JIHUSUA 5:9 - AMÜSÜH HÜM CL Bible (BSI)

⁹ Atungpuhnü Jihusua ki tha, “ Khihni Ijiprü azhorü kuhi nüsa kheaknü tsoshihchoh.” Jumonü ju dangpung ki Gilgal de ji, ju mung khihni khiungde lah.

JIHUSUA 5:9 Iomraidhean Croise

THRÜNTAN 34:14

Tüsho arünü arü ki tha, “Isanü isa niurü tsütamübahrü kilim müjihkhuk, tümüde ju isa kilim mungchih labah.

2 SAMUEL 19:15

Jumonü kiulongthsüpuhnü Jordan ching alodarü; tüsho Judarünü kiulongthsüpuh shorupü tüsho api Jordan behopü Gilgal ching arü.

NEHEMIA 12:29

tüsho Beth-gilgal, Geba, Azmaveth chingnü she khün thsürü arübah kiulong thsü.

MUNGSHIKHÜN 119:39

Inü trede alakhi mükhemükim lude tsoang, tümüde nü yakzanbo tsülah.

JEREMIA 9:25

Atungpuhnü thachoh, küp lang tsütabahrü alala inü athsümüchipü nimung tsükjide arado:

EZEKIEL 23:3

ane athunu kim Ijip ching lachoki arü atsangkhitkhi dükheakabah tüsho müzammüramrü kam.

EZEKIEL 23:8

Alibenü Ijip ching müzammüram rhimokhi mutuklo; tümüde anünüchoki athrününgtsüng mihtsürübonü anihbe lung yap tüsho anihbe atsangkhit treangbo neamjih tüsho arü künkhi anihbe kheak dungkihjih.

HOSEA 4:15

Nünü yüliyüra ahoriri she, O Israel, Juda amülim dükamshih. Gilgal ching düyüzah, yungsho Beth-aven ching duwutu, tüsho “Atungpuh lale,” de thiyuchihchim düthsü.

LEVI 24:14

Athruajibuh ju binkheampung chingnü bekhitang, tüsho apinü athruajikhi sorü abannü amülim ah dükhi amütsan arü khah aku kheak nimbah, tüsho boto alalanü api lungnü rusahang.

AMOS 5:5

tüshe Bethel düyim, tüsho Gilgal ching düyüzah yungsho Beersheba hode düyü; tümüde tsükjide Gilgal ramtso ching yübah, tüsho Bethel tümü mülade akambah.

MIKA 6:5

O I mihtsürü, Moab kiulongthsüpuh Balaknü tümü rük thsükheanü kheakü lümkhitang, Beor tsührü Balaamnü api ki tümü alokhea, tüsho Shittim chingnü Gilgal khiungde tümü dünjikhea, junangde nüsanü Atungpuh akhümkhit rhimobo mükheahbah.”

ZEPHANIA 2:8

Moabrü tüsho Amonrünü I mihtsürü mükthsüde arü lomi azhihde kükheangkhi inü sodo.

JIHUSUA 24:14

“Jumonü Atungpuh wüntreang, tüsho rhüngrhüngde tüsho thiyuronü api tankihang; nüsa jipürünü ke thripkhüh tüsho Ijip ching kingaünkhi thrünpuhbo bahkhiang tüsho Atungpuh tankihang.

JIHUSUA 4:19

Mihtsürübo akhuhbe khinu thürü nipü Jordan chingnü akhiuk tüsho Jirikho aniakhiuklim, Gilgal ching binkheampü khimyam thsü.

JIHUSUA 5:8

Tsütabahkhamshu, mü munguyi khiungde lomi mihtsürü athrünkhi khimyam ching la.

1 SAMUEL 14:6

Jonathannü api thsühnuk hanbuh athrününgtsüngbuh ki tha, “ Arang, ike harü tsütamübahkhi thiriri boto kilim wutuanü; khükia Atungpuhnü ike thsung thsüde arhimobah; tümüde hihang yungsho nükang Atungpuhnü akhümkhitpü ching tümünü she müzhipdokhuk.”

1 SAMUEL 17:26

Davidnü api ki zhiprü mihtsürübo ki tha, “ Mihtsürü khürünü ha Filistiabuh laksahkhi hode Israel chingnü mulong masühkhi hanbah tsosho api tümü ngüba? Tümüde ha tsütamübahkhi Filistiabuhnü arhang Thrünpuh bonungrü azhihpü api she a?”

1 SAMUEL 17:36

Nü yamlarünü kekhüzü tüsho kuto ane chido laksahdo; tüsho ha tsütamübahkhi Filistiabuh she arü ruk labah, tümütüsho apinü arhang Thrünpuh ki wüntre müjih.”

1 SAMUEL 7:16

Apinü kam atukde Bethel, Gilgal, tüsho Mizpa ching mühide yü; tüsho apinü harü dangpung alala ching Israel mahkhap.