JIHUSUA 7:6 - AMÜSÜH HÜM CL Bible (BSI)

⁶ Jihusua tüsho Israelrü limberübonü mulong tukthsüde arü khim rukrüp, tüsho arü ku kheak asungthulung yükihde alo ching awuh, tüsho arü mulong tukthsükhi huhde Atungpuh tangzüng sangdan ki alo ching awuhde arelim khiungde yap.

JIHUSUA 7:6 Iomraidhean Croise

THRÜNTAN 37:29

Judüki Reubennü shingkung lim alode yü, tüshe Josep ju shingkung ching mülade alakheah; tüsho apinü akhimmihbo thorüp.

THRÜNTAN 37:34

Judüki Jakobnü api khimmihbo thorüpbah achim kheak shungliukhim yihkih, tüsho api tsührü thsungkheak nimung ahihdo tüzho.

2 SAMUEL 1:11

Judüki Davidnü akhim kheak tholobah rukrüp; tüsho api lung larü mihtsürü alalanü ju ruk thsü.

2 SAMUEL 1:12

Arünü tüzhode mitrip, tüsho Saul le atsührü Jonathan, tüsho Atungpuh bonungrü tüsho Israelrü thsungkheaknü arelim khiungde khümkeak thsü, tümütüsho arübo nukshangnü keamshih.

2 SAMUEL 1:2

Nimung asampü ching mihtsürü khülang khim thorüpa tüsho aku kheak alo yihkihbah Saul binkheampung chingnü arü. Küyimki api David ki arükhea, apinü akin jihde alo kheak mükhüm.

2 SAMUEL 12:16

Jumonü Davidnü khungarü thsungkheaknü Thrünpuh ki mushu; Davidnü khümkeak thsü, tüsho akhiungshak ching yüzahbah alo kheak tsüngreroro yap.

2 SAMUEL 13:19

Tüshe Tamarnü aku kheak awah yihkih, tüsho anihbenü aphuyukhi khim ashang ju thorüp; alibenü akhah aku kheak yihkihbah achangnü tripde tsoabah.

2 SAMUEL 13:31

Kiulongthsüpuhnü asürübah akhim rukrüp, tüsho alo kheak yap; tüsho api ki zhiprü ayamlarü alalanü arü khim rukrüp.

2 KIULONG THSÜRÜ 22:11

Küyimki kiulongthsüpuhnü yakzan hüm yubo sokhea, apinü khimbo thorüp.

2 KIUTHSÜYUKHEAN 34:19

Küyimki kiulongthsüpuhnü yakzan yubo sokhea, apinü anihbuh khim thorüp.

EZRA 10:1

Ezranü tripde arüngyam miki khukningbahle tamkhüntamnüde harü neak alokhichoki, Israel boto athrürü, aliberü, tüsho azürübo api mükamde arübah tüzhode trip.

NEHEMIA 9:1

Ju khinu nimung mukukheak phüyi ni Israelrübonü shungliukhim phuyu tüsho arü ku kheak asungthulung kamkihde khümkeak thsüde mukhung.

ESTER 4:1

Küyimki Mordekainü harü sokhea, akhim rukrüpbah shungliukhim phuyu tüsho awah mujubah kiuto phulung ching wukhiuk tüsho achangnü zhide trip;

ESTER 4:3

Kiulongthsüpuh yukhüm khiungkhi lomi alala ching, Jihudarü atüzhokhi ato lakheah. Arünü khümkeak thsüde trip, tüsho mitripde ahihkhühnü shungliukhim phuyubah awah ching awuh.

JOB HU H T ANYU 1:20

Judüki Jobnü asürü, api yo shulünkhim thorüp, api ku hüt, tüsho alo kheak khukningbah kingaün.

JOB HU H T ANYU 2:12

Küyimki arünü api limshu chingnü angükhea, arünü api mükheahmütsan, arünü arü düsheak akhiuk tüsho achangnü trip; arünü atüzhokhi huhpü arü shulünkhimbo thorüp tüsho arü ku kheak asungthulung kamkih.

JOB HU H T ANYU 42:6

Jumonü inü I mükhemükimchoh tüsho asungthulung le awahbo chingnü mulong müthrichoh.

TÜZHOKHI 2:10

Zion tsührübe azothsürübo alo kheak zhikde binlah; arünü arü ku kheak awah yihkih tüsho shungliukhim phuyu; Jirusalem athunu liberübonü arü ku alo lim mükhüm.

WÜHKHE 14:6

Tüsho Nun tsührü Jihusua tüsho Jephunne tsührü Kaleb, lomi zütakheah lung benenü khimmih thorüp,

WÜHKHE 16:22

Tüsho anenü mi zhinbahle tha, “O Thrünpuh mihtsürü me alala Thrünpuh, mihtsürü khülang neak dün, boto alala kheak nü bukakhiukba de?”

WÜHKHE 16:45

“ Harü boto chingnü tsoakhinang, tüsho inü arübo khülangkiyu thsüde akheamshihbah,” tüsho ane miro zhinabah.

YUNIRÜBO RHIMO 14:14

Tüshe küyimki Barnaba le Paul bünenü ju sokheanü ane khim thorüpbah boto lung zhide alihde yü,

JIHUSUA 7:7

Tüsho Jihusuanü tha, “ Aya Atungpuh T HRÜNPU H ! Nü tümü thsüpü isa Jordan behode Amorrü khah ching sheshihpü arükhea le? Isa Jordan thripkhüh thsüpü reangkeamde lashihkhülaa tsüdo:

AMIKHEAKAKHIUKKHI 18:19

Tüsho arünü arü kubo kheak awah sukkihbah trip tüsho tüzhode zhi, “Are, are, keto ching sangkungbo larü anihbe lakhit hode alarü kampung, ato kiuto! Kimkhü 1 chingnü anihbe thsümünima lah.”

MAHKHAPRÜ 11:35

Küyimki apinü alibe ngükhea, apinü akhim thorüp tüsho zhi, “O! I tsah-a! Nünü I mulong rozhakde thsünüshihdo, tümütüsho inü Atungpuh kilim müthsümünimpü thsüde thiyuchihchim khülang thsüdo.”

MAHKHAPRÜ 20:23

Israelrünü wutu tüsho arelim khiungde Atungpuh ki trip tüsho Atungpuh ki keokhi. Arünü tha, “Isanü isa keoniorü Benjamin bede keochihpü yüloba shi?” Atungpuhnü alo, “ Arü azhihde wutuang.”

MAHKHAPRÜ 20:26

Judüki Israel mihtsürü bonungrü athrünkhi wutubah Bethel ching arü tüsho trip; arünü Atungpuh miki bin tüsho ju nimung arelim khiungde khümkeak thsü, tüsho Atungpuh miki taka kingaünkhi le mungtsü kingaünbo jih.

MAHKHAPRÜ 21:2

Judüki mihtsürübonü Thrünpuh yam ching yü tüsho arelim khiungde Thrünpuh miki ju ching la. Arünü arü düsheak achangnü düsüknimde trip,

1 SAMUEL 4:12

Benjamin mihtsürü khülang ju nimung akhimmihbo thorüpa tüsho aku kheak alo kihbah, keochihpung chingnü alihde Shilo ching arü.