JIHUSUA 5:13 - AMÜSÜH HÜM CL Bible (BSI)

¹³ Küyimki Jihusua Jirikho thüninde alakhea, apinü mihtsürü khülang nuk shuhbah, api müngüh zhipde ngü, Jihusuanü api miki yübah keokhi, “Nü isa bonungrü khülang khüh a shi, dashi thiriri a le?”

JIHUSUA 5:13 Iomraidhean Croise

THRÜNTAN 18:1

Animuro api khimyam ripit ki binde alachoki, Mamre arüngako sangdungbo thüninde Atungpuh ju Abraham ki akhiuk.

THRÜNTAN 18:2

Abrahamnü abinkih-a kheah tüsho mihtsürü 3 aphüni zhipde ngü, küyimki apinü arü ngükheanü arü shorupü apinü khimyam ripit kinü niokheamde yü tüsho alo kheak khukning,

THRÜNTAN 28:16

Judüki Jakob ayapkhi chingnü asürü tüsho tha, “Tsükjide ha dangpung ching Atungpuh lah, tüsho inü mümükheah-a lah.”

THRÜNTAN 33:1

Jakobnü abinkih-a kheah tüsho Esau arüde alakhi ngü, tüsho api lung mihtsürü 400 lakheah. Jumonü apinü azürübo ju Lea, Rachel, tüsho yamlaberü mahne bolung chammüzütjih.

THRÜNTAN 33:5

Apinü abinkih-a kheahbah aliberübo le tsührübo ngü, tüsho tha, “Nü lung harü ha sherü a?” Apinü alo, “Thrünpuhnü nü yamlarü kilim muzhode ajihkhi tsührübo ah.”

1 KIUTHSÜYUKHEAN 12:22

Nimung abande mihtsürübonü David rungpü, Thrünpuh bonungrü nangde bonungrü ato mülayi khiungde arü.

1 KIUTHSÜYUKHEAN 21:27

Jushu Atungpuhnü yunirü ki thiyukhüm jih, tüsho apinü anihbuh nukshang nuktrüp ching yuklo.

1 KIUTHSÜYUKHEAN 21:30

tüshe Davidnü Atungpuh ki keokhipü ju miki müyükhuk, tümüde apinü Atungpuh yunirü nukshang trede alakheah.

ABEKHIT 23:23

Tümütüsho I yunirü nüsa müngüh yübah tüsho nüsa Amorrü, Hitrü, Perizrü, Kananrü, Hivrü tüsho Jebusrü lomi ching bede yüzahbah; tüsho inü arübo dükheakshihbah.

DANIEL 10:5

inü mürünga kheah, tüsho kheahang, mihtsürü khülang khimthünak phuyubah, achim ju suna atsüdaknü rüma lakheah.

DANIEL 8:3

Inü abinkih-a kheah tüsho namfimihnupung khülang ayung yean zhipkhi ngü. Ju ajuh mahne kihde alakheah. Ajuh ane chido ashang lakheah, tüshe khülang ju püpü kheaknü ashangbe lakheah, tüsho ashangbe ju ashude akhiuk.

ZEKARIA 1:8

Azhing ching inü mihtsürü khülang khora amürüm kheak binde ngüdo! Api ju jindükhün ching martel sangbo lung zhipde alakheah; tüsho api dunglim ju khorabo amürüm, mürümmuchu tüsho amüye zhipde alakheah.

WÜHKHE 22:23

Kheakü donkinü A TUN GPU H yunirü akhah ching nukshang shuhbah limro ching zhipde ngü, tüsho donkinü limro ching rholobahle thulu limpeang yü. Jumonü Balaamnü donki ju limro lim rholode arüshihpü rhap.

WÜHKHE 22:31

Judüki Atungpuhnü Balaam mük khimshuhjih, tüsho apinü Atungpuh yunirü akhah ching nukshang limro ching shuhbah zhipde ngü; tüsho apinü amiro koyubah khukninga yap.

YUNIRÜBO RHIMO 1:10

Tüsho arünü api thüning lim yükihkhi kheahmüripde alachoki, mihtsürü mahne amüye yihbah zhipde ngü,

JIHUSUA 6:2

Atungpuhnü Jihusua ki tha, “ Kheahang kiulongthsüpuh tüsho athrungrü bonungrübo bebah, Jirikho nü khah ching jihdo.

AMIKHEAKAKHIUKKHI 1:13

tüsho tsünpung dubopung bolung mihtsürü tsührü nangde, shulünkhim müphü khiungde yih tüsho suna pangrümbenü atreang mükamde rüma lakheah;

MAHKHAPRÜ 13:11

Jumonü Manoanü wusubah aniube yande yü. Küyimki api mihtsürü kilim arükhea, apinü anihbuh ki tha, “Nü ha liberü ki asukbuh mihtsürü a de?” Tüsho apinü tha, “I ah.”

MAHKHAPRÜ 13:22

Manoanü aniube ki tha, “Isa tsükjide ashebah, tümütüsho isanü Thrünpuh ngüdo!”