JIHUSUA 6:18 - AMÜSÜH HÜM CL Bible (BSI)

¹⁸ Tüshe thsümünima bahpü lakhi kukrukbo nüsanü dulu; jude thsüsho, nünü Israel binkheampung ching küpkhuk tüsho athsümünim handarübah.

JIHUSUA 6:18 Iomraidhean Croise

2 SAMUEL 21:1

Kheakü David nimungbo ching kam atukde kam mahsam khümzung lakheah; tüsho Davidnü Atungpuh ki keoakheah. Atungpuhnü tha, “Saul tüsho api yamkhün kheak thiyih bukkhi amülim lah, tümütüsho Gibeonrü sheshih.”

T H S AN GYU T H S AN GR ARÜ 9:18

Lümlung ju thirithsü thsühnuk kheaknü atsübe, tüshe amütsü rhimorü khülangnü kukruk ahihdo thsümünimchoh.

JONA 1:12

Apinü arü ki tha, “ I shuhkihang tüsho keto ching jipyukang; jushunü nüsa thsungkheak keto keamlobah; tümüde I dünkheaknü ha chinthrüm ato nüsa kheak arüdo de inü mükheahlah.”

ROMRÜ KILIM PAULNÜ ATHRÜTKHI KIHÜM HUHTANYU 12:9

Amuzho ju thiyuro lashang; tümü amütsüanü thraneanang, tümü atsüanü düngde ramrihang;

2 KORINT 6:17

Jumonü arü kheaknü akhiukang, tüsho arü kheaknü chamkhiang, Atungpuhnü thachoh, tüsho amümüsüh tümü düqiu; tüsho inü nüsa leangkhibah,

EFISIA 5:11

Amiting rhimobo ching shihcham dülu, tüshe jurü yinde kamshang.

YUZÜNGTHALO 13:17

Jumonü nüsa shepünü she muthrumüneankhi kukruk nüsa khah ching aninga düzo, junangde Atungpuhnü api bukakhiukkhi chingnü atuklobah tüsho nüsa ki mihmüthsüm huhbah, nüsa kheak muzhobah tüsho apinü nüsa jipürü ki thiyuchihchimkhi nangde nüsa wüh bubah,

YUZÜNGTHALO 23:10

Nüsa bolung athrürü khürü milim chingnü japjapde kambah müneansho api binkheampung aleanglim wukhiukshang; api binkheampung alunglim mazah.

YUZÜNGTHALO 7:26

Tüsho nüsanü athraneanbe kukruk nüsa yam ching hande arübahle ju ruk muthrumünean dükamshih; nüsanü hoju khülang kinü thraneanang tüsho bahyukang, tümüde ha muthrumünean kukruk lah.

JAKOB 1:27

Thrünpuh tüsho Abuh miki atsangkhitkhi tüsho mümüneankhi kingaün ju ha: arü thsümütsü ching mürerü tüsho khimoberübo rhua kheahpü, tüsho alominü athsümünimkhi chingnü nihbuh mükihkhipü lah.

JIHUSUA 7:1

Jirikho chingnü tümükhüh lang she lusho asheshihbah de Atungpuhnü thiyukhüm jihkhi ju Israelrü bolung Akhannü mani, jumonü Atungpuhnü Israelrü kheak bukakhiuk. (Akhan ju Judarü Zabdi tsührü Karmi tsührü tüsho Zera guk chingnü alakheah.)

JIHUSUA 7:13

Asürang! Mihtsürübo tsangkhitang tüsho I kilim bedarüpü thsakhamang. Arü ki shido arüpü thaang, tümütüsho I, Atungpuh Israel Thrünpuhnü athapü ha lah: O Israel, thsümünima bahpü inü thiyukhüm jihkhi kukruk khürü nüsa bolung lah, jurübo kukruk nüsanü yihkhita mübahyikia nüsanü nüsa riri müngüh müzhipkhuk.

JIHUSUA 7:15

Muthrumüneankhi kukruk lubuh ju yimkhitsho, api lung ayamkhün tüsho kukruk alala monü atakbah, tümüde apinü Israel kurungkheak achih handarüdo tüsho Atungpuh kheak tangzüngkhi thsümünimdo.”

JIHUSUA 7:25

Tüsho Jihusuanü tha, “Nünü tümü thsükhi isa kheak küpkhuk hande arükhea? Atungpuhnü khihni nü kheak küpkhuk hande arüchoh!” Mihtsürü alalanü Akhan ju lungnü rusah; arünü ayamkhün tüsho lakhitbo she ruthünak tüsho monü takabahjih.

1 JOHAN 5:21

I tsührübo, sangthsübo kheaknü nüsa tsokhide laang.

1 SAMUEL 15:9

Saul tüsho mihtsürübonü Agag aningshih, tüsho namfimihnu le moshibo, tüsho moshi nunu le namfimihnunu atsüdakbo mülaksah, tüsho tümükhüh atsübo müthsümünim; yihnüpü mülakhi yungsho athülih-kukrukbo arünü shahde thsümünim.