JIHUSUA 24:19 - AMÜSÜH HÜM CL Bible (BSI)

¹⁹ Tüshe Jihusuanü mihtsürübo ki tha, “Nüsanü Atungpuh mütankihkhukpü labah tümüde api amüsüh Thrünpuh, api mükthsü Thrünpuh; nüsanü alakmihkhi yungsho neakbo apinü mübahjih.

JIHUSUA 24:19 Iomraidhean Croise

2 KIUTHSÜYUKHEAN 36:16

tüshe api mihtsürübo kheak Atungpuh bukakhiukkhi khide tode kambah mutsokhitpü khiungde, arünü Thrünpuh yunithsürübo ki keangrümüne, api yubo mükhemükim thsü, tüsho api yo wukihrübo ki münejih.

MUNGSHIKHÜN 99:3

Arünü nü mung ato tüsho atrebe mung shishang– api amüsüh ah.

MUNGSHIKHÜN 99:5

Atungpuh isa Thrünpuh shuhkihang, tüsho api müphü-dubopung ki kingaünang, tümüde api amüsüh ah.

MUNGSHIKHÜN 99:9

Atungpuh isa Thrünpuh shuhkihang, tüsho api amüsüh wung kheak kingaünang; tümüde Atungpuh isa Thrünpuh ju amüsüh ah.

ABEKHIT 20:5

nünü arü ki dükhukning yungsho dükingaün. Tümüde I Atungpuh nüsa Thrünpuh, mükthsü Thrünpuhnü bebuhrü mülimkhi tsührübo kheak lün mahsam tüsho lün phüyi khiungde I thraneanrü rhua kheahchoh,

ABEKHIT 23:21

Api ki kurhangang tüsho api düsheak aniang; api dazhih, tümütüsho nüsanü alakmihkhi apinü mübahjih, tümüde api kheak I mung lah.

ABEKHIT 34:14

Püpürü thrünpuh tümü dükingaün, tümüde Atungpuh shepü mung mükthsü lanü, mükthsü Thrünpuh ah.

ABEKHIT 34:7

chithürü ki amuzho lachoh, tüsho mihbukmuyuk, azhihkhi tüsho neak bahjihchoh. Tütüshe apinü mülimkhi müthsümüchidüa müdükhe; apinü arü bebuhrü neak dünkheak arü tsührü tüsho tsührü-tsührü lün mahsam tüsho phüyi khiungde thsümüchichoh.”

ISAIA 2:9

Mihtsürübonü khukningchoh, tüsho mihtsürü abannü azhihayihde kamchoh; jumonü arü neak dübahjih!

ISAIA 27:11

Küyimki akhahbo muwubanü azoberübonü arübah atakpü yihchoh. Tümüde ha anikhitkhi mülakhi mihtsürü ah; jumonü arü Thrünrünü arü kheak amuzho müla, yungsho arü ki mihmüthsüm muhuh.

ISAIA 30:11

limro chingnü tsoang, limtsahpung chingnü tsahhuhang, isanü kheaküa Israel yo Amüsühbuh Khülang dünkheak musonü.”

ISAIA 30:15

Tümüde Wuto Atungpuh , Israel Amüsüh Thrünpuhnü ha thachoh: Arholokhi tüsho sühakhimkhi ching nüsa khümkhitbah; keamramkhi tüsho akinkhi ching nüsa sühmüh labah. Tüshe nüsanü reanglo

ISAIA 5:16

Tüshe Wuto Atungpuh a thiyuro hode shuhkih tüsho thiyuro lakhi hode Amüsüh Thrünpuh anihbuh langzünü amüsühkhi huhchoh.

LEVI 10:3

Jumonü Mosanü Aron ki tha, “Atungpuhnü athakhi ju ha: I phünide arürü abannü I müsühkhitkhi kheak wüntre jihbeah; tüsho mihtsürübo alala ki I müretahshihbeah.” Tüshe Aronnü düsheak makhiukde la.

LEVI 11:44

Tümüyungde I Atungpuh nüsa Thrünpuh ah; jumonü nüsabo müsühkhitang, tüsho müsühde laang, tümütüsho I amüsüh ah. Alo kheak abüde atsahbe lorilokobo dünkheaknü müneana dulu.

LEVI 11:45

Tümüyungde I nüsa Thrünpuh thsüpü thsüde, nüsa Ijip lo chingnü bekhitbuh Atungpuh ah; jumonü nüsa müsühde laang, tümütüsho I amüsüh ah.

LEVI 19:2

Israel trükbo ki thaang: Nüsa müsühde laang, tümüde I Atungpuh nüsa Thrünpuh amüsüh ah.

LEVI 20:26

Tüsho nüsa I kilim amüsüh, tümüde I Atungpuh amüsüh, tüsho nüsa I yo kamshihpü thsüde inü nüsa püpürü trükshih bolungnü bemuwuh.

LEVI 20:7

Jumonü nüsa müsühkhitang, tüsho müsühde laang; tümüde I Atungpuh nüsa Thrünpuh ah.

NAHUM 1:2

Mükthsükhi tüsho royimkhi Thrünpuh ju Atungpuh ah, royimpü tüsho mulong zhipzhip ju Atungpuh ah; Atungpuhnü api azhihrü kheak royimchoh tüsho api riribo azhihde bukakhiukchoh.

HABAKKUK 1:13

Nü mükbo ju amütsü ngüpü khide tsangkhitlah, tüsho nünü amülim-rhimo kheak mükheahkhuk; tümüde nünü mülapmüji kheak kheahcho le, tüsho mihbukmuyuknü arü kheaknü thiyurolungkirü lakhi muyuchoki zhikde lacho le?

MATHI 6:24

“Shenü she aputungrü mahne mütankihkhuk; tümüde apinü khülang athraneanbah tüsho püpü amuzhobah, yungsho apinü khülang ki thiyuro labah tüsho püpü ki mükhemükimbah. Nüsanü Thrünpuh tüsho lakhit chido mütankihkhuk.

JIHUSUA 24:18

tüsho ju lo ching larü Amorrübo Atungpuhnü isa müngühnü yankhitabah. Jumonü isa she Atungpuh tankihbah, tümüde api isa Thrünpuh.”

JIHUSUA 24:23

Apinü tha, “Dale tüsho nüsa bolung lakhi khiungkerü thrünpuhbo bahyukang, tüsho Atungpuh Israel Thrünpuh kheak nüsa mulong jihang.”

RUTH 1:15

Jumonü Naominü tha, “Ruth, nü chi a nihbe mihtsürü tüsho thrünpuhbo kilim alode wulungdo, nü she yande wulungang.”

1 SAMUEL 3:14

Jumonü Eli yamkhün neak ju laksah-a kingaünde yungsho jihchungchung she lünnü mübahjih de inü Eli yamkhün ki thiyuchihchim.”

1 SAMUEL 6:20

Judüki Beth-shemesh mihtsürübonü tha, “Shepünü ha amüsüh Thrünpuh, Atungpuh müngüh zhipkhukba? Ha chingnü sangdan she kilim yüshihba?”