JIHUSUA 7:12 - AMÜSÜH HÜM CL Bible (BSI)

¹² Hamonü Israelrübo arü riri azhihde müzhipkhukkheah. Arübo thiriri müngüh tso, tümüde arünü nihbuh zangrü athsümünimbe ching thsungyuk! Nünü dulu de thiyukhüm jihkhi kukrukbo ju thsümünima mübahyikia I nüsa lung müla!

JIHUSUA 7:12 Iomraidhean Croise

MUNGSHIKHÜN 44:10

Nünü isa thiriri müngüh tsoshih, tüsho isa azhihrünü isa yankhia lu.

MUNGSHIKHÜN 60:10

O Thrünpuh, nünü isa bahyukkhi yung de? O Thrünpuh nü isa bonungrü lung müyü.

MÜCHITMUDU 28:1

Mihbukmuyuk a shenü mümüshamde tsochoh, tüshe thiyuro-lungkirü a kekhüzü nangde mulong tolah.

ISAIA 59:2

Ju yungde, nü neakbonü nü le nü Thrünpuh dükeak rhübo lah, tüsho nü neakbonü api miro nü kheaknü jikshihlah, junangde apinü muso.

JEREMIA 23:33

Küyimki ha mihtsürü, yungsho wukihrü, yungsho amükeamrünü nü ki keokhiba, “Atungpuh müchityu tümü a?” nünü arü ki thabah, “Tümü müchityu, tüsho inü nüsa bahyukbah, Atungpuhnü thachoh.”

JEREMIA 6:8

Kurhangang, O Jirusalem, jude yungsho I nü kheaknü atsobah, tüsho nü ju azhikkhi, mihtsürü mülapung lomi kamshihbah.

HOSEA 9:12

Arünü tsührübo mütrümususu she, sheshe maningyi khiungde inü arü tüzhoshihbah. I arü kheaknü chamachihchoki atsütsü arü are!

HABAKKUK 1:13

Nü mükbo ju amütsü ngüpü khide tsangkhitlah, tüsho nünü amülim-rhimo kheak mükheahkhuk; tümüde nünü mülapmüji kheak kheahcho le, tüsho mihbukmuyuknü arü kheaknü thiyurolungkirü lakhi muyuchoki zhikde lacho le?

WÜHKHE 14:39

Küyimki Mosanü Atungpuh yu Israelrü mihtsürübo ki thakhea, mihtsürübonü khitode tüzho.

WÜHKHE 14:42

Duwutu, jude yungsho nüsa ririnü nüsa kukbah, tümüde Atungpuh nüsa bolung müla.

WÜHKHE 14:43

Tümütüsho Amalekrü tüsho Kananrü nüsa müngüh lah, tüsho nüsa nukshangnü akeamshihbah; tümütüsho nüsanü Atungpuh kheaknü alode tsodo, Atungpuh nüsa lung lapü yung.”

WÜHKHE 14:45

Tüsho ju wung ching larü Amalekrü le Kananrü akibah arü yanyukabah tüsho Horma khiungde yande müsham.

YUZÜNGTHALO 7:26

Tüsho nüsanü athraneanbe kukruk nüsa yam ching hande arübahle ju ruk muthrumünean dükamshih; nüsanü hoju khülang kinü thraneanang tüsho bahyukang, tümüde ha muthrumünean kukruk lah.

JIHUSUA 6:18

Tüshe thsümünima bahpü lakhi kukrukbo nüsanü dulu; jude thsüsho, nünü Israel binkheampung ching küpkhuk tüsho athsümünim handarübah.

MAHKHAPRÜ 16:20

Tüsho alibenü tha, “Samson! Filistiarü arüchoh.” Jumonü apinü ayapkhi chingnü asürü, tüsho tha, “Püpüki nangde inü awukhiukbah tüsho zuzu thsüde aphapbah!” Tüshe Atungpuh api kheaknü chamachihdo de apinü mümükheah.

MAHKHAPRÜ 2:14

Tüsho Israel azhihde Atungpuh bukakhiuk. Jumonü apinü arübo ju arü yankhia lurü khah ching jih; tüsho apinü arübo arü mühide lakhi thiriribo khah ching yinabah. Junangde arü riribo miki arübonü müzhipkhukde kam.

MAHKHAPRÜ 2:4

Junangde küyimki Atungpuh yunirünü Israelrü alala ki thiyu harü ha asukkhea, mihtsürübonü arü düsheak achangnü trip.

1 SAMUEL 14:38

Saulnü tha, “Nüsa mihtsürü limberübo, ha kheak arang; tüsho ha neak küde thsah khihni akhiukchonü isanü yimkhitanü.