABEKHIT 18:12

Judüki Mosa akü Jethronü taka kingaünkhi tüsho laksah-a kingaünkhibo Thrünpuh kilim jih. Tüsho Aron lung Israel azothsürü alala Mosa akü lung yikhap tsühpü Thrünpuh miki arü.

ABEKHIT 24:5

Judüki apinü Israel athunu mihtsürü yüshih, tüsho arünü taka kingaünkhi tüsho moshipungbo laksah-a Atungpuh kilim mungtsü kingaün jih.

MATHI 12:26

Arimrinü Arimri yankhita bahsho, nihbuh azhihde api chamnaka lah. Dale küde thsah api kiulongthsü zhipkhukpü?

YUZÜNGTHALO 27:2

Tüsho küyimki nüsa Jordan hode Atungpuh nüsa Thrünpuhnü ajihkhi lo ching yübanü, nüsanü lung atotobo khimang tüsho müye-sungsungnü mujuang.

YUZÜNGTHALO 27:8

Tüsho nüsanü lungbo kheak ha yakzan khide mungode thrütkihang.”

JIHUSUA 1:8

Ha yakzan hüm ha nü mün chingnü düchamachihshih, tüshe nünü animung tüsho are tamkhüntamnüde kheang, junangde ha ching thrüta lakhi yande kümkangde arhimobah. Tüsho nü limro müngühmühide kukzamde alabah.