JIHUSUA 24:31 - AMÜSÜH HÜM CL Bible (BSI)

³¹ Jihusua rhangdung la khiungde Israel mihtsürübonü Atungpuh tankih, tüsho api sheshu she Atungpuhnü Israel mihtsürübo thsungkheak rhimokhi ngürü limberübo lakhi khiungde tankih.

JIHUSUA 24:31 Iomraidhean Croise

THRÜNTAN 14:10

Siddim dükhün ju loneakjipjip khünnü mia lakheah; tüsho Sodom le Gomorra kiulongthsürübo ju ching shande yü; khürü ju ching keamyuk, tüsho aningkhi awungbo ching tsode yü.

2 KIUTHSÜYUKHEAN 24:2

Joashnü amükeambuh Jehoiada nimungbo alala ching Atungpuh miki alungki rhimo.

2 KIUTHSÜYUKHEAN 34:33

Josianü Israel mihtsürübo yo lomi alala chingnü athraneanbebo lude tso, tüsho Israel ching larü alala ki Atungpuh arü Thrünpuh kingaünshih. Api nimungbo alala ching Atungpuh arü jipürü Thrünpuh yankhi chingnü rholode mutso.

YUNIRÜBO RHIMO 20:29

I chamachihshu namfimihnu boto maningshihpü rimre amütsü nüsa bolung arübah de inü mükheahlah;

YUZÜNGTHALO 11:2

Atungpuh nü Thrünpuhnü thsangdankhi nü tsührübonü müngü tüsho mümükheah de khihni lümkhitang: Api wüntre-müretah, api khah ato; achungkhitkhi khah;

YUZÜNGTHALO 11:7

tümüde Atungpuhnü rhimo ato rhimokhi alala nüsa müknü ngüdo.

YUZÜNGTHALO 31:13

junangde nüsa Jordan hode yübah müküh-a lupü lakhi lo ching nüsa rhangdung lachoki amuyung ha mümükheahrü arü tsührübonü asobah tüsho Atungpuh nüsa Thrünpuh wüntrepü mükheahbah.”

YUZÜNGTHALO 31:29

Tümüde I sheabahshu nüsa shahde athsümünimbah de inü mükheahlah, tüsho inü nüsa ki thiyukhüm jihkhi limro chingnü rholode atsobah; tüsho ju dunglim nimungbo ching amütsübo nüsa kheak akihbah, tümütüsho nüsanü Atungpuh mük kinü amütsü rhimode, nüsa khahnü arhimokhi hode api bahyukde abukakhiukshihbah.”

FILIPI 2:12

Jumonü amuzho müyamrübo, nüsanü kamruhroro mihyuanikhi nangde kheaküshe I lachoki lang yung tüshe alü thsüde I mülachoki trede tüsho ajande nüsa akhümkhit rhimokhitang;

MAHKHAPRÜ 2:10

Küyimki ju lün alala arü bebuhrü ki mukhungkhea, Atungpuh mümükheahkhi yungsho Israel thsungkheaknü rhimokhi mümükheahkhi, arü dunglim lün püpü asürü.

MAHKHAPRÜ 2:6

Küyimki Jihusuanü mihtsürübo ju müzütshihkhea, Israel tsührübo abannü alo müküh-a lupü nihbuh yamrüplurüp lim yü.

MAHKHAPRÜ 2:7

Jumonü Jihusua nimungbo alala ching tüsho Jihusua sheshu rhangdung larü, Atungpuhnü Israel ching rhimokhi ato ngürü nimungbo alala ching mihtsürübonü Atungpuh tankih.