JIHUSUA 6:24 - AMÜSÜH HÜM CL Bible (BSI)

²⁴ Arünü kiuto tüsho ju ching lakhi lüpdükhi takabah; arünü shotoyinchi, suna, müwayinchi kukruk tüsho yinchibo lang Atungpuh rahpung-yam ching zo.

JIHUSUA 6:24 Iomraidhean Croise

2 SAMUEL 10:5

Küyimki David ki thakhea, apinü arü shorupü yüshih, tümüde mihtsürübo khide achih ngü. Kiulongthsüpuhnü tha, “Nüsa mükhühnam müchinyichokia Jirikho ching laang, tüsho jushu lang alodarang.”

2 KIULONG THSÜRÜ 25:9

Apinü Atungpuh yam, kiulongthsüpuh yam, tüsho Jirusalem yambo alala takabah; thüyam atotobo apinü takabah.

1 KIUTHSÜYUKHEAN 18:11

kiulongthsüpuh Davidnü Edom, Moab, Amonrü, Filistiarü tüsho Amalek trükshihbo kheaknü lude arükhi shotoyinchi tüsho suna she Atungpuh kilim müsühkhit.

WÜHKHE 31:10

Arünü arü lapung kiutobo, tüsho chipibo she monü takabahjih.

YUZÜNGTHALO 13:16

Tüsho nüsanü ayankhikhi kukrukbo limro phulung shuhmukhunga zoang, tüsho kiuto le ayankhikhi kukrukbo Atungpuh nüsa Thrünpuh thsungkheak monü takang; ju lünnü mujunga labah tüsho küyimkishe müthsülo.

YUZÜNGTHALO 13:17

Jumonü nüsa shepünü she muthrumüneankhi kukruk nüsa khah ching aninga düzo, junangde Atungpuhnü api bukakhiukkhi chingnü atuklobah tüsho nüsa ki mihmüthsüm huhbah, nüsa kheak muzhobah tüsho apinü nüsa jipürü ki thiyuchihchimkhi nangde nüsa wüh bubah,

YUZÜNGTHALO 20:16

“Tüshe Atungpuh nüsa Thrünpuhnü nüsa kilim yamrüplurüp jihkhi kiuto mihtsürübo, alala laksahang.

JIHUSUA 11:11

Arünü ju ching rhangdung lakhi khülang she maningshihde nukshangnü laksah, tüsho kiuto she monü takabah.

JIHUSUA 6:19

Shotoyinchi, suna, müwayinchi kukruk tüsho yinchi Atungpuh kilim atsangkhitkhi lah; jurübo Atungpuh rahpung-yam ching zobah.”

JIHUSUA 6:25

Tüshe Jihusuanü müzammürambe Rahab tüsho anihbe betsührübo khümkhit, tümüde anihbenü Jirikho lim yüshihkhi thirirhurü mahne jikshih. (Anihbe tsühsoniusobo khihni khiungde Israel ching lachoh.)

JIHUSUA 8:28

Jumonü Jihusuanü Ai ju takabahjih tüsho kamruhroro thsungkheaknü thsümünima mujungshih, ju khihni khiungde lah.

AMIKHEAKAKHIUKKHI 17:16

Tüsho nünü angükhi ajuh thürü ju, arü le shiwühnü müzammürambe thraneanbah; arünü anihbe khukshikbah, tüsho bünkeang kamshihbah, anihbe shih tsühbah tüsho monü takabahbah,

AMIKHEAKAKHIUKKHI 18:8

Jumonü anihbe arümbo, tukthsübo, tüzhopü tüsho khümzung nimungkhühnü arübah, tüsho anihbe monü aniuabahbah; tümüde anihbe mahkhapbuh ju Atungpuh Thrünpuh wuto ah.”