JIHUSUA 6:4 - AMÜSÜH HÜM CL Bible (BSI)

⁴ Amükeamrü thünenü namfimihnupung juhnü athsükhi hulipungpung shuhbah tangzüng sangdan müngüh yüshang. Nimung athüne nipü amükeamrübonü hulipungpung mütde, nüsanü kiuto thüne ki mükamde tsahang.

JIHUSUA 6:4 Iomraidhean Croise

THRÜNTAN 2:3

Jumonü Thrünpuhnü nimung thünepü ju müngühjih tüsho tsangkhit, tümütüsho Thrünpuhnü thründe arükhi rhimo alala chingnü ha nimung apinü sühakhim.

1 KIULONG THSÜRÜ 18:43

Apinü api yamlarü ki tha, “ Kheakü wutuang, keto limpeang kheahang.” Apinü wutubah kheah tüsho tha, “Ju ching tümü müla.” Judüki apinü tha, “Thüne ki yüloang.”

2 KIULONG THSÜRÜ 5:10

Elishanü api kilim yunithsürü yüshihde tha, “Yüang, Jordan ching thüne ki müsühang, tüsho nü shihtsü thsüngubah tüsho müsühde akambah.”

2 KIULONG THSÜRÜ 5:14

Jumonü apinü yüki tüsho Thrünpuh mihtsürü yu yande Jordan ching thüne ki yüzah; azürü nunu shihtsü nangde api shihtsü thsüngu tüsho api müsühde kam.

2 KIUTHSÜYUKHEAN 13:12

Kheahang, Thrünpuh isa lung isa ku ki lah, tüsho api yo amükeamrübonü nüsa bede keochihpü jide arü hulipungpungbo khungpü lah. O Israelrübo, nüsa jipürü Thrünpuh, Atungpuh bede dükeochih; tümüde nüsanü mukuk.”

2 KIUTHSÜYUKHEAN 20:17

Ha keochihpü ju nüsanü akeochihbe yung; nüsa zhippung thsakhamang, zhikde zhipang, tüsho nüsa thsung thsüde Atungpuhnü akukkhi kheahang, O Juda tüsho Jirusalem.’ Dütre yungsho mulong dünini; shido arü azhihde wukhiukang, tüsho A TUN GPU H nüsa lung labah.”

2 KIUTHSÜYUKHEAN 20:19

Tüsho Levirü, Kohathrü le Korarünü düsheak khide achangnü Atungpuh , Israel Thrünpuh shipü zhip.

2 KIUTHSÜYUKHEAN 20:21

Küyimki apinü mihtsürübo kheak lümkhi jihkhea, Atungpuh ki khün thsüpü tüsho amüsühdakkhi ching api shipü mokhit, arübonü bonungrü müngüh tha, “Atungpuh kilim makshe jihang, tümüde api muzhodakkhi lünnü lah.”

JOB HU H T ANYU 42:8

Kheakü jumonü moshi 7 tüsho namfimihnupung 7 luang, tüsho I yamlarü Job kilim yüang, tüsho nüsa thsungkheak taka kingaünkhi jihang; tüsho I yamlarü Jobnü nüsa thsungkheak tamkhüntamnüjihbah, tümüde nüsanü amülim rhimokhi yande mürhimopü thsüde inü api tamkhüntamnü leangkhibah; tümütüsho I yamlarü Jobnü arhimokhi nangde nüsanü I dünkheak alungki masuk.”

ISAIA 27:13

Tüsho ju nimung Asiria tüsho Ijip ching larü Israelrü ramtsorü alala jilopü hulipungpung mütbah. Arünü arübah tüsho Jirusalem ching amüsüh wung kheak Atungpuh kingaünbah.

LEVI 14:16

ju ching tsülim yingkhing athsoyuka pangbahle müdangke khürü Atungpuh miki thüne ki rhakbah.

LEVI 4:6

tüsho amükeambuhnü thiyih ching ju ayingkhing thsambah amüsüh khim zhinkhi miki thüne ki rhakbah.

