JIHUSUA 6:19 - AMÜSÜH HÜM CL Bible (BSI)

¹⁹ Shotoyinchi, suna, müwayinchi kukruk tüsho yinchi Atungpuh kilim atsangkhitkhi lah; jurübo Atungpuh rahpung-yam ching zobah.”

JIHUSUA 6:19 Iomraidhean Croise

2 SAMUEL 8:11

kiulongthsüpuh Davidnü trükshihbo kheaknü alukhi shotoyinchi tüsho suna alala lungnü harü she bebah apinü Atungpuh kilim müsühkhit,

1 KIULONG THSÜRÜ 14:26

apinü Atungpuh yam ching rahpungbo tüsho kiulongthsüpuh yam ching rahpungbo lubah tso; apinü lüpdükhi lu. Solomonnü athsükhi suna tsungbo she alala apinü lubah tso;

1 KIULONG THSÜRÜ 7:51

Hanangde kiulongthsüpuh Solomonnü Atungpuh yam kheak thsükhi rhimo alala ban. Abuh Davidnü mümükheahkhi kukrukbo shotoyinchi, suna, pangjiphühbo lubah yüzah tüsho jurübo Atungpuh yam rahpung zopung ching zo.

2 KIULONG THSÜRÜ 24:13

Apinü Atungpuh yam rahpung, tüsho kiulongthsüpuh yam rahpungbo alala hanbah tso; ha alala Atungpuhnü müchitkhi nangde, apinü Israel kiulongthsüpuh Solomonnü athsükhi suna kukrukbo alala Atungpuh arüngyam ching lakhi adütre kamde kingthünak.

1 KIUTHSÜYUKHEAN 18:11

kiulongthsüpuh Davidnü Edom, Moab, Amonrü, Filistiarü tüsho Amalek trükshihbo kheaknü lude arükhi shotoyinchi tüsho suna she Atungpuh kilim müsühkhit.

1 KIUTHSÜYUKHEAN 26:20

Tüsho Levirü bolung, Ahija a Thrünpuh rahpung-yam tüsho amüsühkhitkhi thsambahbo rahpung neakrü lakheah.

1 KIUTHSÜYUKHEAN 26:26

Ha buh Shelomith tüsho akeoniorübo ju kiulongthsüpuh David guk ching akubo, chithürübo tüsho chibo torübo, tüsho bonungrü wühkenorübo amüsühkhit thsambahbo rahpung alala aheangrü lakheah.

1 KIUTHSÜYUKHEAN 26:27

Arünü thirithsükhi ching yankhikhi kukruk lubah Atungpuh yam ching yihnüpü thsungkheak müsühkhit.

1 KIUTHSÜYUKHEAN 26:28

Kheaküshe angürü Samuel, Kish tsührü Saul, Ner tsührü Abner, tüsho Zeruia tsührü Joab arünü müsühkhitkhi thsambahbo alala Shelomith tüsho api keoniorünü kümde alakheah.

1 KIUTHSÜYUKHEAN 28:12

tüsho api lüm ching lakhi lümkhi alala: Atungpuh yam ching khikzhakpungbo thsungkheak, khiungshakbo mühi alala, Thrünpuh yam rahpungbo, tüsho amüsühkhitkhi thsambahbo thsungkheak rahpungbo;

2 KIUTHSÜYUKHEAN 15:18

Apinü abuh tüsho anihbuhnü müsühkhitkhi kukrukbo Thrünpuh yam ching hande yüzah–shotoyinchi, suna tüsho pungphurubo.

2 KIUTHSÜYUKHEAN 31:12

Arünü thiyuronü arung jihkhibo, thürü shihchambo tüsho müsühkhitkhi kukrukbo lude yüzah. Jurü kheahpü atobuh ju Levirü Konania, mahnepü aniurü Shimei;

NEHEMIA 10:38

Küyimki Levirübonü thürü shihcham leangkhibanü Aron tsührü amükeamrübo she arü lung bebah; tüsho Levirübonü thürü shihcham chingnü thürü shihcham zowupung Thrünpuh yam khiungshak achanglim hande yükih azobah.

JEREMIA 38:11

Jumonü Ebedmeleknü api lung mihtsürübo bea lu tüsho kiulongthsüpuh yam kukruk zopung ching yü, tüsho ju chingnü khimmürhütbo lubah shungliu kheaknü Jeremia kilim kekung ching yüzahshih.

LEVI 19:24

Kam phüyipü ching sangaso alala Atungpuh kilim mungshide kingaün jihkhi amüsüh kambah.

MIKA 4:13

Asürang tüsho nitang, O Zion mihtsürü, tümüde inü nü juh yinchi tüsho nü biuo müwayinchi kamshihbah; nünü mihtsürü ahihdo adütre kamde akingbah, tüsho arü yo ahühkhi lakhit Atungpuh kilim kingaün jihbah, arü lakhit alomi lüpdükhi Tungpuh kilim jihbah.

WÜHKHE 31:11

Tüsho arünü ayankhikhi tüsho athsümünimkhi mihtsürü tüsho shiwühbo lu.

WÜHKHE 31:12

Tüsho arünü aramrü le kukruk lukhibo tüsho athsümünimkhibo Mosa tüsho amükeambuh Eleazar kilim lubah arü, tüsho Jirikho hobah Jordan ki Moab dükhün binkheampung ching larü Israel mihtsürü boto kilim lubah arü.

WÜHKHE 31:22

Suna, shotoyinchi, müwayinchi, yinchi, müyeyinchi, tüsho mülang yinchi,

MATHI 27:6

Tüshe amükeam putungrübonü shotoyinchibo ju lu tüsho tha, “Harü ju rahpung-yam ching yukpü yakzan müla, tümütüsho jurübo thiyih dün ah.”

MARK 12:41

Kheakü Jisunü rahpung-yam mikhuh ki bin tüsho mihtsürübonü künangde yukchonü ngü. Tüsho alarü ahihkhühnü hihde yuk.

JIHUSUA 7:11

Israelnü neak yihbeakdo! Inü arü ki thiyuchihchimkhi arünü thsümünimdo; arünü muthrumüneankhi kukruk khürü lua lah, tüshe ju ahüh-a, müyimde nihbuh kukruk ching yukdo.