JIHUSUA 3:3 - AMÜSÜH HÜM CL Bible (BSI)

³ tüsho mihtsürübo ki tha, “ Küyimki nüsanü amükeamrübo Atungpuh nüsa Thrünpuh tangzüng sangdan hanbah angübanü, khimyam lukang tüsho arü yanang,

JIHUSUA 3:3 Iomraidhean Croise

2 SAMUEL 6:13

tüsho Atungpuh sangdan shuhrü jingdükü thuruk yüchoki, apinü moshipung khülang tüsho amüdangkhi moshi nunu laksah-a Atungpuh kingaün.

2 SAMUEL 6:3

Arünü Thrünpuh sangdan lolungbe aso kheaknü hanbah awung kheak lakhi Abinadab yam chingnü lubah akhiuk. Abinadab tsührü Uzza tüsho Ahionü lolungbe aso ju be,

1 KIULONG THSÜRÜ 8:3

Israel azothsürübo alala arü, tüsho amükeamrübonü sangdan ju han.

JEREMIA 33:18

tüsho I miki taka kingaünpü, hi kingaünpü, tüsho kim alala ching shuhmülanga jihpü thsüde Levirü amükeamrübo thsungkheak mihtsürü khülang müladüa müla.

WÜHKHE 10:33

Jumonü Atungpuh wung kheaknü arü nimung mahsam hantsah tsahmusu; tüsho arü binkheampung yimde Atungpuh sangdan arü müngühnü yüshih,

WÜHKHE 4:15

Tüshe küyimki Aron le atsührübonü kingaün sadam tüsho zowupungbo ju aphudokhambanü, arü binkheampung akhinchoki, Kohath tsührübonü arübah jurübo hanbah, tüshe arübonü amüsüh kukrukbo muqiu, jude yungsho arübo ashebah. Harü kukrukbo ha ashorupung khimyam ching yo Kohath tsührübonü ahanbebo ah.

MATHI 16:24

Judüki Jisunü api jingyanrübo ki tha, “Khürünü I dunglim arünesho api küdah thsüde danyukang tüsho nihbuh sangkim shuhbah I yanang.

MATHI 8:19

Judüki yakzan thsangyurü khürü arübah api ki tha, “Thsangyurü, nü kürü ching yübanü inü nü yanbah.”

YUZÜNGTHALO 31:25

Mosanü Atungpuh tangzüng sangdan hanrü Levirü ki thiyukhüm jihde tha:

YUZÜNGTHALO 31:9

Jumonü Mosanü ha yakzan thrütbahle Levi tsührü amükeamrü, Atungpuh tangzüng sangdan shuhrü tüsho Israelrü azothsürübo kilim jih.

JIHUSUA 3:4

junangde nüsa yüpü limro nüsanü amükheahbah tümüde nüsa püpüki ha limro arüamükheah, tüshe tangzüng sangdan phünide düyü; kilomitir 1 ngüm ching tsahang.”

JIHUSUA 3:6

Tüsho apinü amükeamrübo tangzüng sangdan hanbah mihtsürübo müngüh thiyia yüshih. Apinü athakhi nangde arünü rhimo.

JIHUSUA 3:8

Tangzüng sangdan shuhrü amükeamrübo ki nünü hade thiyukhüm jihang, küyimki nüsa Jordan ke münküp ki arübanü, nüsa Jordan ching zhikde zhipang.”

JIHUSUA 4:10

Thrünpuhnü Jihusua ki thiyukhüm jihkhi alala mihtsürübonü mürhimokhamchoki khiungde sangdan shuhrü amükeamrübonü Jordan phulung ching zhipde aleang. Haju ha Mosanü thiyukhüm jihkhi yande rhimo, tüsho mihtsürübonü niokheamde ayung ju ho.

JIHUSUA 6:6

Jihusuanü amükeamrübo jibahle tha, “Atungpuh tangzüng sangdan hanang, tüsho nüsa thüne hulipungpung shuhbah ju müngüh yüang.”

AMIKHEAKAKHIUKKHI 14:4

Harübo aliberü kheaknü mümüneanrü ah, tümüde arünü tsangkhitde zo; arünü Namfimihnunu kürü ching yübanü adunglim yan; harü mihtsürübo kheaknü rhokhitbah adüji sangasobo thsüde Abuh tüsho Namfimihnunu kilim jih,

1 SAMUEL 6:15

Levirübonü Atungpuh sangdan tüsho suna kukruk zahkhi tsüm shuhkhi, tüsho jurübo lung ato kheak duboa zo. Judüki Beth-shemesh mihtsürübonü taka kingaün tüsho ju nimung Atungpuh kilim laksah-a kingaünkhi jih.