JIHUSUA 3:11 - AMÜSÜH HÜM CL Bible (BSI)

¹¹ Lomi alala kurungkheak Atungpuh tangzüng sangdan ju nüsa müngüh Jordan lim hanbah ayübah.

JIHUSUA 3:11 Iomraidhean Croise

1 KIUTHSÜYUKHEAN 29:11

O Atungpuhnü ato, wu-sühmüh, müretahkhi, akukkhi, tüsho wüntremüretah; tümüde yinmi ching lakhi tüsho alomi kheak lakhi alala nü yo ah; kiulongthsü nü yo, O Atungpuh , tüsho nü alala kumung aku nangde shuhkih-a lah.

JOB HU H T ANYU 41:11

Shepünü api yankhitkhukba tüsho khümkhitba? Alomiküp ching shenü she ju müthsükhuk.

MUNGSHIKHÜN 24:1

Alomi tüsho ju ching lüpdükhi, alomiküp tüsho ju ching lakhi alala Atungpuh yo ah;

MUNGSHIKHÜN 97:5

Atungpuh miki müzüngbo thürip nangde, alomiküp Tungpuh miki niuthünakchoh.

ISAIA 3:12

I mihtsürübo–azürübo arü junorü ah, tüsho azoberünü arü kurungkheak yakzan shuhchoh. O I mihtsürübo, nüsa limberübonü nüsa bemüchihchoh, tüsho nüsa limro yingyingshihchoh.

ISAIA 54:5

Tümüde nü Thrünrü ju nü yamkhünbuh lah, Wuto Atungpuh ju api mung lah; Israel Amüsüh Thrünpuh ju nü Rhokhitrü, api alomi athrünkhi Thrünpuh de jichoh.

JEREMIA 10:7

Shenü nü mütrepü, O trükshihbo kiulongthsüpuh? Tümüde hoju nü khuh lah; trükshihbo lümlung larü alala bolung tüsho arü kiulongthsübo alala ching sheshe nü nangde müla.

MIKA 4:13

Asürang tüsho nitang, O Zion mihtsürü, tümüde inü nü juh yinchi tüsho nü biuo müwayinchi kamshihbah; nünü mihtsürü ahihdo adütre kamde akingbah, tüsho arü yo ahühkhi lakhit Atungpuh kilim kingaün jihbah, arü lakhit alomi lüpdükhi Tungpuh kilim jihbah.

ZEPHANIA 2:11

Atungpuh mihtrebe thsüde arü azhihbah; apinü lomi thrünpuhbo alala thsümünimbah, tüsho keyeanlobo tüsho kekung-lo trükshihbo alalanü nihbuh dangpung chingnü api ki kingaünbah.

ZEKARIA 14:9

Tüsho Atungpuh ju lomi alala kurungkheak kiulongthsüpuh kambah; ju nimung Atungpuh khülang tüsho api mung khülang labah.

ZEKARIA 4:14

Jushu apinü tha, “Hane ha alomi athrünkhi Tungpuh ki zhiprü mujude-mokhitkhi ah.”

ZEKARIA 6:5

Yunirünü I ki alo, “Harü ha lomi alala TU N GPU H mikinü arükhi yinmi mebo phüyi ah.

YUZÜNGTHALO 9:3

Jumonü Atungpuh nüsa Thrünpuh khihni nüsa müngüh motru aniukhi nangde yüchoh de mükheahang. Apinü arü sheshihbah tüsho nüsa miki hande akijihbah; jumonü Atungpuhnü nüsa ki thakhi nangde nüsanü arü yankhitbah, tüsho nahde adükheakbah.

JIHUSUA 3:13

Küyimki amükeamrübonü alomi kurungkheak A TUN GPU H tangzüng sangdan shuhbahle arü jing ke ching tsahyukbanü, Jordan ke mubukde akambah, tüsho ke bukde akikhi ju dangkhüh kingmukhungbah.”