JIHUSUA 7:19 - AMÜSÜH HÜM CL Bible (BSI)

¹⁹ Jihusuanü api ki tha, “I tsah-a, Atungpuh Israel Thrünpuh kilim müretahshang, tüsho neak alokhiang. Nünü tümü rhimokheanü I ki kheakü thaang; ju I ki düram.”

JIHUSUA 7:19 Iomraidhean Croise

2 KIULONG THSÜRÜ 20:15

Apinü tha, “Arübonü nü yam ching tümü ngüde?” Hezekianü alo, “Arünü I yam ching lakhi alala ngüdo; inü I kukruk zopung-yam ching arü ki muhuhkhi tümü müla.”

2 KIUTHSÜYUKHEAN 30:22

Hezekianü Atungpuh tankihkhi ju anikhitkhi atsü huhrü Levirü alala ki mulong toshihde asuk. Jumonü mihtsürübonü Atungpuh arü jipürü Thrünpuh kilim mungtsü kingaün tüsho makshe jihde nimung thüne thünio jimpung tsüh.

MUNGSHIKHÜN 32:5

Judüki inü nü ki I neak kheang; inü amülim rhimokhibo müram. Inü jurü nü ki thakhitpü pungkhi, tüsho nünü I neak alala bahjih.

MUNGSHIKHÜN 51:3

Tümüde inü alakmihkhibo inü mükheahlah, tüsho kamruhroro I neak I miki lah.

MÜCHITMUDU 28:13

Shepünü nihbuh neakbo ramchonü akuk müngüchoh, tüshe shepünü jurü alokhiabahcho tüsho bahyukchonü mihmüthsüm labah.

ISAIA 13:12

Inü mihtsürübo ju atsüdak suna kheaknü alü nükde akamshihbah, tüsho Ophir suna kheaknü nükde akamshihbah.

JEREMIA 13:16

Atungpuh nüsa Thrünpuh kilim apinü amiting mühandarüyide, tüsho shuhyini ching awungbo kheak nüsa jing mümükheyide müretahshang; nüsanü ayin kheahchoki, apinü ju bünangdo kamshihchoh tüsho mükjikhünkhit thsüde mitingshihchoh.

DANIEL 9:4

Inü Atungpuh I Thrünpuh ki tamkhüntamnü tüsho neak alokhide tha, “ O, Atungpuh , ato tüsho atrebe Thrünpuh, shepünü nü muzhorü kheak tangzüng tüsho mihmüthsüm zocho tüsho nü yukhüm zocho,

LUKNÜ ATHRÜTKHI THIYUSHEAK-ATSÜ HUHTANYU 17:18

Ha khiungkerü kheak hode alode arübah Thrünpuh mung shipü she mülakhea de?”

JOHAN 9:24

Jumonü arünü mük tuka lakhi mihtsürü ju ji tüsho api ki tha, “Thiyuro thapü Thrünpuh miki alokhiang! Ha mihtsürü aneakrü ah de isanü mükheahlah.”

ROMRÜ KILIM PAULNÜ ATHRÜTKHI KIHÜM HUHTANYU 10:10

Tümüde mihtsürünü api mulongnü kinchoh, junangde alim mütsando tüsho api münküpnü alokhichoh tüsho api khümkhit.

2 TIMOTHI 2:25

azhihrü ki azhihayihkhinü thsülangde alabeah. Khükijua, arü mulong müthripü Thrünpuhnü mülüjihbah tüsho thiyuro mükheahde akambah,

TITA 2:2

Azobuhrü mihtsürü ki arümkheampü, mulong jihpü, kurhangpü, tüsho akin ching, amuzho ching, tüsho rünkhiungpü ching düküngpü thsangyuang.

JAKOB 1:20

tümüde mihtsürü bukakhiukkhinü Thrünpuh thiyuro-lungki mühandarüchoh.

JIHUSUA 7:20

Akhannü alo, “ Ju thiyuro, inü Atungpuh Israel Thrünpuh azhihde neak yihbeakdo, tüsho inü ha rhimo:

AMIKHEAKAKHIUKKHI 16:9

mihtsürübo ju khide alamlamnü tak, tüsho arünü harü arümbo kurungkheak wu labuh Thrünpuh mung athru, arünü mulong mümüthri tüsho api kilim müremütah.

1 SAMUEL 14:43

Tüsho Saulnü Jonathan ki tha, “Nünü tümü rhimokheanü I ki thaang.” Jonathannü api ki tha, “I khah ching zhimkhi tso münkheam kheaknü inü mukhuke tsühakeakheahdo; I ha ching lah, I ashebah.”

1 SAMUEL 6:5

Jumonü nüsanü alo thsümünimjihkhi mübo tüsho phihnu kiphahde thsang, tüsho Israel Thrünpuh ki müretahshang; khükijua api khah nüsa le nüsa thrünpuhbo tüsho nüsa lomi chingnü adükhebah.