JIHUSUA 3:7 - AMÜSÜH HÜM CL Bible (BSI)

⁷ Atungpuhnü Jihusua ki tha, “Inü tümü khihre rhimobanü junü Israelrü athrünkhinü nü atorü ah de wüntreshihbah, tüsho inü künangde Mosa lung lakheanü junangde nü lung she lah de arünü amükheahbah.

JIHUSUA 3:7 Iomraidhean Croise

1 KIUTHSÜYUKHEAN 29:25

Atungpuhnü Israel alala miki Solomon changde shuhkih, tüsho Israel ching api müngüh kiulongthsürü she kheak mülakhi kiulongthsü wüntremüretah api kheak jih.

2 KIUTHSÜYUKHEAN 1:1

David tsührü Solomonnü api kiulongthsü düküngde kamshih; Atungpuh api Thrünpuh anihbuh lung lakheah tüsho api khide ato kamshih.

JOB HU H T ANYU 7:17

Nünü api shuhkihpü nü lümkhi api kheak zopü thsüde mihtsürü ha tümü a,

MUNGSHIKHÜN 18:35

Nünü I akhümkhit tsung jih, tüsho nü khah tsülimnü I tholo, tüsho nü arung hode I ato kamshih.

JOHAN 17:1

Jisunü harü thabah, yinmi lim kheahde tha, “Abuh, kim arüdo. Nü tsührü müretahshang, junangde nü tsührünü she nü müretahbah,

FILIPI 1:20

inü mükkin thsükhi tüsho mulonglamkhi yande tümü ching she I achih müngü, tüshe mulong tode, kamruhroro nangde kheaküshe rhangdungnü yungsho ashepünü thsüthsü I pang ching Khrista wüntre labah.

JIHUSUA 1:17

Isanü kamruhroro Mosa ki anikhi nangde, isanü nü ki anibah, tüsho Atungpuh nü Thrünpuh Mosa lung lakhi nangde nü lung lashang!

JIHUSUA 1:5

Jihusua, nü rhangdung la khiungde shenü nü mazhihkhuk. Mosa lung lakhi nangde I nü lung labah, I lünnü nü lung labah; inü küyimkishe nü mübahyuk.

JIHUSUA 1:9

Reangzahpü tüsho mulonglampü inü nü ki thiyukhüm jihdo de lümkhitang! Dütre tüsho mulong dünini, tümüde Atungpuh nü Thrünpuh, nü küching küching yüyü she nü lung lah.”

JIHUSUA 3:6

Tüsho apinü amükeamrübo tangzüng sangdan hanbah mihtsürübo müngüh thiyia yüshih. Apinü athakhi nangde arünü rhimo.

JIHUSUA 3:8

Tangzüng sangdan shuhrü amükeamrübo ki nünü hade thiyukhüm jihang, küyimki nüsa Jordan ke münküp ki arübanü, nüsa Jordan ching zhikde zhipang.”

JIHUSUA 4:14

Ju nimung Atungpuhnü arhimokhi hode Israel mihtsürü miki Jihusua ato kamshih. Mosa kheak wüntre jihkhi nangde api rhangdung amuyung arünü api kheak wüntre jih.