JIHUSUA 6:2 - AMÜSÜH HÜM CL Bible (BSI)

² Atungpuhnü Jihusua ki tha, “ Kheahang kiulongthsüpuh tüsho athrungrü bonungrübo bebah, Jirikho nü khah ching jihdo.

JIHUSUA 6:2 Iomraidhean Croise

2 SAMUEL 5:19

Davidnü Atungpuh ki keokhi, “I Filistiarü azhihde wutuba shi? Nünü arübo I khah ching jihba shi?” Atungpuhnü David ki tha, “Wutuang; tümütüsho tsükjide Filistiarü nü khah ching jihbah.”

NEHEMIA 9:24

Jumonü mihtsürübonü yübah Kanan lo müküh-a lu; nünü arü miki ju lo ching larü Kananrü, kiulongthsürü tüsho mihtsürübo junoshih, junangde arünü akünkhi arü kheak rhimo.

DANIEL 2:21

Apinü kimbo tüsho akheahmünchibo müthrichoh, kiulongthsürübo ayoshihchoh tüsho kiulongthsürübo shuhkihchoh; apinü lümlung larü kilim lümlung tüsho anikhitrü kilim mükheahmudu jihchoh.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

DANIEL 4:17

Ha aheangrü, yunirü khülang yuzüng lah, junangde Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü ki jihchoh, tüsho akheamkhibe mihtsürü kurungkheak she zojihchoh de mihtsürü lüpdükhinü amükheahbah.’

DANIEL 4:35

Apinü alomi ching larü alala tümü kheyuka müla, tüsho yinmi putungrü tüsho alomi ching larü ki apinü tümü lümlanü rhimochoh. Api khah leanglorü yungsho api ki, “ Nü tümü rhimocho?” de atharü she müla.

DANIEL 5:18

O kiulongthsüpuh, Khide Achang Thrünpuhnü nü buh Nebukednezar kilim kiulongthsü, ato, müretah, tüsho mungthu jih.

YUZÜNGTHALO 7:24

Tüsho apinü arü kiulongthsürübo nüsa khah ching jihbah, tüsho nüsanü arü mung thüning bukkhüpnü dükheakshihbah; nüsanü arü müdükheakkhamshihyi khiungde she mihtsürünü nüsa azhihde müzhipkhuk.

JIHUSUA 12:9

Israelrünü harü kiuto kiulongthsürübo kukkheah: Jirikho, Ai (Bethel phüni),

JIHUSUA 2:24

Anenü tha, “Atungpuhnü lomi athrünkhi isa jihdo de tsükjide thakhuklah, tümüde ju lomi ching larübo alalanü isa khide trechoh.”

JIHUSUA 2:9

tüsho ane ki tha, “Atungpuhnü ha lo nüsa kilim jihdo de inü mükheahlah tüsho nüsa trekhi isa kheak akihdo, tüsho lomi athrünkhi chingnü nüsa trechoh.

JIHUSUA 20:1

Atungpuhnü Jihusua ki tha,

JIHUSUA 6:1

Kheakü Israelrü tremonü Jirikho kiuto ju tsüde rih. Shenü she ayüzahpü yungsho awukhiukpü mukukdebah.

JIHUSUA 6:3

Nü tüsho nü yo thirithsürübonü nimung ching khülang kiki nimung thuruk kiuto mükamde tsahang.

JIHUSUA 8:1

Atungpuhnü Jihusua ki tha, “Nü yo bonungrü alala bebahle Ai lim wutuang. Dütre tüsho mulong dünini. Kheahang, inü Ai kiulongthsüpuh, api mihtsürü, kiuto tüsho alo nü kilim jihdo.

MAHKHAPRÜ 11:21

Tüsho Atungpuh Israel Thrünpuhnü Sihon tüsho api mihtsürü alala Israel khah ching jih, tüsho arünü kuk. Junangde Israelnü arü lakhi lomi Amorrü lo alala lukheah.

MAHKHAPRÜ 11:24

Nü thrünpuh Kemoshnü nü müküh-a lupü jihkhi nünü muluba de? Jumonü Atungpuh isa Thrünpuhnü tümüpürü isa müngüh müküh-a luchonü isanü alubah.