JIHUSUA 7:25 - AMÜSÜH HÜM CL Bible (BSI)

²⁵ Tüsho Jihusuanü tha, “Nünü tümü thsükhi isa kheak küpkhuk hande arükhea? Atungpuhnü khihni nü kheak küpkhuk hande arüchoh!” Mihtsürü alalanü Akhan ju lungnü rusah; arünü ayamkhün tüsho lakhitbo she ruthünak tüsho monü takabahjih.

JIHUSUA 7:25 Iomraidhean Croise

THRÜNTAN 34:30

Judüki Jakobnü Simeon le Levi ki tha, “Nükenü lomi ching larü Kananrü le Perizrü bolung I athraneanbe kamshihde I kheak küpkhuk hande arüdo; tümütüsho I wühkhe nüklah, arünü rukhüh mukhungbah I azhihbah tüsho I laksahbah.”

THRÜNTAN 38:24

Khinu mahsam bande hobah, Juda ki tha, “Nü tsühmeakbe Tamar müzammüram ahoria lah; müzammüramkhinü anihbe khungarü lah.” Jumonü Judanü tha, “Alibe bekhitang tüsho anihbe takabahang!”

1 KIUTHSÜYUKHEAN 2:7

Karmi tsührübo: Akar, Israel küpkhuk jihbuh, apinü amüsühkhitkhi kukrukbo ching müneanjih;

MÜCHITMUDU 1:19

Junangde alü thsüpü yihnelunerü limrobo lah; hanü atungrü rhangdung lude tsochoh.

MÜCHITMUDU 15:27

Yihnelune mihtsürünü nihbuh yamkhün ching küpkhuk hande arüchoh, tüshe shepünü buknimbo thraneanchonü kutsüpbah.

LEVI 20:14

Athrürü khülangnü aliberü le alibe abe ane chido lusho, ju yüliyürakhi ah; api tüsho arü chido monü ataksahbah, junangde nüsa bolung yüliyürakhi mülade akambah.

LEVI 20:2

Israel tsührübo ki thaang: Israel yungsho khiungkerü Israel ching larü shepünü nihbuh tsührü Molek thrünpuh kingaünpü jihbanü, lomi ching larü mihtsürü athrünkhinü dükde lungnü api rusahabahbah.

LEVI 21:9

Amükeamrü tsührübe khülangnü müzammüramde nihbe zangrü thsümünimsho, alibenü abuh mungchihshihchoh; anihbe ju monü takabahbeah.

LEVI 24:14

Athruajibuh ju binkheampung chingnü bekhitang, tüsho apinü athruajikhi sorü abannü amülim ah dükhi amütsan arü khah aku kheak nimbah, tüsho boto alalanü api lungnü rusahang.

GALATIA 5:12

Nüsa kipathsük jihrü ju inü a khapthumunga bahshihnelah.

YUZÜNGTHALO 13:10

Tüsho nüsanü api lungnü arusahbah, tümütüsho apinü Atungpuh nü Thrünpuh shepü hode Ijip lo tüsho azhorü yamkhün chingnü abekhitkheanü, api kheaknü bephülapde atsopü rük yim.

YUZÜNGTHALO 13:11

Jumonü Israelrü alalanü asobah tüsho wüntrebah, tüsho hadürü amütsü rhimo küyimkishe mürhimolo.

YUZÜNGTHALO 17:5

nünü amütsü rhimorü athrürü yungsho aliberü ju nüsa chipimurungbo ki bede akhiukang, tüsho lungnü rusahang.

YUZÜNGTHALO 21:21

Judüki kiuto ching lakhi mihtsürü alalanü api lungnü arusahbah; junangde nüsanü amütsürü nüsa bolungnü yihkhita bahang, tüsho Israelrü alalanü sobah atrebah.

2 TESALONIKA 1:6

Tümütüsho Thrünpuh ju thiyuro lakhinü sherünü nüsa küpkhuk jihbanü apinü küpkhuk jihlobah,

IBRI 12:15

Sheshe Thrünpuh amüthsüm mülakphahpü tüsho akhüh sangrung asürübah ahihkhüh küpkhuk jihde amüneanjihpü lakhi atünadoang.

JIHUSUA 6:18

Tüshe thsümünima bahpü lakhi kukrukbo nüsanü dulu; jude thsüsho, nünü Israel binkheampung ching küpkhuk tüsho athsümünim handarübah.

JIHUSUA 7:15

Muthrumüneankhi kukruk lubuh ju yimkhitsho, api lung ayamkhün tüsho kukruk alala monü atakbah, tümüde apinü Israel kurungkheak achih handarüdo tüsho Atungpuh kheak tangzüngkhi thsümünimdo.”

1 SAMUEL 14:29

Judüki Jonathannü tha, “I buhnü lomi küpkhukshihdo; kheahang I mükjibo küdükhüh rhüngrhüng la tümütüsho inü ha mukhuke anikhüh tsühakeakheah.