JIHUSUA 6:22 - AMÜSÜH HÜM CL Bible (BSI)

²² Jihusuanü thirirhurü mahne ki tha, “Nükenü alibe ki thiyuchihchimkhi nangde müzammürambe yam ching yüang tüsho anihbe lung betsührü alala bekhitang.”

JIHUSUA 6:22 Iomraidhean Croise

2 SAMUEL 21:2

Jumonü kiulongthsüpuhnü Gibeonrü jibah arü ki asuk. (Kheakü Gibeonrü ju Israel mihtsürü yungde Amorrü aningkhi lakheah; Israel mihtsürübonü arü rhangdung lashihpü thiyuchihchima lalashe, Israel tüsho Juda mihtsürübo thsungkheak Saulnü anihbuh künkhi ching arü dükheakshihpü mürang.)

2 SAMUEL 21:7

Tüshe kiulongthsüpuhnü Saul kheak yo Jonathan tsührü Mephiboshet aninga lashih, tümütüsho ju David le Saul tsührü Jonathan ane dükeak Atungpuh thiyuchihchimkhinü ah.

MUNGSHIKHÜN 15:4

shepü mük ki amütsü mihtsürü mükhemükimcho, tüsho apinü Atungpuh trerü wüntrecho; shepünü nihbuh yuride thiyuchihchimcho tüsho mümüthricho;

EZEKIEL 17:13

Judüki apinü kiulongthsü yamkhün chingnü khülang lu tüsho api ki thiyuchihchim lude tangzüng khülang thsü. Apinü lomi adungto mihtsürübo she aramrü kamde bebah yü,

EZEKIEL 17:16

Tsükjide I lale, Wuto Atungpuhnü thachoh, kiulongthsüpuh lomi küpü ching api kiulongthsü-binkiu kheak zojih, shepü thiyuchihchim apinü mükhemükimkhea tüsho api tangzüng thsümünimjihkhea, api Babilon ching shebah.

IBRI 11:31

Akin hode müzammürambe Rahab mihyumanirü lung müdükheakshih, tümütüsho alibenü zütakheahrübo asühde beyuk.

JIHUSUA 6:17

Kiuto tüsho ju ching lakhi kukruk lüpdükhi Atungpuh ki kingaün jihpü thsüde shahde thsümünima bahang. Müzammürambe Rahab tüsho ayamkhün lang aningshihbah, tümüde anihbenü isa yo thirirhurü jikshih.

JIHUSUA 6:23

Jumonü anenü Rahab yam ching yü tüsho anihbe lung abuh, abe, akhiungmungrü tüsho betsührü aningkhi alala bekhit. Anenü arübo khümkhitpü thsüde Israel binkheampung phünide bede yünü binshih.

JIHUSUA 9:15

Jihusuanü Gibeonrü kheak mungtsü thsüde alashihpü mülü. Tüshe Israelrü botonü arü kheak thiyuchihchimde alokhi.

MAHKHAPRÜ 1:25

Jumonü apinü kiuto ching yüzahpü limro arü ki huh; tüsho arünü nukshangnü kiuto ching larübo laksah, tüshe ju buh mihtsürü tüsho api betsührübo a tsoshih.