JIHUSUA 5:1 - AMÜSÜH HÜM CL Bible (BSI)

¹ Israelrü muhoyichoki khiungde Atungpuhnü Jordan ngahshihdo de Jordan aniyüzahlim Amor kiulongthsürü, tüsho Mediterranean keto yean Kanan kiulongthsürübo alalanü so. Israelrü dünkheaknü arübo trede mulong niuthünak tüsho arü me sühmüh mülade kam.

JIHUSUA 5:1 Iomraidhean Croise

THRÜNTAN 12:6

Abramnü Shekem ching More sangdung ato lapung khiungde lomi hode hantsah. Ju kim ching Kananrübo lomi ching lakheah.

THRÜNTAN 48:22

Tüsho Amorrü khah chingnü I nukshang tüsho I sanglühnü ayankhikhi awung düpheak khülang nü keoniorübo kheaknü büthsüde nü kilim jihchoh.”

2 SAMUEL 21:2

Jumonü kiulongthsüpuhnü Gibeonrü jibah arü ki asuk. (Kheakü Gibeonrü ju Israel mihtsürü yungde Amorrü aningkhi lakheah; Israel mihtsürübonü arü rhangdung lashihpü thiyuchihchima lalashe, Israel tüsho Juda mihtsürübo thsungkheak Saulnü anihbuh künkhi ching arü dükheakshihpü mürang.)

1 KIULONG THSÜRÜ 10:5

api dükhüm kheak tsühyungbe, api torü yambo, tüsho api yamlarübo arükhi, arü khimmih, api pung-jihrübo, tüsho apinü Atungpuh yam ching taka kingaünkhibo ngükhea, anihbe sheak mülade kam.

EZRA 9:1

Harü alala rhimokhamshu, Israelrü limberü khürünü arübahle I ki thakhi ju, amükeamrübo le Levirübonü hingrü Amon, Moab, tüsho Ijip yungsho Kananrü, Hitrü, Perizrü, Jebusrü, tüsho Amorrü athraneanbe rhimo chingnü müchamachihde lah de tha.

MUNGSHIKHÜN 135:11

Amorrü kiulongthsüpuh Sihon, Bashan kiulongthsüpuh Og, tüsho Kanan kiulongthsübo alala–

ABEKHIT 23:28

Tüsho inü nüsa müngüh Hivrü, Kananrü, tüsho Hitrü yankhitshihpü leyü yüshihbah.

ISAIA 41:5

Keyean lomibonü ngüdo tüsho trede lah, alomi akheambo ajanchoh; arü phünide arüdo.

EZEKIEL 16:3

tüsho thaang, Ha Wuto Atungpuhnü Jirusalem ki thachoh: Nü lamih tüsho nü zübekhi ju Kananrü lomi ching lakheah; nü buh ju Amorrü tüsho nü be ju Hitrü lakheah.

EZEKIEL 21:7

Tüsho küyimki arünü nü ki, “Tümüde nü ashecho le?” de keokhisho, nünü athabah, “Thiyusheak arükhi dünkheak. Mihbüm aban mulong niuthünakbah tüsho khah kikbah; me keahkhibah tüsho mukhuk niukbah. Ha arüchoh! Ha tsükjide adünjibah,” Wuto Atungpuhnü thachoh.

DANIEL 5:6

Judüki kiulongthsüpuh miro pheakmulukdo kam, tüsho api lümkhilümduhnü anihbuh trede kamshih. Api jingkhahbo shekhiabah, tüsho amukhukbo lakachih.

AMOS 2:9

Tütüshe inü arü müngühnü cedar sang nangde achang tüsho thülamsang nangde amüküp lakhi Amorrü dükheakshih; inü api kumung aso, tüsho alunglim ayingbo thsümünimjih.

WÜHKHE 13:29

Amalekrü düjing lomi ching lah, Hitrü, Jebus, tüsho Amorrübo awungbo ching lachoh; tüsho Kananrü Mediterranean keto yean le Jordan keto yean ching lah.”

JIHUSUA 17:12

Tütüshe Manaserünü jurü kiutobo ching larü yankhita mübahkhuk, jumonü Kananrü mutuklode ju lo ching la.

JIHUSUA 17:18

Tüshe awung lomi ju nüsa yo thsübah, tümüde ju murung thsüthsü she, nüsanü kimkhitang tüsho akheamnü akheam khiungde nüsa yo thsübah; tümüde Kananrübo lolungbe tüsho sühmüh larü mihtsürü thsüthsü she nüsanü yankhita bahbah.”

JIHUSUA 24:15

Kheakü nüsanü api mütankihnesho, nüsa lakhi lo ching nüsa jipürünü akingaünkhi kethripkhüh yungsho Amorrü thrünpuhbo tankihba shi shepü tankihbanü khihni mokhitang; tüshe I tüsho I yamkhün a Atungpuh tankihbah.”

JIHUSUA 3:16

tüsho achanglimnü bukde akikhi ju tuklo tüsho kingmukhungde Zarethan kiuto yean Adam kiuto khiungde kingmukhung, junangde Araba keto lim bukde ayükhi yung ju tukloabah tüsho mihtsürübo Jirikho phünide ju hokhukde yü.

JIHUSUA 3:17

Küyimki mihtsürübo akung lo kheak tsahhode ayükhea, mihtsürü alala muhokhamchoki amükeamrübonü Atungpuh tangzüng sangdan shuhbah Jordan phünide akung lo kheak zhipde aleang.

AMIKHEAKAKHIUKKHI 18:10

arünü anihbe thsünükhi trede limshu ching zhipbah athabah, “Are! Are! Nü Babilon ato kiuto! Kimkhü 1 chingnü nü mahkhappü arüdo.”

MAHKHAPRÜ 1:1

Jihusua she dunglim Israelrünü Atungpuh ki keo, “Isa thsung thsüde she akhuhde yübah Kananrübo azhihde thirithsüba?”

MAHKHAPRÜ 11:23

Jumonü kheakü Atungpuh Israel Thrünpuhnü api mihtsürü Israel müngühnü Amorrü yankhitabah; dale nünü ju luba shi?

MAHKHAPRÜ 3:3

Filistiarü yakzanshuhrü phüngü, Kananrü alala, Sidonrü tüsho Baal-hermon chingnü Lebo-hamath khiungde Lebanon Müzüng kheak larü Hivrübo.

MAHKHAPRÜ 4:2

Jumonü Atungpuhnü arübo Hazor ching yakzanshuhbuh Kanan kiulongthsüpuh Jabin khah ching jih. Tüsho api bonungrü abebuh ju Harosheth Hagoyim ching lakhi Sisera lakheah.

1 SAMUEL 25:37

Yapsu, küyimki Nabal müsükhea, aniubenü harübo api ki tha, tüsho api mulong sheabah; api lung khülang nangde kam.