JIHUSUA 8:28 - AMÜSÜH HÜM CL Bible (BSI)

²⁸ Jumonü Jihusuanü Ai ju takabahjih tüsho kamruhroro thsungkheaknü thsümünima mujungshih, ju khihni khiungde lah.

JIHUSUA 8:28 Iomraidhean Croise

2 KIULONG THSÜRÜ 19:25

Müngühlimnü inü lümkihdo de nünü muso de? Awün nimungbo chingnü inü lüm, kheakü tümü inü hande arücho, junangde nünü chipi ayünkhi kiutobo müneanmuru mujung kamshihdo.

ISAIA 17:1

Damaska dünkheak müchityu khülang. Kheahang, Damaska ju kiuto thsüpü arün thsübah, tüsho athsümünimkhi mujung kambah.

ISAIA 25:2

Tümüde nünü kiuto amujung kamshihdo, chipi ayünkhi kiuto thsümünimdo; khiungkerü yo kiulongthsürü yambo lakhi kiuto kheaküa müla, ha küyimkishe müthsülo.

JEREMIA 49:2

Jumonü, tsükjide kim arüchoh, Atungpuhnü thachoh, küyimki inü Amonrü yo Rabba azhihde keochih düsheak arhunganimba; ha azhikkhi wungduduh kambah tüsho kiulongbo monü atakbah; judüki Israelnü api yankhita bahrü yankhitbah, Atungpuhnü thachoh.

JEREMIA 50:26

Thrip aban chingnü anihbe azhihde arang; anihbe jakambo khimshuhang; hi wumujungkhi nangde anihbe mujungshang, tüsho shahde anihbe thsümünimang; anihbe yo tümü she daningshih.

JEREMIA 9:11

Inü Jirusalem athsümünimkhi mujung, shirung lapungbo kamshihbah; tüsho inü Juda kiutobo she mülade zhikrangkhündo akamshihbah.

MIKA 3:12

Jumonü nüsa dünkheaknü thulu nangde Zion wochakbah; Jirusalem ju athsümünim mujung kambah, tüsho arüngyam wung ju murung kambah.

YUZÜNGTHALO 13:16

Tüsho nüsanü ayankhikhi kukrukbo limro phulung shuhmukhunga zoang, tüsho kiuto le ayankhikhi kukrukbo Atungpuh nüsa Thrünpuh thsungkheak monü takang; ju lünnü mujunga labah tüsho küyimkishe müthsülo.

YUZÜNGTHALO 13:17

Jumonü nüsa shepünü she muthrumüneankhi kukruk nüsa khah ching aninga düzo, junangde Atungpuhnü api bukakhiukkhi chingnü atuklobah tüsho nüsa ki mihmüthsüm huhbah, nüsa kheak muzhobah tüsho apinü nüsa jipürü ki thiyuchihchimkhi nangde nüsa wüh bubah,

JIHUSUA 4:9

Tüsho Jihusuanü she tangzüng sangdan hanrü amükeamrü zhippung Jordan phulung ching lung 12 khim, jurü khihni khiungde zhiplah.

JIHUSUA 8:29

Apinü Ai kiulongthsüpuh pang ju sang kheak arelim khiungde zhin. Ani yüzahshu pang ju ayihkhipü Jihusuanü thiyukhüm jih, tüsho ju kiuto khuhto chipimurung limpeang jipa bah, tüsho ju kheak lung rhunga mujukshih, ju khihni khiungde lah.