JIHUSUA 24:18 - AMÜSÜH HÜM CL Bible (BSI)

¹⁸ tüsho ju lo ching larü Amorrübo Atungpuhnü isa müngühnü yankhitabah. Jumonü isa she Atungpuh tankihbah, tümüde api isa Thrünpuh.”

JIHUSUA 24:18 Iomraidhean Croise

MUNGSHIKHÜN 116:16

O Atungpuh , tsükjide I nü yamlarü ah; I a nü yamlarü tsührü nü yamlarü ah; nünü I rhükkhibo trünjih.

ABEKHIT 10:2

tüsho nü tsührü le nü tsührütsührünü sode inü Ijip ching arü bolung amütsanbo ato rhimokhi thaang, junangde I Atungpuh de nüsanü amükheahbah.”

ABEKHIT 15:2

Atungpuh ju I sühmüh tüsho I khün, tüsho api I khümkhitbuh kamdo; ha I Thrünpuh, tüsho inü api shibah, I buh pürü Thrünpuh, inü api shuhkihbah.

ABEKHIT 23:31

Inü nüsa aredung ju Amürüm Keto kheaknü Filistia Keto, tüsho loshelo chingnü Euphra Ayung khiungde athsüjihbah. Tümüde inü lomi ching larü nüsa khah ching jihbah, tüsho nüsa müngühnü ayankhitbah.

MIKA 4:2

tüsho trükshih ahihdonü arübah tüsho athabah: “Arang, isanü Atungpuh müzüng, Jakob Thrünpuh yam ching wutuanü; junangde apinü isa ki api limrobo thsangyubah tüsho isanü api tsahpungbo ching tsahbah.” Tümüde Zion chingnü thsangdankhi, tüsho Jirusalem chingnü Atungpuh yu mikhuh ching yübah.

ZEKARIA 8:23

Wuto Atungpuhnü ha thachoh: Judüki nimungbo ching trükshih yutha aban chingnü mihtsürü 10nü Jihudarü 1 kheak ramlobah, api khimmih kheak zamlobah athabah, “ Isa nü lung yüanü, tümüde Thrünpuh nü lung lah de isanü sodo.”

YUNIRÜBO RHIMO 7:45

Isa jipürünü arüngkhimyam leangkhia lubah Thrünpuhnü arü müngüh yankhita bahkhi trükshih lomi luchoki Jihusua lungnü hanbah yü. Tüsho ju ching David kim khiungde la.

YUZÜNGTHALO 10:21

Api ju nünü mungshi jihpü lah, tüsho api ju harü ato tüsho atrebe rhimobo nü müknü ngüde arhimokhi nü Thrünpuh ah.

YUZÜNGTHALO 33:27

Akheam mülakhi Thrünpuh ju nü lapung lah, tüsho abukkhüp lakhi ju akheam mülakhi khahbo ah. Tüsho apinü thiriri nüsa müngühnü yana tsoshihchoh, tüsho tha, ‘Dükheang.’

JIHUSUA 23:9

Tümüde ato tüsho sühmüh lakhi trükbo nüsa mikhuh chingnü Atungpuhnü yanyuka bahdo; tüsho nüsa thsungkheaknü khihni khiungde shenü she nüsa azhihde müzhipkhuk.

JIHUSUA 24:17

tümüde Atungpuh isa Thrünpuhnü isa jipürü tüsho isa Ijip azhorü kuhi chingnü bedarü, tüsho apinü amüyinsahbe rhimokhi isanü ngü. Isanü hode arükhi limro tüsho mihtsürü bolung chingnü apinü isa khümkhit;

JIHUSUA 24:19

Tüshe Jihusuanü mihtsürübo ki tha, “Nüsanü Atungpuh mütankihkhukpü labah tümüde api amüsüh Thrünpuh, api mükthsü Thrünpuh; nüsanü alakmihkhi yungsho neakbo apinü mübahjih.