JIHUSUA 3:1 - AMÜSÜH HÜM CL Bible (BSI)

¹ Ashido yapsu Jihusua tüsho Israelrü alala mükikde asürübah Shittim ching akhin, tüsho Jordan ching yübah muhochoki khiungde ju ching binkheam.

JIHUSUA 3:1 Iomraidhean Croise

THRÜNTAN 21:14

Jumonü Abrahamnü yapsu mükikde asürü, tüsho yikhap le shihküp-keluh lubah Hagar dubuh kheak yihkihjih tüsho azübuh ju bebah thiyia tsoshih. Alibenü chamachih tüsho Beersheba sunglo ching rümde tsah.

THRÜNTAN 22:3

Jumonü Abrahamnü yapsu mükikde asürü tüsho api yo donki hah thsü, tüsho api lung athrününgtsüng 2 tüsho atsührü Isak be; küyimki apinü taka kingaünpü sang suhdahde ayihkheanü, Thrünpuhnü api ki thakhi dangpung lim tsahmusude yü.

MUNGSHIKHÜN 119:60

Nü yukhümbo anipü inü niokheam, tüsho mashu.

JEREMIA 25:3

Amon tsührü Juda kiulongthsüpuh Josia kiulongthsükhi kam thürükheak mahsampü chingnü khihni khiungde, kam mukukheak mahsam, Atungpuh yu I kilim arü, tüsho inü nüsa ki alochode asukdo, tüshe nüsanü mani.

JEREMIA 26:5

tüsho nüsanü mania lalashe inü I yamlarü wukihrübo niokheamde nüsa kilim arüshihkhi yubo manisho,

JEREMIA 7:13

Tüsho kheakü, nüsanü harü alala rhimokhinü, Atungpuhnü thachoh, tüsho küyimki inü nüsa ki alochode asukkhea, nüsanü mani, tüsho küyimki inü nüsa jikhea, nüsanü malo,

MIKA 6:5

O I mihtsürü, Moab kiulongthsüpuh Balaknü tümü rük thsükheanü kheakü lümkhitang, Beor tsührü Balaamnü api ki tümü alokhea, tüsho Shittim chingnü Gilgal khiungde tümü dünjikhea, junangde nüsanü Atungpuh akhümkhit rhimobo mükheahbah.”

WÜHKHE 25:1

Israelrübo Shittim ching lachoki mihtsürübonü Moabberübo kheak müzammürampü tankih.

MARK 1:35

Yapsu khide mükikde, mitingde alachoki Jisunü asürübah thüyam chingnü chamachih tüsho azhikpung khülang ching yüzahbah tamkhüntamnü.

JIHUSUA 2:1

Jihusuanü thirirhurü mahne Kanan tüsho adungto thsüde Jirikho lomi ramde rhua kheahshihpü Shittim chingnü thiyukhüm jihbah yüshih. Anenü yü tüsho ju tsüngre müzammürambe Rahab yam ching bin.

JIHUSUA 6:12

Jihusuanü ashido yapsu mükikde asürü, tüsho amükeamrübonü Atungpuh sangdan shuh-a lu.

JIHUSUA 6:15

Athüne nipü arünü mükikde asürübah kiuto mükamde thüne ki ju ruk lang tsah: Ha nimung arünü thüne ki mükamde tsah.

JIHUSUA 7:16

Ashido yapsu Jihusuanü mükikde asürübah trük ayannü bede arü, tüsho Juda thrükhit.

JIHUSUA 8:10

Yapsu mükikde Jihusuanü asürübahle bonungrübo jimukhung, tüsho api lung Israel azothsürübonü rungde arübo bebah Ai limpeang yü.

MAHKHAPRÜ 20:19

Jumonü Israel mihtsürünü yapsu asürü tüsho Gibea azhihde binkheampung thsü.

1 SAMUEL 17:20

Davidnü yapsu mükikde asürübah namfimihnu ju aneakrü ki zojih, tüsho tsühyungbe lubah Jessenü thiyukhüm jihkhi nangde yü. Bonungrübo keochihpung ching ahode ayüchoki api ju binkheampung ching arü.