JIHUSUA 24:32 - AMÜSÜH HÜM CL Bible (BSI)

³² Josep robo Israelrünü Ijip chingnü handarükhi ju, Jakobnü Shekem abuh Hamor tsührübo kheak shotoyinchi 100 jihbah athulokhi lo ching kiuyukabah; ju Josep tsührü yamrüplurüp kamabah.

JIHUSUA 24:32 Iomraidhean Croise

THRÜNTAN 33:19

Anihbuhnü khimyam thsüpung alo ju Shekem abuh Hamor tsührübo kheaknü apinü shotoyinchi nak 100nü thulo.

THRÜNTAN 48:22

Tüsho Amorrü khah chingnü I nukshang tüsho I sanglühnü ayankhikhi awung düpheak khülang nü keoniorübo kheaknü büthsüde nü kilim jihchoh.”

THRÜNTAN 50:24

Tüsho Josepnü api keoniorübo ki tha, “I shechoh; tüshe Thrünpuhnü tsükjide nüsa rhua kheahbah, tüsho ha lomi chingnü bekhitde apinü Abraham, Isak tüsho Jakob ki thiyuchihchimkhi lomi ching yübah.”

THRÜNTAN 50:25

Judüki Josepnü Israel tsührübo ki thiyuchihchimshihde tha, “Thrünpuhnü tsükjide nüsa rhuakheahbah, tüsho nüsanü I robo ha chingnü lude awutubah.”

ABEKHIT 13:19

Tüsho Mosanü Josep robo api lung lubah yü, tümüde apinü Israelrü ki thiyuchihchimde thaa zo, “Tsükjide Thrünpuhnü nüsa rhua kheahbah, tüsho nüsanü I robo ha chingnü nüsa lung hande awutubah.”

JOHAN 4:5

Jumonü Jakobnü atsührü Josep jihkhi lo phüni Samaria kiuto Saikar de ajikhi ching apinü arü.

YUNIRÜBO RHIMO 7:15

Junangde Jakobnü Ijip ching yüki; tüsho api le isa jipürübo sheabah.

YUNIRÜBO RHIMO 7:16

Tüsho arübo Shekem lim hanlode arü tüsho Abrahamnü Shekem abuh Hamor ki shonü athulokhi kiuyuk ching bah.

IBRI 11:22

Akin hode Josepnü api rhangdung akheam ching, Israelrü bekhitpü tha tüsho api mi bahpü dünkheak thaa jih.