JIHUSUA 24:25 - AMÜSÜH HÜM CL Bible (BSI)

²⁵ Jumonü Jihusuanü mihtsürübo thsungkheak ju nimung tangzüng thsakham, tüsho Shekem ching arü thsungkheak yakzan tüsho thiyuzüngbo thsüjih.

JIHUSUA 24:25 Iomraidhean Croise

THRÜNTAN 35:4

Jumonü arünü arü khah ching lakhi khiungkerü thrünpuhbo alala tüsho arü nuku ching lakhi nüpübo alala Jakob kilim jih; tüsho Jakobnü jurü Shekem ching thülamdung khüp ramabah.

2 KIULONG THSÜRÜ 11:17

Jehoiadanü Atungpuh tüsho kiulongthsüpuh le mihtsürü dükeak tangzüng thsü, junangde arübo Atungpuh mihtsürü thsübah; kiulongthsüpuh tüsho mihtsürübo dükeak she thsü.

2 KIUTHSÜYUKHEAN 15:12

Arünü arü mulong athrünkhinü tüsho arü me athrünkhinü Atungpuh , arü jipürü Thrünpuh yimpü tangzüng khülang ching yüzah.

2 KIUTHSÜYUKHEAN 15:15

Juda alalanü thiyuchihchimkhi ching asühachih; tümüde arü mulong athrünkhinü thiyuchihchim, tüsho arü me alalanü api yim, tüsho arünü api ngü, tüsho Atungpuhnü alala mükamde arü kilim sühakhim jih.

2 KIUTHSÜYUKHEAN 23:16

Jehoiadanü api le mihtsürü alala tüsho kiulongthsüpuh dükeak arübo Atungpuh mihtsürü thsüpü tangzüng khülang thsü.

2 KIUTHSÜYUKHEAN 29:10

Kheakü ha Atungpuh , Israel Thrünpuh kheak tangzüng khülang thsüpü inü mulonglah, junangde api bukakhiukkhi amüshak isa kheaknü rholode atsobah.

NEHEMIA 9:38

Harübo dünjikhi hode, isa Israelrünü düküngde tangzüng, tüsho thrüt tüsho limberübo, Levirübo tüsho amükeamrübonü arü mütsan yümkih.

ABEKHIT 15:25

Tüsho apinü ATUNGPUH ki zhi; Atungpuhnü api ki sang khülang huh, tüsho apinü ju ke ching jipyukshe, ke ju aniung kam. Ju ching apinü arü thsungkheak yakzan tüsho thiyuzüngbo thsakham. Tüsho apinü ju ching arü rükakheah,

ABEKHIT 24:3

Jumonü Mosanü akibah mihtsürübo ki Atungpuh yubo tüsho yakzanbo alala tha. Mihtsürü alalanü düsheak khülangnü alo tüsho tha, “Atungpuhnü athakhi yubo alala isanü arhimobah.”

YUZÜNGTHALO 29:1

Harübo ha apinü arü kheak Horeb ching tangzüngkhi lung ajakde Israel mihtsürübo ki Moab ching thiyukhüm jihshihpü Atungpuhnü Mosa ki tangzüngkhi jihkhibo ah.

JIHUSUA 24:1

Jihusuanü Israel trük alala Shekem ching bemukhung, tüsho apinü azothsürübo, mahkhaprübo tüsho Israel atorübo ji tüsho arübo Atungpuh miki arü.

JIHUSUA 24:26

Jihusuanü harü yubo Thrünpuh yakzan hüm ching thrütyuk; tüsho apinü lung ato khülang lubahle Atungpuh arüngyam ki thülamdung khüp khima zo.