JIHUSUA 7:7 - AMÜSÜH HÜM CL Bible (BSI)

⁷ Tüsho Jihusuanü tha, “ Aya Atungpuh T HRÜNPU H ! Nü tümü thsüpü isa Jordan behode Amorrü khah ching sheshihpü arükhea le? Isa Jordan thripkhüh thsüpü reangkeamde lashihkhülaa tsüdo:

JIHUSUA 7:7 Iomraidhean Croise

2 KIULONG THSÜRÜ 3:10

Judüki Israel kiulongthsüpuhnü tha, “Aha! Kiulongthsürü mahsam Moab kilim jihpü lang Atungpuhnü isa jia lah.”

MUNGSHIKHÜN 116:11

Inü niokheamde tha, “Mihtsürü alala akeangyu tharü ah.”

ABEKHIT 16:3

Tüsho Israelrünü arü ki tha, “O, isa Ijip lomi ching shih phüh ki binchoki tüsho bukthsüde yikhap tsühchoki Atungpuh khah hode isa müshede! Tümütüsho nünü isa ha boto alala sunglo ching akhümnü asheshihpü bekhitdo.”

ABEKHIT 17:3

Ju ching mihtsürübo kethüri tüsho Mosa azhihde dapdapneangneangde tha, “Tümüde isa le isa tsührübo tüsho akam-shiwühbo kethürinü asheshihpü Ijip chingnü abekhitkhea?”

WÜHKHE 14:16

‘ Tümütüsho Atungpuhnü harü mihtsürübo apinü ajihpü alokhikhi lo ching bebah marükhuk, jumonü apinü arübo sunglo ching laksah-a lah.’

WÜHKHE 14:3

Tümüde Atungpuhnü isa ha lo ching nukshangnü asheshihpü bede yücho le? Isa niuberü tüsho isa tsührübo laksahkhambah; isa Ijip lim alode ayükhipü atsübe thsüba shi?”

MATHI 17:17

Jisunü alo, “O akin mülakhi tüsho lakshi lün, külokhüh I nüsa lung laba? Tüsho inü nüsa lung külokhüh arümkheamba? Api I kilim ha ching bede arang.”

MATHI 17:20

Jisunü alo, “Tümütüsho nüsanü mükinmonü ah. Inü nüsa ki thiyuro thachoh, nüsa akin woninji dükhüh lasho, nüsanü ha müzüng ki thabah, ‘Ha kheaknü ju ching akhinang,’ tüsho ju akhinbah; tüsho nüsa thsungkheaknü tümü she amukukkhi mülade alabah.

IBRI 12:5

Nüsa ki tsührübo jide atuthsukyu thakhi nüsanü mihdü de? “I tsah-a, Atungpuhnü adanyukkhi süpsüpde dülüm, yungsho apinü nü thsümüchichoki mulong dünini.

JIHUSUA 7:6

Jihusua tüsho Israelrü limberübonü mulong tukthsüde arü khim rukrüp, tüsho arü ku kheak asungthulung yükihde alo ching awuh, tüsho arü mulong tukthsükhi huhde Atungpuh tangzüng sangdan ki alo ching awuhde arelim khiungde yap.

JIHUSUA 7:8

O Atungpuh , inü tümü thakhukba, kheakü Israelrü thiriri müngüh tsodo!

MAHKHAPRÜ 20:23

Israelrünü wutu tüsho arelim khiungde Atungpuh ki trip tüsho Atungpuh ki keokhi. Arünü tha, “Isanü isa keoniorü Benjamin bede keochihpü yüloba shi?” Atungpuhnü alo, “ Arü azhihde wutuang.”

1 SAMUEL 4:3

Küyimki thirithsürübo binkheampung ching arükhea, Israel azothsürübonü tha, “ Tümüde Atungpuhnü khihni isa Filistiarü müngüh tsomüzütshihkhea? Isanü Shilo chingnü Atungpuh tangzüng sangdan ha ching hande aranü, junangde api isa bolung arübah tüsho isa riri khah chingnü akhümkhitbah.”