JIHUSUA 3:16 - AMÜSÜH HÜM CL Bible (BSI)

¹⁶ tüsho achanglimnü bukde akikhi ju tuklo tüsho kingmukhungde Zarethan kiuto yean Adam kiuto khiungde kingmukhung, junangde Araba keto lim bukde ayükhi yung ju tukloabah tüsho mihtsürübo Jirikho phünide ju hokhukde yü.

JIHUSUA 3:16 Iomraidhean Croise

THRÜNTAN 14:3

Harü kiulongthsürü phüngü ju Siddim jindükhün ching rukhüh thsüru (ju Thimi Keto).

1 KIULONG THSÜRÜ 4:12

Ahilud tsührü Baana, Taanak, Megiddo, tüsho Jezreel khüp lakhi Zarethan yean Beth-shan alala, tüsho Bethshan chingnü Abelmehola, Jokmeam thripkhüh khiungde;

1 KIULONG THSÜRÜ 7:46

Jordan dükhün ching, Sukkoth tüsho Zarethan dükeak akhimniuhniuh lo chingnü jurübo kiulongthsüpuhnü thsü.

MUNGSHIKHÜN 114:3

Ketonü ju ngü tüsho tso; Jordannü rholode tso.

MUNGSHIKHÜN 114:5

O keto, tümü thsüa nü tsokhea? O Jordan, tümüde nü rholode atsokhea?

MUNGSHIKHÜN 29:10

Atungpuh kiulongthsü-binkiu keking kumung kheak lah; apinü lünnü kiulongthsürü thsüde yakzan shuhchoh.

MUNGSHIKHÜN 33:7

Apinü ketobo dangpung khülang bemukhung; apinü muliuke asükbo zowupung ching rihdoa zo.

MUNGSHIKHÜN 66:6

Apinü keto ju akung lo kamshih; arünü jingnü ayung hode yü. Isanü ju ching api lung asühachih.

MUNGSHIKHÜN 74:15

Nünü kenü tüsho keking khimshuh; nünü ayung atobo ngahshih.

MUNGSHIKHÜN 77:19

Nü limro keto ching, nü jing-tsahpung ke atobo ching lakheah, tüsho nü jingdükübo mümükheahde alakheah.

MUNGSHIKHÜN 78:13

Apinü keto azüshih tüsho arü hoshih; tüsho apinü kebo ju rhübo nangde zhipshih.

ABEKHIT 14:21

Judüki Mosanü keto kumung akhah chungkih; tüsho Atungpuhnü aniakhiuklim amüküp pungnü tsüngre amuyung yünlode tsoshih, tüsho keto ju alo akung kamshih, tüsho kebo ju azüabah.

ABEKHIT 14:22

Jumonü Israelrünü kero phulung alo kheak yüzah, tüsho kebo ju arü khah tsülim tüsho huzulim rhü nangde alakheah.

ABEKHIT 14:29

Tüshe Israelrü a kero phulung ching alo akung kheaknü tsah, tüsho kebo ju arü khah tsülim tüsho huzulim rhü nangde alakheah.

ABEKHIT 15:8

Nünü keto kheak müt tüsho ke rhungkih; ha rhü khülang nangde lah-a mudung; keto kero phulung ju khunungabah.

ISAIA 50:2

Tümüde I arüchoki she mülakhea? Tümüde inü ajichoki shenü malokhea? Mürhokhitkhukpü thsüde I khah kihla de? Yungsho abekhitpü I wu müla de? Inü thürühbah keto ngahshih, inü ayungbo loshelo kamshih; ke mülakhinü thüngühbo shuhabah tüsho kethürikhinü sheabah.

EZEKIEL 47:8

Apinü I ki tha, “Ha ke aniakhiuklim bukde yüchoh tüsho Araba lim yükichoh; tüsho küyimki ha amubukkhi keto ching yüzahbanü, ke ju aso kambah.

NAHUM 1:4

Apinü keto thürühchoh tüsho ngahshihchoh, tüsho apinü ayungbo alala ngahshihchoh; Bashan tüsho Karmel mukuhabahchoh tüsho Lebanon pungkhi yiuhabahchoh.

HABAKKUK 3:8

Nü bukakhiukkhi ju ayungbo azhihde alakhea de, O Atungpuh ? Nü mulong zhipzhipkhi ayungbo azhihde alakhea de? Nünü khora tüsho lolungbebo bechoki nünü keto azhihde bukakhiukkhea de?

WÜHKHE 34:3

Nüsa yo düjinglim aredung ju Zin sunglo chingnü Edom aredung yanlah; tüsho düjinglim aredung kheaknü aniakhiuklim Thimi Keto akheam kheak khiungbah;

YUZÜNGTHALO 1:1

Thiyu harübo ha Mosanü Israelrü alala ki sunglo ching Jordan thrippeang, adükhün ching Suph miki, Paran, Tophel, Laban, Hazeroth tüsho Dizahab dükeak chingnü athakhibo ah.

YUZÜNGTHALO 3:17

kheaküshe Jordan aredung thsüde, Kinnereth kheaknü Araba Thimi Keto, aniakhiuklim Pisga wungdüpheak bukkhüp ah.

JIHUSUA 12:3

tüsho ju chingnü Jordan jindükhün düjinglim Galilee kekim chingnü Beth Jeshimoth aniakhiuklim peang Ashe keto tüsho Pisga wung düpheak khiunglah.

JIHUSUA 15:2

Tüsho arü düjinglim aredung ju Ashe keto düjinglim akheam kheaknü tankihlah.

JIHUSUA 16:7

Tüsho Janoa chingnü Ataroth tüsho Naara chingnü Jirikho khiung, tüsho Jordan chingnü arün thsülah.

JIHUSUA 3:13

Küyimki amükeamrübonü alomi kurungkheak A TUN GPU H tangzüng sangdan shuhbahle arü jing ke ching tsahyukbanü, Jordan ke mubukde akambah, tüsho ke bukde akikhi ju dangkhüh kingmukhungbah.”

JIHUSUA 4:22

Israelrü Jordan hode akung lo ching yükhi arü ki mükheahshang.

JIHUSUA 5:1

Israelrü muhoyichoki khiungde Atungpuhnü Jordan ngahshihdo de Jordan aniyüzahlim Amor kiulongthsürü, tüsho Mediterranean keto yean Kanan kiulongthsürübo alalanü so. Israelrü dünkheaknü arübo trede mulong niuthünak tüsho arü me sühmüh mülade kam.

MAHKHAPRÜ 7:22

Küyimki 300nü hulipungpung mütkhea, Atungpuhnü mihtsürübo nukshang ju nihbuh müyamrü kheak dünkihachihshih. Arünü Tabbath phüni Abel kiuto Mehola khiungde, Beth-shitta khiungde Zarethan lim alihde tso.