JIHUSUA 4:19 - AMÜSÜH HÜM CL Bible (BSI)

¹⁹ Mihtsürübo akhuhbe khinu thürü nipü Jordan chingnü akhiuk tüsho Jirikho aniakhiuklim, Gilgal ching binkheampü khimyam thsü.

JIHUSUA 4:19 Iomraidhean Croise

2 KIULONG THSÜRÜ 2:1

Kheakü küyimki Atungpuhnü Elija ju chitmühean chingnü yinmi lim bede yükihpü lakhea, Elija tüsho Elisha büne Gilgal limnü ane limro ching lakheah.

AMOS 4:4

Bethel lim yüang tüsho neak yihbeakang; Gilgal lim yüang tüsho neak alü kamshang; yapsu aban nüsanü laksah-a kingaünkhibo lubah arang, nimung asampü aban ching thürü shihcham lubah arang;

AMOS 5:5

tüshe Bethel düyim, tüsho Gilgal ching düyüzah yungsho Beersheba hode düyü; tümüde tsükjide Gilgal ramtso ching yübah, tüsho Bethel tümü mülade akambah.

MIKA 6:5

O I mihtsürü, Moab kiulongthsüpuh Balaknü tümü rük thsükheanü kheakü lümkhitang, Beor tsührü Balaamnü api ki tümü alokhea, tüsho Shittim chingnü Gilgal khiungde tümü dünjikhea, junangde nüsanü Atungpuh akhümkhit rhimobo mükheahbah.”

YUZÜNGTHALO 1:3

Kheakü kam yirü, khinu thürükheak khülang, akhuhbe nimung ching Atungpuhnü arü thsungkheak thiyuzüngbo api kheak jihkhi nangde Mosanü Israel mihtsürübo ki tha.

YUZÜNGTHALO 11:30

Jurübo Jordan hobah, aniyüzahlim peang Araba ching lakhi Kananrü lo ching Gilgal phünide, More thülamsang yean lah yung de?

JIHUSUA 10:43

Jushu a Jihusua tüsho api lung Israelrü athrünkhi Gilgal binkheampung ching alodarü.

JIHUSUA 10:6

Tüsho Gibeonrünü Gilgal binkheampung ching Jihusua kilim thiyusheak yüshih, “Nü yamlarübo dübahyuk; isa kilim nahde atuang, isa khümkhitang, tüsho isa rungang; tümüde awung lomi ching larü Amorrü kiulongthsürü alala isa azhihde shomukhunga lah.”

JIHUSUA 15:7

tüsho Akor jindükhün chingnü Debir, tüsho Gilgal lim wutu, ju Adummin wutu lim jindükhün düjinglim ah. Tüsho aredung ju Enshemesh ke yeande yübah, Enrogel ching kheamlah;

JIHUSUA 24:11

Küyimki nüsa Jordan hobah Jirikho lim arükhea, Jirikho mihkhungbonü nüsa bede keochih tüsho Amorrü, Perizrü, Kananrü, Hitrü, Girgashrü, Hivrü, tüsho Jebusrünü bede keochih. Tüshe arü alala inü nüsa kilim jih.

JIHUSUA 4:18

Küyimki Atungpuh tangzüng sangdan hanrü amükeamrübo Jordan phulungnü akhiuk tüsho amükeamrübo jingnü alo akung qiukhea, Jordan ke ju abukpung alodarü tüsho püpüki nangde ayung mide buk.

JIHUSUA 5:10

Küyimki Israelrü Jirikho dükhün thüninde Gilgal ching binkheamkhea, arünü ju khinu thürükheak phüyi nipü arelim phunghothünio mung.

JIHUSUA 5:9

Atungpuhnü Jihusua ki tha, “ Khihni Ijiprü azhorü kuhi nüsa kheaknü tsoshihchoh.” Jumonü ju dangpung ki Gilgal de ji, ju mung khihni khiungde lah.

JIHUSUA 9:6

Junangde arübo Jihusua tüsho Israel kilim Gilgal binkheampung yübah tha, “Isa limshu lomi chingnü arükheah. Jumonü nüsanü isa ki binthrüm thsüpü thiyuchihchimang.”

1 SAMUEL 10:8

Tüsho nü I müngühnü Gilgal lim yükibah; jushu taka kingaünpü tüsho laksah-a mungtsü kingaünkhi jihpü I nü kilim akibah. I nü kilim arübah nünü arhimobebo muhuhyichoki nünü nimung thüne aleangang.”

1 SAMUEL 15:33

Tüshe Samuelnü tha, “Nü nukshangnü aliberübo aniungyüh kamshihdo, jumonü aliberü bolung nü be a aniungyüh labah.” Tüsho Samuelnü Agag ju Gilgal ching Atungpuh miki adütre kamde khapthünak.