JIHUSUA 7:1 - AMÜSÜH HÜM CL Bible (BSI)

¹ Jirikho chingnü tümükhüh lang she lusho asheshihbah de Atungpuhnü thiyukhüm jihkhi ju Israelrü bolung Akhannü mani, jumonü Atungpuhnü Israelrü kheak bukakhiuk. (Akhan ju Judarü Zabdi tsührü Karmi tsührü tüsho Zera guk chingnü alakheah.)

JIHUSUA 7:1 Iomraidhean Croise

THRÜNTAN 34:27

Jakob tsührübonü alaksahpung ching arü, tüsho kiuto yankhia lu, tümütüsho arü niurü thsümünima lakheah.

2 SAMUEL 24:1

Kheaküshe Israel kheak Atungpuhnü bukakhiuk, tüsho apinü arü azhihde David ki ajuhde tha, “Yüang, Israel tüsho Juda mihtsürü kheang.”

2 KIULONG THSÜRÜ 5:24

Küyimki api awung ching arükhea, apinü ane kheaknü qiuqiubo lu tüsho alunglim zoabah; apinü mihtsürü büne thiyia tsoshih.

1 KIUTHSÜYUKHEAN 21:7

Tüshe hadürü ching Thrünpuhnü masühde alakheah, tüsho apinü Israel shik.

2 KIUTHSÜYUKHEAN 24:18

Arünü Atungpuh arü jipürü Thrünpuh yam bahyuk, tüsho Ashera sangthsübo tankih. Tüsho arü amülim ha dünkheaknü Juda tüsho Jirusalem kheak Thrünpuh bukakhiukkhi arü.

EZRA 9:6

tüsho inü tha, “O I Thrünpuh, nü miki I miro huhpü khide achihlah. I Thrünpuh, tümüde isa müneannü isa ku alapdo; tüsho athsümünimkhinü thüning khiungdo.

JOB HU H T ANYU 35:8

Nü mihbukmuyukkhinü nü nangde püpürü rheakchoh, tüsho nünü atsü rhimokhinü api rungchoh.

T H S AN GYU T H S AN GR ARÜ 9:18

Lümlung ju thirithsü thsühnuk kheaknü atsübe, tüshe amütsü rhimorü khülangnü kukruk ahihdo thsümünimchoh.

DANIEL 9:7

Atungpuh , nü thiyuro-lungki ah, tüshe khihni khiungde Juda mihtsürü tüsho Jirusalem mihtsürü tüsho Israel alala, aphüni tüsho limshu, nünü isa hiumüzütkhi lomi alala ching isanü nü ki müthülünkhi hode isa miro müdünkhitde lah.

LEVI 10:6

Tüsho Mosanü Aron le atsührüne Eleazar tüsho Ithamar ki tha, “ Nüsa mulong rozhaklah de akheahkhitshihpü thsüde nüsa ku düdukiu, tüsho khimmih dürukrüp, jude thsüsho nüsa ashebah tüsho Atungpuh bukakhiukkhi boto alala kheak yükihbah. Tüshe nü keoniorü tüsho Israelrü yamkhün alalanü, Atungpuhnü monü ataksahshihkhi dünkheak mulong rozhakpü kuklah.

JONA 1:7

Sangkung berübonü khülangnü khülang ki thaachih, “Arang, isanü azan thsanü, junangde she dünkheaknü ha thsümütsü isa kheak arüa lanü isanü amükheahbah.” Jumonü arünü azan thsü, tüsho azan ju Jona kheak akhiuk.

JIHUSUA 22:16

tüsho Atungpuh borü alala mung chingnü arü ki tha, “Nüsanü Atungpuh azhihde kingaün sadam thsübah khihni api yankhi chingnü tuklode Atungpuh Israel Thrünpuh azhihkhi rhimo amütsü ha tümüa?

JIHUSUA 22:18

Kheakü nüsanü api yanpü thsungloba de? khihni nüsanü Atungpuh azhihsho, apinü shido Israel boto alala kheak bukakhiukbah.

JIHUSUA 22:20

Zera tsührü Akhan nü muthrua bahkhi kukruk lukhi dünkheaknü Israel trük alala thsümüchi ngükhi yung de? Anihbuh neak dünkheaknü api lang ashekhi yung.”