JIHUSUA 8:2 - AMÜSÜH HÜM CL Bible (BSI)

² Nünü künangde Jirikho tüsho kiulongthsüpuh kheak rhimokheanü ju ruk Ai tüsho kiulongthsüpuh kheak she rhimoang, tüshe hakhip a kukrukbo tüsho shiwühbo nü lupü kuklah. Kiuto ju adunglimnü ayanpü thsakhamang.”

JIHUSUA 8:2 Iomraidhean Croise

2 KIUTHSÜYUKHEAN 13:13

Jeroboamnü arü kheak dunglimnü arüshihpü thsüde thrihde yüshih; hanangde api bonungrü Juda müngüh lakheah, tüsho athrihrü ju arü dunglim lakheah.

2 KIUTHSÜYUKHEAN 20:22

Arünü khün thsüpü tüsho mung shipü tankihchoki, Atungpuhnü Amonrü, Moab, Seir awung, Juda azhihde arürübo yanpü thüram yuk, junangde arübo kukabah.

MUNGSHIKHÜN 39:6

Tsükjide mihtsürü aban alamme khülang nangde tsahchoh; tsükjide arü akeangkeang ching zuknukde lah; apinü lakhit wumujungchoh, tüsho shenü jurü lubanü mümükheah.

MÜCHITMUDU 13:22

Mihtsürü atsünü api tsührü tsührübo kilim yamrüplurüp zojihchoh, tüshe aneakrü lakhit ju thiyuro-lungkirü thsungkheak hanmukhunga lah.

MÜCHITMUDU 28:20

Thiyuro lakhi mihtsürü suhdahde müngühmühibah, tüshe shepü alakhitpü niokheamchonü müthsümüchidüa mutso.

JEREMIA 17:11

Patridge wuhnunü mühüpkhitde püpürü jipjipbo bemukhungkhi nangde thiyuro mülakhi lakhit hanmukhungrü ju ruk ah; api rhangdung murochoki anihbuh lakhitbo dükheakbah, tüsho akheam ching api makhakhi mütsanbah.

JEREMIA 51:12

Babilon chipi yeande riphin khülang shuhkihang; akheahrü düküngshang; ajimrü thsakhamang; tümüde Atungpuhnü Babilon ching larü dünkheak tümü asukdünü lümkhi thsüdo tüsho rhimodo.

YUZÜNGTHALO 2:35

Tüshe akam-shiwühbo tüsho kiutobo chingnü ayankhikhi kukrukbo lang isanü ludo.

YUZÜNGTHALO 20:14

Tüshe aliberübo, azürü aninibo, akam-shiwühbo kiuto ching lakhi alala tüsho ayankhikhi kukruk lüpdükhi nüsanü nihbuh thsungkheak luang; tüsho Atungpuh Thrünpuhnü nüsa kilim jihkhi nüsa riri kukruk yankhikhibo nüsanü tsühang.

YUZÜNGTHALO 3:2

Tüsho Atungpuhnü I ki tha, api dütre, tümüde inü api lung amihtsürü, tüsho api lo alala nü khah ching jihdo; nünü api kheak, Heshbon ching lakhi Amorrü kiulongthsüpuh Sihon kheak rhimokhi nangde arhimobah.

JIHUSUA 10:1

Jirikho tüsho kiulongthsüpuh yanabahkhi ruk, Jihusuanü Ai tüsho kiulongthsüpuh yando de Jirusalem kiulongthsüpuh Adonizedeknü so. Tüsho Gibeonrünü Israelrü kheak mungtsüde arü bolung lah de apinü so.

JIHUSUA 10:28

Ju nimung Jihusuanü Makkeda tüsho ju kiulongthsüpuh laksah. Ju ching larü alala apinü sheshe maningshihde laksah. Apinü Jirikho kiulongthsüpuh kheak tümü rhimokheanü junangde Makkeda kiulongthsüpuh kheak she rhimo.

JIHUSUA 11:14

Israelrübonü shoto kukruk tüsho shiwühbo nihbuh thsungkheaknü ju kiutobo chingnü lu; tüshe arünü mihtsürübo a alala shekhamshih.

JIHUSUA 6:21

Tüsho arünü kiuto ching larü athrürü tüsho aliberü, azürü tüsho azorü alala, moshipungbo, namfimihnu tüsho donkibo nuknü laksahkham.

JIHUSUA 8:12

Apinü mihtsürü 5000 khüh bea lubahle Ai le Bethel dükeak kiuto aniakhiuklim thrip jikshih.

JIHUSUA 8:14

Küyimki Ai kiulongthsüpuhnü ju ngükhea, api tüsho kiuto ching lakhi amihtsürübonü yapsu mükikde Araba limpeang Israel bede keochihpü ashoruachihpung niokheamde yü; tüshe api azhihde kiuto dunglim thüram thsüa binlah de apinü mümükheah.

JIHUSUA 8:19

tüsho akhah shuhkih akede, jika binrübo nahde jukmusubah shande yünü kiuto ju zündo. Arünü kiuto ching yüzahbah mo nahde thsahkih.

JIHUSUA 8:24

Israelrübonü sunglo ching arü müshamrü lüpdükhi nuknü laksah; tüsho alode Ai lim yübah ju ching larü laksahkham.

JIHUSUA 8:3

Jumonü Jihusuanü anihbuh bonungrü alala bebah Ai lim yüpü thsakham; tüsho thirithsürü 30,000 mokhita azhing chingnü yüshih.

JIHUSUA 8:7

jushu nüsa thüram chingnü asürübah tüsho kiuto yanbah; tümüde Atungpuh nüsa Thrünpuhnü ju nüsa khah ching jihbah.

JIHUSUA 8:8

Küyimki nüsanü kiuto ju ayankhitbanü, Atungpuhnü thiyukhüm jihkhi nangde mo thsahkihang. Harü ha nüsa kilim I yukhüm jihchoh.”

JIHUSUA 8:9

Jumonü Jihusuanü yüshih tüsho arübo nihbuh jikpung Ai aniyüzahlim, Ai le Bethel dükeak aleangde bin. Jihusuanü ju tsüngre arü binkheampung ching bin.

JIHUSUA 9:3

Tüshe küyimki Jirikho tüsho Ai ching Jihusuanü arhimokhi Gibeonrünü asokhea,