JIHUSUA 24:2 - AMÜSÜH HÜM CL Bible (BSI)

² Jihusuanü mihtsürübo ki tha, “ Ha Atungpuh Israel Thrünpuhnü thachoh: Adüso nüsa jipürü Tera tüsho atsührü Abraham tüsho Nahor, Ephraim ayung thripkhüh lim lade püpürü thrünpuhbo kingaünkheah.

JIHUSUA 24:2 Iomraidhean Croise

THRÜNTAN 11:22

Serug kam 30 la, tüsho atsührü Nahor lakheah.

THRÜNTAN 11:24

Nahor kam 29 la, tüsho atsührü Tera lakheah.

THRÜNTAN 11:26

Kheakü Tera kam 70 la, tüsho atsührübo Abram, Nahor, tüsho Haran lakheah.

THRÜNTAN 11:27

Ha Tera lünkhe: Tera tsührübo Abram, Nahor, tüsho Haran. Haran tsührü Lot.

THRÜNTAN 31:19

Kheakü Laban anihbuh yo namfimihnu nam rhippü yüa lakheah, tüsho Rachelnü abuh yo yambuk thrünpuhbo ahüh-a lu.

THRÜNTAN 31:30

Kheakü atsütsü nü tsodo, tümütüsho nünü nü buh yamkhün tode lümrhihlah, tüshe tümüde nünü I thrünpuhbo ahühkhea?”

THRÜNTAN 31:32

Shepü lung nü thrünpuhbo ngübanü api dülashih. I ki nü yo tümüpürü lanü I keoniorübo mikinü mütsanang tüsho nünü luang.” Tümüde Rachelnü jurü ahühkhi Jakobnü mümükheah.

THRÜNTAN 31:53

Abraham Thrünpuh, Nahor Thrünpuh, tüsho arü jipürü Thrünpuhnü ike dükeak mahkhapshang.” Tüsho Jakobnü abuh Isak trelimnü thiyuchihchim.

THRÜNTAN 35:4

Jumonü arünü arü khah ching lakhi khiungkerü thrünpuhbo alala tüsho arü nuku ching lakhi nüpübo alala Jakob kilim jih; tüsho Jakobnü jurü Shekem ching thülamdung khüp ramabah.

1 KIUTHSÜYUKHEAN 1:27

Abram, ju Abraham.

ISAIA 51:2

Nü buh Abraham tüsho nü zübebe Sara kilim kheahang; tümüde inü api zangrü jikheah, tüshe inü api müngühjih tüsho api hihde kamshih.

EZEKIEL 16:3

tüsho thaang, Ha Wuto Atungpuhnü Jirusalem ki thachoh: Nü lamih tüsho nü zübekhi ju Kananrü lomi ching lakheah; nü buh ju Amorrü tüsho nü be ju Hitrü lakheah.

LUKNÜ ATHRÜTKHI THIYUSHEAK-ATSÜ HUHTANYU 3:34

Jakob tsührü, Isak tsührü, Abraham tsührü Tera tsührü, Nahor tsührü,

YUZÜNGTHALO 26:5

Tüsho nünü Atungpuh nü Thrünpuh miki thabah: ‘Rümde atsahrü Aramrü ju I buh lakheah; tüsho api wühkhe nükde Ijip ching tsode yünü la; tüsho ju ching api trük ato, sühmüh lakhi tüsho wüh hihde kam.

JIHUSUA 24:15

Kheakü nüsanü api mütankihnesho, nüsa lakhi lo ching nüsa jipürünü akingaünkhi kethripkhüh yungsho Amorrü thrünpuhbo tankihba shi shepü tankihbanü khihni mokhitang; tüshe I tüsho I yamkhün a Atungpuh tankihbah.”