ZEKARIA 4:2

Apinü I ki tha, “ Nünü tümü ngücho?” Tüsho inü alo, “ Inü sunanü athsükhi khülang, aku kheak phurusük kihbah ngüchoh; ju kheak tsünpung thüne lah, tsünpung aban aku kheak hühpung kihlah.

ZEKARIA 4:6

Apinü I ki tha, “Ha Zerubbabel ki Atungpuh yu lah: ‘ Sühmühnü yung yungsho wunü yung, tüshe me hode lah,’ Wuto Atungpuhnü thachoh.

WÜHKHE 23:1

Tüsho Balaamnü Balak ki tha, “ I thsungkheaknü ha ching kingaün sadam thüne thsang, tüsho I thsungkheaknü ha ching moshipung thüne tüsho mihnupung thüne thsakhamang.”

JIHUSUA 6:13

Tüsho amükeamrü thünenü hulipungpung mutukzhakde mütde Atungpuh sangdan müngüh yü; tüsho thsühnuk shuhrü müngüh yü tüsho ashurü aheangrü Atungpuh sangdan dunglim yande kiuto mükamde tsah.

JIHUSUA 6:3

Nü tüsho nü yo thirithsürübonü nimung ching khülang kiki nimung thuruk kiuto mükamde tsahang.

JIHUSUA 6:5

Jushu arünü achangnü khülang ki mütbah, ju soakede, mihtsürü alalanü achangnü ahoang, tüsho kiuto ju alungbah. Ju yande bonungrü lüpdükhi kiuto ching buh mikhuhnü yüzahbah.”

AMIKHEAKAKHIUKKHI 1:20

I khah tsülim nünü angükhi chining thüne tüsho suna tsünpung dubopung thüne lümsük: chining thüne ju borü thüne yo yunirübo tüsho tsünpung dubopung thüne ju borü thüne ah.

AMIKHEAKAKHIUKKHI 1:4

Johan kilimnü, Asia ching lakhi borü thüne kilim: Shepü la tüsho shepü lakhea tüsho shepü arüpü la, tüsho api kiulongthsü-binkiu miki lakhi me thüne kilimnü nüsa kilim amüthsüm tüsho mungtsü laang,

AMIKHEAKAKHIUKKHI 10:3

tüsho kekhüzü arungkhi nangde düsheak achangnü zhi. Küyimki apinü ajikhea, tsüngmuk thüne arung.

AMIKHEAKAKHIUKKHI 15:1

Judüki thüning ching amütsan ato tüsho khinthiyinbe inü ngü: arüm thüne lung yunirü thüne lakheah, jurü akheambo, tümütüsho Thrünpuh bukakhiukkhi arün thsüpü arü kheak lakheah.

AMIKHEAKAKHIUKKHI 15:7

Tüsho arhang shiwüh phüyi bolung khülang yunirü thüne kilim lünnü lün labuh, Thrünpuh bukakhiukkhinü mide suna phurusükbo thüne jih;

AMIKHEAKAKHIUKKHI 16:1

Judüki arüngyam chingnü yunirü thüne ki düsheak achangnü athakhi inü so, “Yüang tüsho Thrünpuh bukakhiukkhi phurusük thüne ju alomi kheak bahang.”

AMIKHEAKAKHIUKKHI 5:1

Tüsho kiulongthsü-binkiu kheak binbuh khah tsülim ching, thripkhüh thripkhüh thrütkhi küpqiu, mütsanyüm thünenü yümbah inü ngü;

AMIKHEAKAKHIUKKHI 5:6

Tüsho kiulongthsü-binkiu le arhang shiwüh phüyi dükeak tüsho azothsürü bolung, Namfimihnunu khülang alaksahkhi nangde, tüsho Thrünpuh mebo thüne alomi alala ching thiyikhi, ajuh thüne tüsho amükji thüne kihbah zhipde inü ngü;

AMIKHEAKAKHIUKKHI 8:2

Judüki yunirü thüne Thrünpuh miki zhipde inü ngü, tüsho arü kilim hulipungpung thüne jih.

AMIKHEAKAKHIUKKHI 8:6

Kheakü hulipungpung thüne zhimbah alakhi yunirü thünenü amütsü thsakhama lakheah.