JIHUSUA 3:5 - AMÜSÜH HÜM CL Bible (BSI)

⁵ Jihusuanü mihtsürübo ki tha, “Nüsabo tsangkhitang, tümüde shido Atungpuhnü nüsa bolung khinthiyinbe rhimobah.”

JIHUSUA 3:5 Iomraidhean Croise

JOB HU H T ANYU 1:5

Tüsho küyimki aniojikhi nimungbo tankihkhea, Jobnü arübo jibah müsühkhit, tüsho apinü yapsu mükikde asürübah arü khekhi yande taka kingaünkhi jih; tümüde Jobnü tha, “ Khükia I tsührübonü neak yihbeaka labah, tüsho arü mulong ching Thrünpuh athrua labah.” Hanangde Job nü kamruhroro rhimo.

MUNGSHIKHÜN 77:15

Nünü nü binnü nü mihtsürü, Jakob tüsho Josep tsührübo rhokhit.

MUNGSHIKHÜN 86:10

Tümüde nü ato ah, tüsho amüyinsahbe rhimochoh; nü lang Thrünpuh ah.

JOEL 2:16

mihtsürübo bemukhungang, amukhungrü müsühkhitang; ashinbuhrübo bemukhungang; azürübo bemukhungang, niuh yungrü khungarübo she. Niuberü lubuhnü nihbuh khiungshak bahkhishang, tüsho arhangberünü nihbe khiungshak bahkhishang.

LEVI 10:3

Jumonü Mosanü Aron ki tha, “Atungpuhnü athakhi ju ha: I phünide arürü abannü I müsühkhitkhi kheak wüntre jihbeah; tüsho mihtsürübo alala ki I müretahshihbeah.” Tüshe Aronnü düsheak makhiukde la.

LEVI 20:7

Jumonü nüsa müsühkhitang, tüsho müsühde laang; tümüde I Atungpuh nüsa Thrünpuh ah.

WÜHKHE 11:8

Mihtsürübonü yübahle handarünü azübe yungsho thsam chingnü chuthünakbah phüh chingnü khiung, tüsho junü yikhap dam; tüsho akekhi ju oliv müdangke yukbah adamkhi yikhap nangde alakheah.

JOHAN 17:19

Tüsho arü dünkheaknü I tsangkhitchoh, junangde thiyuro hode arü she atsangkhitbah.

JIHUSUA 3:13

Küyimki amükeamrübonü alomi kurungkheak A TUN GPU H tangzüng sangdan shuhbahle arü jing ke ching tsahyukbanü, Jordan ke mubukde akambah, tüsho ke bukde akikhi ju dangkhüh kingmukhungbah.”

JIHUSUA 3:15

tüsho küyimki amükeamrübonü tangzüng sangdan hanbah ke münküp ching tsahyukkheanü Jordan ke ju yimlu ruhroro bukkhitde buk,

JIHUSUA 3:4

junangde nüsa yüpü limro nüsanü amükheahbah tümüde nüsa püpüki ha limro arüamükheah, tüshe tangzüng sangdan phünide düyü; kilomitir 1 ngüm ching tsahang.”

JIHUSUA 3:6

Tüsho apinü amükeamrübo tangzüng sangdan hanbah mihtsürübo müngüh thiyia yüshih. Apinü athakhi nangde arünü rhimo.

JIHUSUA 7:13

Asürang! Mihtsürübo tsangkhitang tüsho I kilim bedarüpü thsakhamang. Arü ki shido arüpü thaang, tümütüsho I, Atungpuh Israel Thrünpuhnü athapü ha lah: O Israel, thsümünima bahpü inü thiyukhüm jihkhi kukruk khürü nüsa bolung lah, jurübo kukruk nüsanü yihkhita mübahyikia nüsanü nüsa riri müngüh müzhipkhuk.

1 SAMUEL 16:5

Apinü tha, “ Mungtsü chingnü ah; I Atungpuh ki laksah-a kingaünpü arüdo; nüsabo müsühkhitang tüsho I lung laksah-a kingaünkhi ching arang.” Tüsho apinü Jesse le atsührübo müsühkhit tüsho arübo laksah-a kingaünkhi ching jiyuk.